Peirianneg

Mae peirianneg yn datblygu ystod eang o sgiliau trosglwyddadwy ac yn arwain at ystod enfawr o yrfaoedd yn y dyfodol. Mae peirianneg yn ymwneud â phopeth o’n cwmpas – peiriannau, ffonau symudol, adeiladau, ynni – mae peirianwyr yn ymwneud â dylunio, datblygu, profi a datrys problemau.
P’un a ydych chi’n astudio ar ein Campws Canol y Ddinas yng Nghaerdydd neu yn ein Canolfan Technoleg Uwch yn y Fro, byddwch yn dysgu mewn cyfleusterau arbenigol o’r radd flaenaf gydag athrawon sy’n brofiadol yn y diwydiant. Dewiswch o Dechnolegau Peirianneg sy’n cwmpasu peirianneg fecanyddol, drydanol, electronig a chyffredinol, neu Beirianneg gydag arbenigedd mewn Peirianneg Electronig neu Roboteg a Seiber. Mae pob opsiwn yn rhoi sylfaen wych o sgiliau i chi ddatblygu i gyflogaeth, prentisiaeth neu brifysgol.
Manteisiwch ar ddysgu a phrofiadau peirianyddol go iawn trwy gydol eich cwrs, gyda thechnoleg sy’n arwain y ffordd i’ch paratoi chi ar gyfer gweithio yn y diwydiant. Mae CCAF yn cysylltu â busnesau a darparwyr addysg ar draws y wlad a hyd yn oed y byd! Eleni, ymwelodd myfyrwyr ag amrywiaeth eang o gyflogwyr, prifysgolion sy’n bartneriaid a’r Sefydliad Technoleg yn Siapan! Datblygwch sgiliau defnyddiol a chymwysterau diwydiant fel rhan o’ch cwrs, gan gynnwys Dylunio gyda Chymorth Cyfrifiadur (CAD) a Thechnoleg Gwyrdd, gyda phob un yn cynyddu eich cyflogadwyedd.