Gofal Plant a Gweithio Mewn Ysgolion

Enillwch y cymwysterau, y wybodaeth, y sgiliau a’r profiad angenrheidiol i ddechrau eich gyrfa yn gweithio gyda phlant. Mae ein cyrsiau gofal plant yn eich helpu i gamu i yrfa mewn meithrinfeydd, lleoliadau cyn ysgol ac amrywiaeth o leoliadau gofal plant.
Mae Cefnogi Addysgu a Dysgu mewn Ysgolion yn llwybr amgen i’r rhai a hoffai weithio fel cynorthwywyr addysgu mewn ysgolion a cholegau, gyda’r opsiwn i arbenigo mewn cefnogi’r rhai ag anghenion dysgu ychwanegol. Byddwch yn cael eich addysgu gan athrawon profiadol yn y diwydiant ac yn ymgymryd â lleoliadau gwaith gyda chyflogwyr fel rhan o’r cwrs, i gynyddu eich profiad ymarferol.