Yng Ngholeg Caerdydd a'r Fro, rydym yn deall yr ymroddiad, yr ymrwymiad a'r cydnerthedd sydd ei angen er mwyn cystadlu ar lefel uchel mewn chwaraeon.
Dyna pam rydym yn falch o gefnogi athletwyr talentog drwy'r Cynllun Ysgoloriaeth Athletwyr Talentog (TASS), gan helpu dysgwyr i gydbwyso gofynion hyfforddiant, cystadlu ac astudio wrth gyflawni eu nodau academaidd.
P'un a ydych chi'n cynrychioli eich camp ar lefel ranbarthol, genedlaethol neu ryngwladol, rydym yn cydnabod y gall ymgeisio i gyflawni rhagoriaeth mewn chwaraeon ochr yn ochr â'ch addysg ddod â heriau unigryw. Drwy TASS, gall dysgwyr cymwys gael mynediad at gefnogaeth wedi'i theilwra sydd wedi'i chynllunio i'w helpu i lwyddo yn eu hastudiaethau ac yn y gamp o'u dewis hwy.
Mae Cynllun Ysgoloriaeth Athletwyr Talentog (TASS) yn rhaglen sy'n cael ei chydnabod yn genedlaethol sy'n helpu athletwyr talentog i gyfuno addysg gydag ymrwymiadau chwaraeon ar lefel uchel.
Mae TASS yn cefnogi dysgwyr sy'n gwneud cynnydd yn eu camp wrth weithio tuag at gymwysterau, gan eu helpu i ddatblygu'r sgiliau, yr hyder a'r rhwydweithiau cefnogi sydd eu hangen er mwyn cyflawni eu potensial a hynny ar y maes chwarae ac oddi arno.
Fel darparwr achrededig TASS, mae Coleg Caerdydd a'r Fro wedi ymrwymo i greu amgylchedd lle gall athletwyr talentog ffynnu.
Gall cefnogaeth gynnwys:
Darperir cefnogaeth ar sail unigol ac mae wedi'i deilwra i anghenion pob dysgwr.
Bob blwyddyn mae Coleg Caerdydd a'r Fro yn cefnogi dysgwyr sy'n cystadlu ar draws amrywiaeth o chwaraeon ar lefel rhanbarthol, cenedlaethol a rhyngwladol.
Credwn na ddylai dysgwyr orfod dewis rhwng cyflawni eu huchelgais yn y byd chwaraeon a llwyddo ym myd addysg. Drwy raglenni megis TASS, rydym wedi ymrwymo i helpu ein dysgwyr ddilyn y ddau.
Os ydych chi'n athletwr talentog sy'n awyddus i barhau gyda'ch addysg mewn amgylchedd sy'n deall eich dyheadau, gall Coleg Caerdydd a'r Fro eich helpu i gyflawni eich nodau.
Os ydych chi'n ystyried astudio yng Ngholeg Caerdydd a'r Fro ac yr hoffech chi wybod mwy am y gefnogaeth sydd ar gael ar gyfer athletwyr talentog, cysylltwch os gwelwch yn dda gyda James Young jyoung@cavc.ac.uk.