Cyllid ar gael i gefnogi oedolion i ddysgu

Hafan â€º Oedolion â€º Cyrsiau i Oedolion â€º Cyllid ar gael i gefnogi oedolion i ddysgu

Cyrsiau am ddim i oedolion (ffi gofrestru yn unig)

Mae CCAF yn cynnig rhai cyrsiau’n RHAD AC AM DDIM i bob oedolyn, p’un a ydynt yn gyflogedig neu’n ddi-waith. Mae rhai o’r cyrsiau hyn yn gofyn ichi dalu ffi gofrestru fach fesul cwrs**.

Mae hyn yn cynnwys:

Cyrsiau Addysg Sylfaenol i Oedolion (Saesneg, Mathemateg a Llythrennedd Digidol hyd at ac yn cynnwys Lefel 1
** Talu ffi gofrestru bob tymor, £10 y tymor fel arfer. Gall hyn fod yn uwch, yn dibynnu ar hyd y cwrs neu’r nifer o gyrsiau rydych yn eu hastudio yn ystod y flwyddyn.
ESOL (Saesneg ar gyfer Siaradwyr Ieithoedd Eraill), hyd at ac yn cynnwys Lefel 1
**Talu ffi gofrestru, mae’r swm yn amrywio fesul cwrs.

Cynigir cyrsiau Mynediad Llawn Amser i oedolion sy’n astudio am fwy na blwyddyn.

Ffioedd gostyngol gyfer oedolion sy’n dioddef caledi ariannol

Mynediad drwy Fwrsariaeth Cwrs CCAF Rhan-amser

Er mwyn cefnogi oedolion sy’n dioddef caledi ariannol, mae’r Coleg yn cynnig Bwrsariaeth Cwrs Rhan-amser. Gallwch wneud cais amdani i’ch helpu i dalu cost cwrs rhan-amser cymwys, fel y cewch ostyngiad ar ffi’r cwrs.

Beth sydd angen i chi ei wneud:

Gwiriwch a yw’r cwrs rydych yn dymuno gwneud cais amdano’n gymwys am Fwrsariaeth Cwrs Rhan-amser
Dangosir cyrsiau sy’n gymwys am Fwrsariaeth Cwrs Rhan-amser ar y wefan. Mae gan y cyrsiau hyn linell ac eicon £ yn y wybodaeth allweddol ar frig tudalen y cwrs, sy’n nodi:
£: Mae’r cwrs hwn yn gymwys am Ffi Cwrs ostyngol drwy fwrsariaeth ar gyfer oedolion sydd mewn caledi ariannol.

Pan fyddwch yn clicio ar Ffioedd Cyrsiau ar y dudalen hon, fe welwch opsiwn ar gyfer Ffioedd Cwrs Gostyngol (gyda Bwrsariaeth), sy’n cynnwys y swm y byddwch yn ei dalu os byddwch yn llwyddiannus yn sicrhau’r Fwrsariaeth Cwrs Rhan-amser ar gyfer y Cwrs hwn. Efallai y bydd ffioedd eraill wedi’u rhestru, gan gynnwys Ffi Weinyddol/Ffi’r Sefydliad Dyfarnu/Ffi Arholiad a bydd angen ichi dalu’r rhain hyd yn oed os byddwch yn llwyddo i sicrhau Bwrsariaeth Rhan-amser.

Er enghraifft, gallai edrych fel hyn:
Ffi’r Sefydliad Dyfarnu: £100.00
Ffi’r Cwrs: £825.00

Ffi Cwrs Ostyngol (gyda Bwrsariaeth): £50.00

Yn yr enghraifft uchod,
Dim Bwrsariaeth - byddwch yn talu: Ffi Cwrs + Ffi’r Sefydliad Dyfarnu = £925.00
Gyda Bwrsariaeth - byddwch yn talu: Ffi Cwrs Ostyngol + Ffi’r Sefydliad Dyfarnu: £150.00
Gwiriwch a ydych yn gymwys i wneud cais am Fwrsariaeth Cwrs Rhan-amser
Er mwyn gwneud cais am y Fwrsariaeth Cwrs Rhan-amser, rhaid ichi fodloni un neu fwy o’r meini prawf isod a rhoi tystiolaeth o hyn wrth wneud cais:
Llwybr blaenoriaeth caledi:
- Profiad o fod mewn gofal
- Gofalwr ifanc
- Profi diffyg diogelwch o ran tai neu ddigartrefedd
- Wedi’i gyfeirio gan asiantaeth gydnabyddedig (e.e awdurdod lleol, darparwr tai, partner yn yr Adran Gwaith a Phensiynau neu sefydliad trydydd sector)
Llwybr prawf modd:
- Incwm isel ac yn derbyn budd-daliadau prawf modd oherwydd incwm isel, gan gynnwys:
  - Credyd Cynhwysol
  - Lwfans Ceisio Gwaith yn seiliedig ar incwm
  - Lwfans Cyflogaeth a Chymorth sy’n gysylltiedig ag incwm
  - Cymhorthdal Incwm
  - Credyd Pensiwn (Credyd Gwarant)
  - Gall dysgwyr sy’n ffoaduriaid neu geiswyr lloches, ac sy’n cael eu cyfrif fel dysgwyr cartref ar gyfer cyllid AB yng Nghymru, gael eu hystyried ar gyfer cymorth bwrsariaeth pan fo tystiolaeth o galedi ariannol, a hynny yn ôl yr un llwybrau asesu â dysgwyr eraill.

Gall tystiolaeth gynnwys hysbysiad dyfarnu budd-dal diweddar neu ddogfennau cyfwerth.

Yn gymwys ar gyfer y cwrs ac yn bodloni’r meini prawf?
Ymgeisiwch ar-lein ar gyfer y cwrs heddiw.
Pan fyddwch yn ymgeisio atebwch y cwestiwn am fod yn derbyn budd-daliadau gan uwchlwytho tystiolaeth cyn cyflwyno’ch cais. Wedi i’ch cais a’ch tystiolaeth gael eu hasesu, fe gewch e-bost yn cadarnhau eich cais ac a ydych yn gymwys i dalu ffi ratach drwy’r Fwrsariaeth Cwrs Rhan-amser.

Nodwch, mae cronfa’r Fwrsariaeth Cwrs Rhan-amser yn gyfyngedig, wedi’i dyfarnu ar sail y cyntaf i’r felin ac nid yw cyflwyno cais yn gwarantu dyfarnu’r Fwrsariaeth a’r ffi ostyngol. Dim ond ar gyfer un cwrs y gallwch wneud cais am Fwrsariaeth ar gyfer pob blwyddyn academaidd. Ni ellir defnyddio bwrsariaethau yn ôl-weithredol. I weld y Weithdrefn Bwrsariaeth Rhan-amser lawn, cliciwch yma.

Cyrsiau am ddim i oedolion sy’n gweithio

Wedi’i gyrchu drwy Gyfrif Dysgu Personol Llywodraeth Cymru - cynllun Llywodraeth Cymru i gynnig cyrsiau am ddim i oedolion sy’n gweithio er mwyn rhoi hwb i’ch gyrfa

Mae Cyfrif Dysgu Personol neu PLA yn syml i’w drefnu ac yn galluogi oedolion sy’n gweithio i ddatblygu sgiliau ac ennill cymwysterau proffesiynol i roi hwb i’ch gyrfa, AM DDIM.

Pwy sy’n gymwys am Gyfrif Dysgu Personol?
Bydd eich cymhwysedd yn cael ei wirio pan fyddwch chi’n gwneud cais.
Mae'n rhaid i chi fod:

yn byw yng Nghymru
yn 19 oed neu hŷn ar ddechrau’r cwrs
Yn ogystal, rhaid ichi fodloni o leiaf un o’r meini prawf canlynol:
cyflogedig (gan gynnwys contractau asiantaeth neu gontractau dim oriau)
hunangyflogedig, neu’n
·ofalwr llawn amser - â thâl neu heb dâl

Mae rhai cyrsiau ar gael drwy PLA i holl oedolion cymwys sy’n gweithio, beth bynnag fo’ch cyflog - mae hyn yn cynnwys cyrsiau sy’n berthnasol i feysydd blaenoriaeth, gan gynnwys sero net, technoleg werdd a sgiliau digidol.

Mae rhai cyrsiau’n gofyn ichi fod yn ennill llai na lefel benodol. Mae hyn fel arfer yn ymwneud â chyrsiau mewn sectorau eraill ac fe’i nodir ar dudalen y cwrs ar y wefan. Lle mae hyn yn wir, ni ddylai eich cyflog blynyddol sylfaenol fod yn fwy na £34,303.

Ni fyddwch yn gymwys os ydych chi o dan 19 oed pan ydych chi’n gwneud cais; neu’n mynychu’r ysgol, coleg neu’r brifysgol yn llawn amser; yn derbyn Grant Dysgu’r Cynulliad neu Lwfans Cynhaliaeth Addysg; yn dod o dramor; neu’n ddi-waith.

Chwiliwch am gyrsiau PLA a gwnewch gais:
Mae’r Coleg yn cynnig ystod o wahanol gyrsiau am ddim i oedolion gyda PLA. Gallwch weld y rhestr lawn o gyrsiau sy’n cael eu cynnig gan y Coleg drwy PLA ar hyn o bryd yma: cavc.ac.uk/PLA.

Nodwch, gall cyrsiau PLA a’r meini prawf newid drwy gydol y flwyddyn, gwiriwch y wybodaeth am y cwrs ar y wefan am y wybodaeth ddiweddaraf.

Ffioedd, Cyllid a Chymorth

Polisi Ffioedd CCAF
Mae gan Goleg Caerdydd a’r Fro Bolisi Ffioedd. Pwrpas hwn yw amlinellu’r dull ar gyfer codi ffioedd dysgu a ffioedd eraill ar fyfyrwyr a defnyddwyr Gwasanaethau’r Coleg. Am gopi llawn o’r polisi hwn, cliciwch yma.

Cymorth ariannol ehangach i oedolion sy’n ddysgwyr
Yn ystod eich amser yn y coleg, gallech fod yn gymwys i gael cymorth ariannol ehangach gan gynnwys Grant Dysgu Llywodraeth Cymru i oedolion sy’n ddysgwyr neu gronfeydd eraill. I ddysgu mwy, cliciwch yma cavc.ac.uk/studentfinance

Angen cyngor? Rydym yma i helpu
Mae ein tîm Gwasanaethau Cwsmer cyfeillgar yma i ateb unrhyw gwestiynau a all fod gennych. Ewch i cavc.ac.uk a chlicio ar yr eicon LiveChat, ffoniwch 02920 250 250 neu ebostiwch: info@cavc.ac.uk