Anelir y cymwysterau BTEC Pearson Cenedlaethol Uwch mewn Addysg a Gofal Plentyndod Cynnar at fyfyrwyr sy’n awyddus i barhau â’u haddysg drwy ddysgu cymhwysol. Mae Tystysgrifau Cenedlaethol Uwch yn darparu astudiaeth eang o’r sector addysg a gofal cynnar ac maent wedi’u dylunio ar gyfer myfyrwyr sy’n dymuno dilyn neu ddatblygu gyrfa mewn ymarfer addysg a gofal cynnar neu feysydd perthnasol. Yn ogystal â’r wybodaeth, y ddealltwriaeth a’r sgiliau sy’n sail i astudiaeth o’r sector addysg a gofal cynnar, mae’r cymwysterau BTEC Pearson Cenedlaethol Uwch yn rhoi profiad ar hyd a lled y sector i fyfyrwyr, a fydd yn eu paratoi ar gyfer cyflogaeth, datblygiad o fewn cyflogaeth neu astudiaeth bellach.
Ar Lefel 4 mae myfyrwyr yn datblygu gwybodaeth ac ymwybyddiaeth eang o agweddau allweddol ar y sector addysg a gofal cynnar trwy wyth uned graidd, sy’n cynnwys un uned a aseswyd gan aseiniad a osodwyd gan Pearson. Yr unedau yw:
Uned 1: Datblygiad Personol a Phroffesiynol drwy Ymarfer Adlewyrchol
Uned 2: Amddiffyn Plant mewn Amgylcheddau Addysg a Gofal Cynnar
Uned 3: Chwarae a Dysgu yn ystod Plentyndod Cynnar
Uned 4: Cefnogi a Hyrwyddo Datblygiad Plant (Babis a Phlant Bach)
Uned 5: Cefnogi a Hyrwyddo Datblygiad Plant (Plant Ifanc)
Uned 6: Hyrwyddo Byw’n Iach
Uned 7: Paratoi ar gyfer Ymchwil*
Uned 8: Hyrwyddo Amgylcheddau Addysg a Gofal Cynnar Cynhwysol. *(’Uned 7: Paratoi ar gyfer Ymchwil’ yw’r aseiniad a osodir gan Pearson hefyd).
Ffioedd Dysgu: £6,000.00
3 Lefel A neu gyfwerth mewn pynciau perthnasol, neu gymhwyster lefel 3 - Diploma Mynediad neu Ddiploma Estynedig mewn Iechyd a Gofal Cymdeithasol neu Ofal Plant.
Asesir dysgwyr ar y cwrs hwn drwy gyfuniad o arsylwadau gweithle a Phortffolio Dysgu a Datblygiad Proffesiynol, ynghyd ag unedau asesu a phrosiect ymchwil a asesir yn allanol.
Disgwylir i ddysgwyr ymgymryd ag o leiaf 2 gyfnod profiad gwaith gwerth o leiaf 375 awr y flwyddyn mewn lleoliad addas, felly mae gwiriad y Gwasanaeth Datgelu a Gwahardd (DBS) estynedig llawn yn ofynnol ar ddechrau’r cwrs.
Campws canol y ddinas yw campws mwyaf CAVC ac mae ganddo amrywiaeth eang o gyfleusterau i ddysgwyr eu mwynhau.
Bydd gan fyfyrwyr y cwrs hwn fynediad i Uned AU bwrpasol sy’n cynnwys Canolfan Dysgu Sgiliau (LSC) o safon uchel, ardal gymdeithasol i fyfyrwyr AU, mynediad at gyfleusterau TG a pharth astudiaeth dawel.
Mae'r Coleg yn croesawu cyswllt â rhieni / gwarcheidwaid myfyrwyr sy'n iau na 18 oed.
Mae cefnogaeth ychwanegol ar gael i fyfyrwyr sydd ag anableddau ac anawsterau dysgu.
Mae Coleg Caerdydd a'r Fro wedi ymrwymo i gynhwysiant ac mae'n gwerthfawrogi amrywiaeth. Rydym yn benderfynol o hybu cyfleoedd cyfartal a thrin pawb yn deg a gyda pharch.
Mae Coleg Caerdydd a'r Fro yn cadw'r hawl i wneud newidiadau i'r cwrs hwn heb rybudd ymlaen llaw.
Gall ffioedd cyrsiau newid. Cadarnheir eich ffi cyn ymrestru.
Mae pob cwrs yn fanwl gywir adeg uwchlwytho neu argraffu'r deunydd hwn.
Dim ond os oes niferoedd digonol y cynhelir y cyrsiau.
Sylwer, os byddwch yn dewis tri chwrs neu fwy, efallai y cewch eich cyfeirio i gael apwyntiad gyrfaoedd i ddechrau. Nid yw hyn yn berthnasol i ddewisiadau Safon Uwch na TGAU.
Gall ymgeiswyr sy'n cyflawni'r cymwysterau hyn fynd ymlaen i astudio cymwysterau academaidd a phroffesiynol pellach neu ddilyn gyrfa fel gweithiwr cymorth gofal iechyd.