Mae ein cwrs Datblygu gwefannau lefel 2 yn ddelfrydol ar gyfer unrhyw un sy'n dymuno dilyn gyrfa fel datblygwr gwefannau, neu rywun sydd eisiau diweddaru eu gwybodaeth bresennol. Byddwch yn dysgu sut i ysgrifennu codau HTML 5 a CSS 3 yn llwyddiannus. Byddwch hefyd yn cael cyflwyniad i dechnegau datblygu gwefan ymatebol sy'n galluogi'r wefan i ymateb i faint y sgrin.
Mae hwn yn gwrs ymarferol iawn, gyda llawer o heriau codio i brofi eich sgiliau wrth i chi fynd yn eich blaen.
Ar y cwrs hwn, byddwch yn dysgu sut i:
1. Gynllunio a dylunio gwefan
2. Datblygu gwefan gan ddefnyddio technegau HTML 5 a CSS 3
3. Profi a gwerthuso effeithiolrwydd y wefan
4. Deall hawlfraint a chyfyngiadau eraill all effeithio ar y wefan
5. Paratoi cynnwys ar gyfer tudalennau gwe megis delweddau
Wedi ei gwblhau'n llwyddiannus, byddwch yn derbyn tystysgrif gan Agored Cymru.
Bydd tiwtor yn addysgu'r cwrs hwn o bell dros Microsoft Teams. Ni fydd angen i chi brynu unrhyw feddalwedd ar gyfer y cwrs hwn. Fodd bynnag, byddwch angen cyfrifiadur sy'n gweithio gyda seinyddion a mynediad at y Rhyngrwyd. Byddai meicroffon yn ddefnyddiol, ond nid yn hanfodol.
Ffi Arholiad : £16.00
Ffi Cofrestru: £10.00
Ffi Cwrs: £55.00
Ffi gyda gostyngiad (Bwrsari): £27.50
Dylai ymgeiswyr fod â diddordeb brwd yn y pwnc a bod yn barod i astudio yn annibynnol.
Mae'r Coleg yn croesawu cyswllt â rhieni / gwarcheidwaid myfyrwyr sy'n iau na 18 oed.
Mae cefnogaeth ychwanegol ar gael i fyfyrwyr sydd ag anableddau ac anawsterau dysgu.
Mae Coleg Caerdydd a'r Fro wedi ymrwymo i gynhwysiant ac mae'n gwerthfawrogi amrywiaeth. Rydym yn benderfynol o hybu cyfleoedd cyfartal a thrin pawb yn deg a gyda pharch.
Mae Coleg Caerdydd a'r Fro yn cadw'r hawl i wneud newidiadau i'r cwrs hwn heb rybudd ymlaen llaw.
Gall ffioedd cyrsiau newid. Cadarnheir eich ffi cyn ymrestru.
Mae pob cwrs yn fanwl gywir adeg uwchlwytho neu argraffu'r deunydd hwn.
Dim ond os oes niferoedd digonol y cynhelir y cyrsiau.
Sylwer, os byddwch yn dewis tri chwrs neu fwy, efallai y cewch eich cyfeirio i gael apwyntiad gyrfaoedd i ddechrau. Nid yw hyn yn berthnasol i ddewisiadau Safon Uwch na TGAU.