Teithio a Thwristiaeth
Mae ein cyrsiau teithio a thwristiaeth yn datblygu eich sgiliau a'ch profiad ac yn darparu cymwysterau a gydnabyddir gan y diwydiant er mwyn agor drysau ar yrfa yn y diwydiant.
Am Deithio a Thwristiaeth
Hoffech chi yrfa yn y diwydiant teithio a thwristiaeth, gyda chyfleoedd cyffrous i weithio ledled Cymru neu’n fyd-eang?
Mae ein cyrsiau teithio a thwristiaeth yn datblygu eich sgiliau a’ch profiad ac yn darparu cymwysterau a gydnabyddir gan ddiwydiant i agor drysau i yrfa yn y diwydiant. Byddwch yn astudio modiwlau gan gynnwys cyrchfannau teithio, ieithoedd tramor, gwasanaeth cwsmeriaid a chymorth cyntaf a gallwch ennill profiad trwy ymweld ag arbenigwyr yn y diwydiant, ymweld â safleoedd a lleoliadau gwaith mewn cyrchfannau ac atyniadau i dwristiaid yng Nghymru a thu hwnt.
Eich CAVC
Mae gan y Coleg lawer o gysylltiadau â diwydiant sy’n cynnig cyfleoedd i siaradwyr gwadd draddodi, profiad gwaith a lleoliadau gwaith i fyfyrwyr mewn cwmnïau megis British Airways, TUI a Virgin Atlantic, yn ogystal â chyrchfannau twristiaid ledled y DU ac yn rhyngwladol!
Eich Diwydiant
Mae’r diwydiant Twristiaeth yng Nghymru werth £6.3 biliwn. Ar hyn o bryd, mae tua 65,000 o bobl yn cael eu cyflogi ym Mhrifddinas- Ranbarth Caerdydd. Rhagwelir y bydd twf o bron i 5% yn hyn, gan arwain at 3,000 o swyddi ychwanegol erbyn 2025 (EMSI 2021).
Eich Dyfodol
Mae llawer o fyfyrwyr yn mynd yn syth i gyflogaeth mewn rolau mewn gwestai, yn rheoli digwyddiadau, atyniadau twristiaid a chyrchfannau gwyliau. Mae ein cwrs Lefel 3 yn cynnwys ein cwrs Criw Caban enwog. Mae’r cwrs unigryw hwn wedi gweld llawer o fyfyrwyr yn cael gwaith gyda chwmnïau hedfan gan gynnwys Emirates, British Airways, Virgin, EasyJet, TUI ac eraill. Mae myfyrwyr eraill yn dewis symud ymlaen i brifysgol i astudio pynciau gan gynnwys Twristiaeth neu Reoli Digwyddiadau.
Yr holl opsiynau Teithio a Thwristiaeth
Lefel
Dyddiadau dechrau ar gael
Lleoliadau ar gael
Enw’r cwrs |
Lefel
|
Dyddiadau dechrau ar gael
|
Lleoliadau ar gael
|
---|---|---|---|
Twristiaeth | L2 Llawn Amser | 2 Medi 2024 | Campws Chwaraeon Rhyngwladol Caerdydd Campws y Barri |
Twristiaeth a Chriw Caban | L3 Llawn Amser | 2 Medi 2024 | Campws Chwaraeon Rhyngwladol Caerdydd Campws y Barri |