Unedau a astudir ym Mlwyddyn 2:

• Uned 4 (Arholiad Llafar):

  Adran A: Byw drwy gyfrwng y Gymraeg

  Adran B: Trafod drama

  Adran C: Ymateb personol Asesiad Synoptig

• Safon Uwch Uned 5 (Papur Arholiad Ysgrifenedig):

  Adran A: Yn cynnwys astudiaeth o’r iaith Gymraeg mewn cymdeithas (cwestiynau yn seiliedig ar y testun gosod) e.e. Cyd-destun hanesyddol yr iaith Gymraeg o ganol yr 20fed ganrif hyd heddiw, sefydlu Llywodraeth Cynulliad Cymru ym 1998; Polisïau Llywodraeth Cymru ynglŷn â’r Gymraeg etc.

  Bydd myfyrwyr hefyd yn astudio sefyllfa bresennol yr iaith Gymraeg e.e. pa heriau mae’r Gymraeg yn eu hwynebu ar lefel leol a chenedlaethol, beth sy’n cael ei wneud i hybu’r Gymraeg heddiw a pha dystiolaeth sydd o hyn yn lleol? Bydd myfyrwyr yn cael eu hannog i edrych ar eu bro leol e.e. cymryd rhan gyda’r Urdd; technoleg a’r iaith Gymraeg; enwogion lleol sy’n hyrwyddo’r iaith.

  Adran B: Trawsieithu – ymateb ysgrifenedig yn Gymraeg i erthygl cyfrwng Saesneg

• Safon Uwch Uned 6 Papur Ysgrifenedig:

Adran A: Cwestiwn cyfansawdd sy’n cynnwys gwahanol fathau o ymarferion ieithyddol sy’n asesu gwybodaeth am ramadeg

Adran B: 2 gwestiwn yn seiliedig ar un o’r testunau gosod ac 1 cwestiwn sy’n dod â’r wybodaeth, y ddealltwriaeth a'r sgiliau a ddatblygwyd yn y pwnc ynghyd.

Asesir y cwrs drwy gyfuniad o asesiad mewnol ac allanol.

Asesiad Mewnol

Mae uned 3 a asesir yn fewnol yn cynnwys asesiad Llafar a gwblheir yn y coleg ym mhresenoldeb arholwr gwadd. Mae hyn yn cynnwys trafodaeth ar fyw drwy gyfrwng y Gymraeg, trafodaeth ar ddrama ac ymateb ar lafar personol, unigol.

Asesiad allanol

Ym Mlwyddyn 2, asesir Unedau 5 a 6 drwy arholiad yn nhymor yr haf ar ddiwedd y flwyddyn academaidd. Mae Uned 5 yn cynnwys un arholiad ysgrifenedig sy’n asesu astudiaeth myfyrwyr o'r Gymraeg mewn Cymdeithas ac mae Uned 6 yn cynnwys un arholiad sy’n asesu gwybodaeth ieithyddol myfyrwyr am y Gymraeg.

5 TGAU A* - C, yn cynnwys Cymraeg Iaith Gyntaf/Saesneg Iaith a Chymraeg Ail Iaith (B yn ddelfrydol)