Safonau Uwch

Ein nod yw eich ysbrydoli chi gyda’r dewis iawn o bynciau, cefnogaeth wedi’i phersonoli a chyfleoedd i gyrraedd eich potensial. Bob blwyddyn mae tua 1,000 o bobl ifanc yn astudio cyrsiau Safon Uwch gyda CCAF ac yn cael profiad chweched dosbarth unigryw. Dyma ychydig o resymau pam:

• Mwy na 35 o ddewisiadau pwnc i ddewis o’u plith. Yn cynnwys rhai pynciau sydd ddim yn aml yn cael eu cynnig mewn ysgolion a cholegau. Cadwch lygad allan am gyrsiau sy’n unigryw i CCAF megis Hanes yr Hen Fyd, Gwyddoniaeth Gymhwysol, y Clasuron, Technoleg Ddigidol, Newyddiaduriaeth, a mwy.Athrawon arbenigol, sydd i gyd yn arbenigwyr yn eu pynciau ac yn canolbwyntio ar addysgu’r ddarpariaeth Safon Uwch.
• Cyfleusterau rhagorol! Gyda chyrsiau Safon Uwch yn cael eu dysgu ar gampws nodedig Canol y Ddinas, gallwch ddysgu mewn labordai gwyddoniaeth arbenigol, ystafelloedd dosbarth rhyngweithiol, ystafelloedd cyfrifiaduron, stiwdios ffilm a ffotograffiaeth, theatr a mwy.
• Mae yna leoedd gwych i dreulio amser y tu allan i’r dosbarth, yn cynnwys ein Canolfannau Astudio a Llwyddo, Ardaloedd astudio penodol Lefel A ar y pedwerydd llawr, Hwb Bywyd Myfyrwyr, ffreutur, siop goffi a siopau.
• Llwybrau dilyniant prifysgol gwych! Dros y ddwy flynedd ddiwethaf mae mwy na 1000 wedi symud ymlaen i’r brifysgol. Eleni gwnaeth mwy nag erioed gais – gyda dros 700 yn gwneud cais a 30% yn cael cynigion gan brifysgolion Grwˆ p Russell.
• Cefnogaeth arbenigol i wneud cais i’r brifysgol...
  • athrawon yn cysylltu ag arbenigwyr pwnc mewn prifysgolion i gynnig dealltwriaeth a phrofiadau
  • cefnogaeth UCAS arbenigol gyda’n Tîm Gyrfaoedd a Syniadau
  • ein Rhaglen Ysgolheigion yn cynnwys cefnogaeth i wneud ceisiadau i Rydychen/Caergrawnt, prifysgolion Ivy League, Grwˆp Russell a phrifysgolion blaenllaw eraill.
• Y cam delfrydol tuag at brifysgol – datblygu eich annibyniaeth, wrth ddarparu gofal bugeilio ac ystod lawn o gefnogaeth i gyflawni eich potensial a’ch paratoi ar gyfer eich cam nesaf.

I astudio Safon Uwch mae angen o leiaf 6 TGAU A*-C gan gynnwys Saesneg a Mathemateg. Os oes gennych lai na hynny, rydym yn argymell llwybr gwahanol – gan gynnwys BTEC neu un o’n cyrsiau sy’n canolbwyntio ar yrfa – gall pob un ohonynt eich arwain i’r brifysgol a’ch helpu i gyrraedd eich potensial.