Peirianneg Awyrenegol
Ynglŷn â'r cwrs
Mae’r cwrs hwn yn ddelfrydol ar gyfer myfyrwyr sy’n gadael yr ysgol ac wedi ennill gradd B mewn Mathemateg ac sydd â diddordeb mewn Gwyddor Awyrofod a Hedfan gan gynnwys Peirianneg Gyffredinol. Bydd y cwrs yn rhoi’r sgiliau a’r wybodaeth sylfaenol sydd eu hangen arnoch i weithio fel gosodwr awyrennau neu dechnegydd didrwydded yn y diwydiant awyrennau. Mae'r cwrs yn rhoi cyfle gwych i chi ddysgu am wahanol bynciau sy’n ymwneud ag awyrennau gan gynnwys: systemau, deunyddiau, caledwedd a gyriad awyrennau - i’ch rhoi yn y sefyllfa orau o ran gyrfa lwyddiannus yn y diwydiant awyrofod.
Rhennir y cwrs yn dros ddwy flynedd. Ar ôl cwblhau'r flwyddyn gyntaf, byddwch yn ennill cymhwyster Diploma Lefel 3 cydnabyddedig mewn Technolegau Peirianneg. Yn dilyn cwblhau’r ail flwyddyn yn llwyddiannus, byddwch yn ennill Diploma Estynedig mewn Technolegau Peirianneg.
Mae’r cwrs yn gyfwerth â dwy Lefel A (hyd at 96 pwynt UCAS). Fe’ch cynghorir i gofrestru ar gyfer cwrs Lefel A Mathemateg ynghyd â’r cwrs hwn.
Beth fyddwch yn ei astudio?
Tra byddwch ar y cwrs hwn byddwch yn astudio:
Blwyddyn 1 - Diploma mewn Peirianneg:
- Iechyd a Diogelwch Peirianneg
- Mathemateg Peirianneg
- Egwyddorion Trydanol ac Electronig
- Egwyddorion Mecanyddol
- Damcaniaeth Hedfan
- Cyfathrebiadau Peirianneg/CAD
- Ymarferion Cynnal a Chadw Awyrennau
- Sgiliau ar gyfer Awyrofod Lefel 2
Dilyniant yn unig yw Blwyddyn 2 - Diploma Estynedig mewn Peirianneg Awyrenegol:
- Mathemateg Peirianneg Bellach
- Systemau awyrennau adenydd rotor
- Peiriannau tyrbin nwy
- Systemau Awyrennau
- Radio a radar
- Perfformio Gweithrediadau Peirianneg
- Sgiliau ar gyfer Awyrofod Lefel 3
Bydd yn ofynnol i fyfyrwyr gwblhau lleiafswm o 5 wythnos o brofiad gwaith perthnasol.
Caiff y cymhwyster ei asesu drwy gyfuniad o asesiadau ymarferol wedi'u llunio gan y ganolfan ac aseiniadau yn cwmpasu’r pynciau a fanylir arnynt yng nghynnwys y cwrs. Bydd eich sgiliau ymarferol yn y gweithdy yn cael eu hasesu yn barhaus a’u marcio.
Gofynion mynediad
Ymgeiswyr sydd ag o leiaf 5 TGAU - Gradd A* i C neu gyfwerth, neu raddau cyfwerth arfaethedig posib. Yn cynnwys A* i C mewn pwnc Mathemateg neu Wyddoniaeth, Ffiseg os yn bosibl.
Hefyd:
- Yn frwdfrydig, â chymhelliant i weithio mewn amgylchedd peirianneg
- Parodrwydd i ymgymryd â chwrs o hyfforddiant dwys
- Byddai rhai sydd wedi cwblhau profion mewn sgiliau rhifedd, llythrennedd a chyfathrebu sylfaenol, sydd ag ymwybyddiaeth ofodol
Yn gymwys i wneud cais ar gyfer y cwrs hwn.
Pwyntiau pwysig
Mae'r Coleg yn croesawu cyswllt â rhieni / gwarcheidwaid myfyrwyr sy'n iau na 18 oed.
Mae cefnogaeth ychwanegol ar gael i fyfyrwyr sydd ag anableddau ac anawsterau dysgu.
Mae Coleg Caerdydd a'r Fro wedi ymrwymo i gynhwysiant ac mae'n gwerthfawrogi amrywiaeth. Rydym yn benderfynol o hybu cyfleoedd cyfartal a thrin pawb yn deg a gyda pharch.
Mae Coleg Caerdydd a'r Fro yn cadw'r hawl i wneud newidiadau i'r cwrs hwn heb rybudd ymlaen llaw.
Gall ffioedd cyrsiau newid. Cadarnheir eich ffi cyn ymrestru.
Mae pob cwrs yn fanwl gywir adeg uwchlwytho neu argraffu'r deunydd hwn.
Dim ond os oes niferoedd digonol y cynhelir y cyrsiau.
Sylwer, os byddwch yn dewis tri chwrs neu fwy, efallai y cewch eich cyfeirio i gael apwyntiad gyrfaoedd i ddechrau. Nid yw hyn yn berthnasol i ddewisiadau Safon Uwch na TGAU.
Dyddiad dechrau
Dyddiad gorffen
Amser o'r dydd
Llawn Amser
Cod y cwrs
Cymhwyster
Cyfleusterau
Mwy
Rhagolygon Gyrfa ac Astudiaeth Bellach
123,000
Rydym yn annog myfyrwyr i gyflwyno ceisiadau ar gyfer Prentisiaethau sy'n cael eu dysgu yma yn ICAT neu unrhyw le yn y DU, ynghyd â chyrsiau AU e.e. BEng Peirianneg Awyrofod a Phrentisiaethau Gradd.