TG a Chyfrifiaduron

Mae sgiliau TG yn hynod werthfawr i weithwyr ym mhob sector. Byddwch yn datblygu eich gwybodaeth a’ch sgiliau mewn TG a Chyfrifiadura ac yn agor drysau i ystod eang o yrfaoedd. Ar ein cyrsiau a’n rhaglenni Prentisiaeth mewn TG a Chyfrifiadura rydych chi’n datblygu’ch sgiliau cysylltiedig â gwaith gan gynnwys gweithio gyda gwahanol dechnolegau, ffurfweddu caledwedd a meddalwedd a datrys problemau.

Byddwch yn dysgu yn ein hystafelloedd TG pwrpasol, gan gynnwys ein Labordy Seiberddiogelwch. Byddwch hefyd yn cael cyfle i gymryd rhan mewn briffiau byw a osodir gan ddiwydiant, er enghraifft datblygu gwefannau ar gyfer busnesau go iawn. Mae ein myfyrwyr TG hefyd yn cystadlu mewn cystadlaethau sgiliau cenedlaethol gan gynnwys her WorldSkills Microsoft — ac mae ganddyn nhw hanes o lwyddiant mawr. Mae’r cyfleoedd hyn yn eich helpu i ddatblygu eich CV ac i sefyll allan o’r dorf.