Cefnogi Addysgu a Dysgu mewn Ysgolion a Cholegau
Ynghylch y cwrs hwn
Mae'r cwrdd hwn wedi ei ddylunio ar gyfer pobl sydd â diddordeb mewn dod yn gymhorthydd addysgu mewn un ai amgylchedd ysgol neu goleg. Mae'r cwrs yn gyfuniad o ddysgu seiliedig ar waith a'r ystafell ddosbarth ac yn cynnwys rhai oriau o brofiad gwaith gorfodol.
Bydd yn ofynnol i ddysgwyr gael profiad gwaith mewn amgylchedd cefnogi dosbarth, gall y coleg gynorthwyo dysgwyr gyda hyn drwy ddarparu cyfleoedd profiad gwaith mewn dosbarthiadau ôl-16 yn y Coleg.
Bydd unrhyw ddysgwr sy'n cwblhau'r cwrs hwn yn llwyddiannus yn cael cynnig cyfweliad am unrhyw swydd cymorth i ddysgwr addas sydd ar gael yn y Coleg.
Beth fyddwch chi’n ei astudio
Mae'r cymhwyster Lefel 2 Cefnogi Addysgu a Dysgu wedi ei ddylunio i ddarparu dealltwriaeth i ddysgwyr o'r wybodaeth a'r sgiliau sydd eu hangen wrth weithio'n uniongyrchol gyda phlant a phobl ifanc mewn amgylchedd ysgol a choleg. Mae'n ymdrin ag ystod eang o feysydd yn cynnwys datblygiad plant a phobl ifanc, cefnogi ymddygiad cadarnhaol plant a phobl ifanc a chyfathrebu a pherthnasoedd proffesiynol.
Byddwch hefyd yn dysgu am gymorth ALN - mae'r cymhwyster hwn yn darparu'r cyfle i ddysgwyr ddatblygu eu gwybodaeth a'u sgiliau ynghylch cynorthwyo unigolion gydag anableddau dysgu. Mae wedi ei anelu at ddysgwyr sy'n cynorthwyo unigolion gydag anableddau dysgu fel rhan o'u swydd.
Gofynion mynediad
Bydd angen y canlynol arnoch: 4 TGAU ar raddau A*–C, neu Dystysgrif Estynedig Lefel 2 gyda gradd 'Pas' neu uwch. Gradd CD neu uwch mewn TGAU Saesneg neu Gymraeg (Iaith), neu 'Pas' mewn Sgiliau Hanfodol Lefel 2 (Cyfathrebu) a gafwyd o fewn y ddwy flynedd ddiwethaf. Gradd D neu uwch mewn TGAU Mathemateg, neu 'Pas' mewn Sgiliau Hanfodol Lefel 1 (Rhifedd) a gafwyd o fewn y ddwy flynedd ddiwethaf. Sylwer: mae angen i bob dysgwr gael gwiriad DBS manwl (enhanced) boddhaol adeg cofrestru.
Pwyntiau pwysig
Mae'r Coleg yn croesawu cyswllt â rhieni / gwarcheidwaid myfyrwyr sy'n iau na 18 oed.
Mae cefnogaeth ychwanegol ar gael i fyfyrwyr sydd ag anableddau ac anawsterau dysgu.
Mae Coleg Caerdydd a'r Fro wedi ymrwymo i gynhwysiant ac mae'n gwerthfawrogi amrywiaeth. Rydym yn benderfynol o hybu cyfleoedd cyfartal a thrin pawb yn deg a gyda pharch.
Mae Coleg Caerdydd a'r Fro yn cadw'r hawl i wneud newidiadau i'r cwrs hwn heb rybudd ymlaen llaw.
Gall ffioedd cyrsiau newid. Cadarnheir eich ffi cyn ymrestru.
Mae pob cwrs yn fanwl gywir adeg uwchlwytho neu argraffu'r deunydd hwn.
Dim ond os oes niferoedd digonol y cynhelir y cyrsiau.
Sylwer, os byddwch yn dewis tri chwrs neu fwy, efallai y cewch eich cyfeirio i gael apwyntiad gyrfaoedd i ddechrau. Nid yw hyn yn berthnasol i ddewisiadau Safon Uwch na TGAU.
Dyddiad dechrau
Dyddiad gorffen
Amser o'r dydd
Llawn Amser
Cod y cwrs
Cymhwyster
Mwy...
Ar ôl edrych i mewn i astudio Gofal Plant yng Ngholeg Caerdydd a’r Fro, gwyddwn mai hwn oedd y cwrs i mi. Mae’r awyrgylch dysgu yn wych yma, ac mae cymaint o gymorth ar gael. Rydw i’n ddyslecsig, ond mae’r holl diwtoriaid wedi bod yn barod iawn eu cymorth bob amser. Gallaf fod yn bryderus wrth gwrdd â phobl newydd, ond ymgartrefais yn arbennig yma, yn ystod yr wythnos gyntaf hyd yn oed. Gan fy mod yn astudio yma, cefais y cyfle i gymryd rhan yn Cystadleuaeth Sgiliau Cymru 2023 mewn Gofal Plant – ac enillais! Rydw i’n gobeithio datblygu o Lefel 2 i Lefel 3 yma yn y Coleg, ac yna hyfforddi i fod yn Therapydd Iaith a Lleferydd, gan helpu plant a phobl ifanc gyda’u sgiliau cyfathrebu.
Rhagolygon gyrfa ac astudio pellach
103,500
Gallwch barhau i symud ymlaen mewn Addysg i gymhwyster lefel 3, neu ymuno â'r gweithlu fel cymhorthydd Addysgu.