Rygbi Dynion

Mae Academi Rygbi CAVC yn darparu llwyfan perffaith i chwaraewyr rygbi talentog, sy’n 16-19 oed, sydd â diddordeb mewn perfformiad a rygbi ar lefel elitaidd.
Fel y coleg sy’n bartner swyddogol i Rygbi Caerdydd, darparwn y cyfleusterau, yr hyfforddiant, y cysylltiadau, ynghyd â chymorth cynhwysfawr diguro, sy’n eich galluogi i gyflawni eich potensial.
Mae Academi Rygbi CAVC wedi ennill cystadlaethau cenedlaethol, ac wedi datblygu enw a hanes o feithrin a datblygu talent ar gyfer y rhanbarth a Chymru.

Beth allwn ni ei gynnig i chi?

Y cydbwysedd iawn

Mae eich athrawon a’ch hyfforddwyr yn gweithio gyda’i gilydd i sicrhau nad yw eich astudiaethau a’ch ymrwymiadau o ran chwaraeon yn gwrthdaro. Rydym yn creu’r cydbwysedd iawn i’ch galluogi i gyflawni eich potensial yn y naill agwedd a’r llall.

Hanes o lwyddiant

Mae Academi Rygbi CAVC yn enillwyr Cwpan Ysgolion a Cholegau Cymru, gan ennill eu gêm derfynol yn Stadiwm y Principality.
Ers ei sefydlu yn 2016, fe aeth 28 o fyfyrwyr ymlaen i chwarae ar lefel ryngwladol, mewn timau fel rhai Dan 18 a Phrif Garfan Saith Bob Ochr Cymru.
Mae dros 100 o fyfyrwyr wedi cynrychioli Rhanbarth Gleision Caerdydd, o’r rhai Dan 18 i lefel y brif garfan.
Mae nifer o chwaraewyr CAVC wedi mynd ymlaen i brifysgolion chwaraeon blaenllaw, ac maent bellach yn cynrychioli timau fel Prifysgol Caerdydd, Prifysgol Metropolitan Caerdydd, Prifysgol Loughborough a Phrifysgol Caerwysg.

Cyfleusterau rhagorol

Parc yr Arfau: calon rygbi rhanbarthol a lleoliad â phroffil uchel ar gyfer rhai gornestau cartref yn ystod y tymor.
Campfa Perfformiad Uchel Gethin Jenkins yn ein Campws yng Nghanol y Ddinas: un o’r cyfleusterau gorau o’i fath ar gyfer datblygu cryfder a chyflyru.
Campws Chwaraeon Rhyngwladol Caerdydd (CISC) a Pharc y Gamlas yng Nghampws Canol y Ddinas: gyda meysydd chwarae o’r safon orau, ynghyd â chromennau chwaraeon o’r radd flaenaf sy’n sicrhau y gellir cynnal sesiynau hyfforddiant a gemau trwy gydol y flwyddyn.
Mae llety ar gael i fyfyrwyr o bell sy’n dymuno ymuno â CAVC ac un o’n hacademïau.

Hyfforddiant arbenigol proffesiynol

Hyfforddiant rygbi proffesiynol bob wythnos.
Tîm hyfforddi o’r safon orau, gan gynnwys Cyfarwyddwr Rygbi Lefel 4, ynghyd â thîm o hyfforddwyr arbenigol sy’n cynnwys chwaraewyr rygbi proffesiynol cyfredol.

Cryfder a chyflyru proffesiynol a chymorth cynhwysfawr

Hyfforddwr Cryfder a Chyflyru sy’n sicrhau rhaglen ddatblygu bersonol ar gyfer bob chwaraewr.
Mynediad i sesiynau ffisiotherapi wythnosol, ynghyd ag amrywiaeth o gymorth o safbwynt gwyddor chwaraeon, fel maetheg, seicoleg a dadansoddi perfformiad.

Gornestau cystadleuol

Hyd at 20 gornest yng Nghynghrair Colegau Cymru a Phrydain bob tymor.
Cymryd rhan mewn twrnameintiau â phroffil uchel, gan gynnwys twrnamaint 7 bob ochr Rosslyn Park.
Taith Ryngwladol: gyda’r un ddiweddaraf i Japan, pryd y dewiswyd CAVC y gynrychioli Cymru yng Nghwpan Ieuenctid y Byd SANIX.

Partneriaethau proffesiynol

CAVC yw’r Coleg sy’n Bartner Swyddogol i Rygbi Caerdydd: sydd o fudd o ran proffil chwaraewyr a chyfleoedd i gamu ymlaen.
Llwybrau cynnydd sefydledig, gan gynnwys y rheiny i Rygbi Caerdydd, Clwb RFC Caerdydd, prifysgolion chwaraeon blaenllaw a charfanau cenedlaethol.
Amgylchedd cefnogol sy’n caniatáu i chi barhau i chwarae rygbi domestig gyda’ch clwb dewisedig.

Cysylltiadau cyflym

Cysylltwch â ni Dilynwch ni ar Twitter Clywch gan y chwaraewyr Newyddion

Mae CAVC yn falch i weithio mewn partneriaeth â Gleision Caerdydd.

"Ar ôl gadael Coleg Caerdydd a’r Fro, fe es i ymlaen i Brifysgol Caerdydd i astudio Hanes. Caniataodd hyn i mi aros yng Nghaerdydd i adeiladu ar fy natblygiad academaidd ac ym maes rygbi ar Lefel Academi Ranbarthol, gan ennill fy nghap Dan 20 dros Gymru, a chael chwarae yn yr Uwch Gynghrair a’r garfan tîm A Ranbarthol. Rwyf bellach yn chwarae’n broffesiynol gyda Rygbi Caerdydd ac wedi ennill cap dros Gymru.
Mae CAVC, a’r Academi Rygbi’n arbennig, wirioneddol wedi fy helpu i fynd yn fy mlaen, nid yn unig o safbwynt academaidd, ond o ran fy ngyrfa ym maes rygbi a lle’r wyf wedi’i gyrraedd heddiw. Fel bachgen o Gaerdydd, bu’n uchelgais oes i mi gynrychioli’r Rhanbarth, a chaniataodd hyn i mi wneud hynny."

Ben Thomas

Cyn Gapten Rygbi CAVC, a bellach yn chwaraewr Rygbi Caerdydd, ac yn chwaraewr rygbi sydd wedi’i gapio ac wedi chwarae dros Gymru.

“Bu fy mrawd yn chwarae i Goleg Caerdydd a’r Fro fel rhan o’i gytundeb gyda’r Academi Ranbarthol, ac fe wnaeth ei wylio’n datblygu ei gêm argraff aruthrol arnaf. Roedd y penderfyniad i adael yr ysgol ac ymuno â CAVC yn un hawdd, yn seiliedig ar ddatblygiad a phrofiadau fy mrawd.
Mae lefel yr hyfforddiant, y cyfleusterau a’r adnoddau yr un mor dda, os nad yn well, nag unrhyw gyfleusterau ledled y wlad. Mae’r Academi’n canolbwyntio ar ddatblygiad, gyda’r sylw ar ddysgu yn gyntaf yn yr ystafell ddosbarth. Cynllunnir ar gyfer cynnal yr holl weithgareddau rygbi y tu allan i’r diwrnod dysgu.
Rhoddodd yr Academi ffenest siop i arddangos fy nhalentau, ac ers bod yma, fe gefais fy newis ar y lefel Dan 18 Ranbarthol dros ddwy flynedd. Cynrychiolais dîm Dan 18 Cymru, cefais fy newis ar gyfer tîm Dan 19 Cymru, ac enillais gytundeb tair blynedd gyda’r Academi Ranbarthol y tymor hwn. Bydd yr hyn a ddysgais o’r profiad yn CAVC o fudd i mi am flynyddoedd lawer i ddod.”

Evan Lloyd

Lefelau A