Peirianneg Awyrenegol
Ynghylch y cwrs hwn
Mae’r cwrs hwn yn ddelfrydol ar gyfer myfyrwyr sydd newydd adael yr ysgol, gan roi mewnwelediad defnyddiol o’r byd technolegau hedfanaeth, a darparu'r wybodaeth sydd ei hangen ar gyfer symud ymlaen i gyrsiau Lefel 3, cyflogaeth neu brentisiaethau. Mae’r cwrs yn cydbwyso theori a dysgu ymarferol i ddarparu’r holl sgiliau sylfaenol sydd eu hangen ar ddarpar fyfyrwyr ac yn cael ei gyflwyno ym mhob rhan o’n campws awyrofod gan gynnwys ystafelloedd dosbarth, awyrendy a’r labordai electroneg/afioneg.
Caiff y cymhwyster ei asesu drwy gyfuniad o e-asesiadau (profion amlddewis ar-lein) ac asesiadau wedi'u llunio gan y ganolfan yn cwmpasu’r pynciau a fanylir arnynt yng nghynnwys y cwrs.
Mae’r cwrs hwn sy’n seiliedig ar theori a dysgu ymarferol yn galluogi dysgwyr i ddatblygu’r wybodaeth hanfodol a’r sgiliau ymarferol sydd eu hangen i ddod yn dechnegydd neu beiriannydd awyrofod.
Mae’r cymhwyster hwn wedi’i gynllunio i arfogi’r rhai sy’n mynd i mewn i’r diwydiant hedfanaeth â’r wybodaeth sylfaenol sydd ei hangen fel rhan o’u hyfforddiant fel peiriannydd awyrennau didrwydded.
Beth fyddwch chi’n ei astudio
Mae’r unedau ar gyfer y cymhwyster hwn a fydd yn cael eu hastudio yn cynnwys:
- Iechyd a Diogelwch Peirianneg ac Ymwybyddiaeth Amgylcheddol
- Technegau Peirianneg
- Egwyddorion Mathemateg a Gwyddoniaeth
- Egwyddorion Trydanol ac Electronig
- Technegau Ffitio a Gosod
- Mathemateg Peirianneg
- Sgiliau ar gyfer Awyrofod
Gofynion mynediad
5 TGAU Gradd A* i D i gynnwys Mathemateg A* i C (neu gyfatebol) a Saesneg A* i D. Cymhwyster Peirianneg Lefel 1 addas gyda Gradd A* i C mewn Mathemateg. Bydd angen PPE ar yr ymgeiswyr llwyddiannus ar gyfer y cwrs yma, gan gynnwys esgidiau blaen dur ac oferôls.
Pwyntiau pwysig
Mae'r Coleg yn croesawu cyswllt â rhieni / gwarcheidwaid myfyrwyr sy'n iau na 18 oed.
Mae cefnogaeth ychwanegol ar gael i fyfyrwyr sydd ag anableddau ac anawsterau dysgu.
Mae Coleg Caerdydd a'r Fro wedi ymrwymo i gynhwysiant ac mae'n gwerthfawrogi amrywiaeth. Rydym yn benderfynol o hybu cyfleoedd cyfartal a thrin pawb yn deg a gyda pharch.
Mae Coleg Caerdydd a'r Fro yn cadw'r hawl i wneud newidiadau i'r cwrs hwn heb rybudd ymlaen llaw.
Gall ffioedd cyrsiau newid. Cadarnheir eich ffi cyn ymrestru.
Mae pob cwrs yn fanwl gywir adeg uwchlwytho neu argraffu'r deunydd hwn.
Dim ond os oes niferoedd digonol y cynhelir y cyrsiau.
Sylwer, os byddwch yn dewis tri chwrs neu fwy, efallai y cewch eich cyfeirio i gael apwyntiad gyrfaoedd i ddechrau. Nid yw hyn yn berthnasol i ddewisiadau Safon Uwch na TGAU.
Dyddiad dechrau
Dyddiad gorffen
Amser o'r dydd
Llawn Amser
Cod y cwrs
Cymhwyster
Cyfleusterau
Mwy...
Yr hyn a ddaliodd fy llygad ynghylch Coleg Caerdydd a’r Fro oedd y cyfleusterau arbennig yn y Llwybr Hyfforddiant Academaidd Clinigol Integredig a’r meintiau dosbarth llai. Mae gen i’r gallu i dreulio amser un i un gyda’r darlithwyr, sydd yn eithriadol o amyneddgar, ac yn eich helpu i ddeall y gwaith sy’n cael ei wneud. Mae derbyn y profiad hwnnw gyda phobl sydd â’r fath gyfoeth gwybodaeth am y diwydiant yn amrhisiadwy. Ers gadael Coleg Caerdydd a’r Fro, rwyf wedi cwblhau fy ngradd gyda Phrifysgol Kingston, ac wedi dechrau swydd gyda Babcock fel peiriannydd dylunio mecanyddol yn eu hadran systemau cenhadaeth yn gweithio ar longau tanfor. Nawr, mae’r wybodaeth a ddysgais yn fy nghyfnod ym Mhrifysgol Caerdydd a’r Fro yn cael ei ddefnyddio wrth weithio.
Rhagolygon gyrfa ac astudio pellach
123,000
Gall myfyrwyr sy’n cwblhau'r cwrs hwn symud ymlaen i astudio cwrs Is-ddiploma Lefel 3, gwneud cais am Brentisiaeth neu gael swydd.