Esports

Am Esports

Oes gennych chi angerdd am gemau cyfrifiadurol? Mae Esports yn ddiwydiant byd-eang sy’n tyfu’n gyflym ac sy’n cynnig llawer o lwybrau gyrfa o reoli digwyddiadau, hyfforddi, newyddiaduraeth a marchnata.
Ar gwrs Esports byddwch yn datblygu gwybodaeth sector-benodol, yn ogystal â sgiliau trosglwyddadwy y mae cyflogwyr yn eu gwerthfawrogi. Byddwch yn dysgu am sefydliadau gemau cyfrifiadurol, gwaith tîm, lles, cynllunio digwyddiadau, datblygu cynnwys a ffrydio gemau. Mae astudio lefel uwch yn cynnwys dealltwriaeth o dimau hyfforddi, strategaethau, dadansoddi a thactegau, menter ac entrepreneuriaeth a seicoleg chwaraeon.
Byddwch hefyd yn cael y cyfle i chwarae fel rhan o dîm cystadleuol a chymryd rhan mewn twrnameintiau. Byddwch yn dysgu mewn cyfleusterau gemau cyfrifiadurol o safon uchel gyda’r caledwedd diweddaraf i alluogi chwarae cystadleuol ar lefel broffesiynol.

Eich CAVC

Mae ein cymwysterau wedi’u cymeradwyo gan Gymdeithas Esports Prydain, sy’n golygu y bydd cyflogwyr yn y diwydiant cynyddol hwn yn cydnabod eich addasrwydd a’ch sgiliau. Byddwch yn dysgu gan athrawon arbenigol mewn cyfleusterau arbenigol, ac yn elwa o siaradwyr gwadd, dosbarthiadau meistr a theithiau. Byddwch hefyd yn rhoi theori ar waith, gan ddatblygu eich sgiliau ymhellach trwy drefnu digwyddiadau. Drwy hyfforddi gyda Thîm Academi Esports CAVC ochr yn ochr â’ch cwrs, byddwch yn cwblhau twrnameintiau cenedlaethol yng nghynghrair BEA!

Eich Diwydiant

Mae sector Esports y DU wedi tyfu ar gyfradd flynyddol o 8.5% rhwng 2016 – 2019 (Ukie 2020).

Eich Dyfodol

Mae cyrsiau Esports CAVC yn rhoi cymwysterau, sgiliau a phrofiad arbenigol i chi yn y diwydiant Esports. Gall myfyrwyr hefyd ddefnyddio eu cymwysterau a’u sgiliau i symud ymlaen i brifysgol a gyrfaoedd mewn meysydd eraill. Mae myfyrwyr blaenorol wedi symud ymlaen i brifysgol i astudio amrywiaeth o gyrsiau gan gynnwys Esports, Rheoli Digwyddiadau a Newyddiaduraeth Chwaraeon.

Lefel

L2

L3

L5

Argaeledd

Llawn Amser

Dyddiadau dechrau ar gael

Mis

Medi

Blwyddyn

2025

Lleoliadau ar gael

Campws Canol y Ddinas, Caerdydd

Enw’r cwrs	Lefel Lefel L2 L3 L5 Argaeledd Llawn Amser	Dyddiadau dechrau ar gael Mis Medi Blwyddyn 2025	Lleoliadau ar gael Campws Canol y Ddinas, Caerdydd
E-chwaraeon	L2 Llawn Amser	1 Medi 2025	Campws Canol y Ddinas, Caerdydd
E-chwaraeon	L3 Llawn Amser	1 Medi 2025	Campws Canol y Ddinas, Caerdydd
FdA Echwaraeon a'r Diwydiannau Creadigol	L5 Llawn Amser	8 Medi 2025	Campws Canol y Ddinas, Caerdydd

Dewisais CAVC oherwydd ei fod wedi rhoi mynediad hawdd at gyfleusterau arbenigol; y llyfrgell a’r holl gymorth rwyf wedi ei gael gan athrawon. Hefyd, y cyfleoedd mae wedi ei roi imi i weld ble y byddaf mewn ychydig o flynyddoedd. Mae’r athrawon ar y cwrs Esports wedi bod yn anhygoel. Mae’r athrawon i gyd yn edrych yn eu blaenau inni, yn chwilio am y llwybr gorau inni ar gyfer y dyfodol.
Uchafbwynt y cwrs oedd cwrdd â phobl debyg i mi, sy’n hoffi Esports; ond hefyd cwrdd â’r tîm o Esports Cymru, pan wnaethon nhw gystadlu yn y Coleg. Cawsom y cyfle i gwrdd â chwaraewyr y gemau ac i ddeall hefyd sut oedd y prosesau’n gweithio yn y diwydiant. Rwy’n gobeithio mynd i astudio Esports ar lefel Prifysgol ar ôl cwblhau’r cwrs. Rwy’n gobeithio cael fy nghyflogi mewn rhyw agwedd o’r diwydiant ar ôl y Brifysgol.
Rydym yn ymdrin â sawl uned ar y cwrs. Eleni rydym yn ymdrin â digwyddiadau, seicoleg esports, hyfforddi a maeth. Mae pobl yn meddwl mai gemau yn unig ydyw ond mae llawer mwy iddo na hynny.

Owain Godfrey

Cyn fyfyriwr TG Lefel 2, myfyriwr Esports Lefel 3 presennol