Gwyddoniaeth Peirianneg Awyrofod

Hyfforddwch ar gyfer gyrfa mewn Peirianneg Awyrofod gyda chyfleoedd cyffrous i weithio yng Nghymru ac ar draws y byd. Mae ein cyrsiau Peirianneg Awyrofod i gyd wedi eu lleoli yn ein Canolfan Ryngwladol Hyfforddiant Awyrofod (ICAT) – cyfleuster uchel ei glod – â’r pwrpas arbennig o hyfforddi talent y dyfodol ar gyfer y diwydiant cyffrous hwn.
Mae’r ganolfan eiconig hon yn cynnwys gweithdai arbenigol, labordai ac awyrendy go-iawn anferth i chi ddatblygu eich sgiliau ymarferol. Mae cysylltiadau gwych gan y Ganolfan gyda diwydiant, gan gynnwys British Airways, Boeing, GE a Caerdav. Mae hyn yn golygu y byddwch yn datblygu gwybodaeth, sgiliau a chymwysterau’r diwydiant ar eich cwrs, yn ogystal â lleoliadau gwaith yn y diwydiant – sydd i gyd yn eich paratoi ar gyfer gyrfa yn y diwydiant awyrofod. Mae rhai dysgwyr hyd yn oed yn mynd ymlaen i ddechrau gyrfaoedd gyda’r cwmnïau hyn yn syth ar ôl y coleg.