Eithriadau/gostyngiadau i fyfyrwyr

Os ydych yn gwneud cais am Dystysgrif Eithrio Myfyrwyr ar ddechrau’r flwyddyn academaidd, sylwer na ellir cyflenwi’r tystysgrifau hyn tan hanner tymor mis Hydref. Mae hyn yn cyd-fynd â chyfnodau prawf myfyrwyr.

Os ydych angen tystiolaeth eich bod yn fyfyriwr amser llawn, gallwn roi tystiolaeth o’r fath ichi ar gais.

Nid yw dysgwyr rhan-amser yn gymwys i gael gostyngiadau’r Dreth Gyngor.

Er mwyn ichi gael eich ystyried yn fyfyriwr amser llawn yn ardal Caerdydd:

• rhaid i’ch cwrs bara blwyddyn galendr neu flwyddyn academaidd fan leiaf
• rhaid ichi ymgymryd â’ch cwrs am 24 wythnos y flwyddyn fan leiaf
• rhaid i’ch cwrs gynnwys 21 awr o astudio, hyfforddiant neu brofiad gwaith yr wythnos

Neu:

Os ydych yn astudio cymhwyster hyd at Safon Uwch (Lefel 3) ac os ydych dan 20 oed:

• rhaid i’ch cwrs bara 3 mis fan leiaf
• rhaid i’ch cwrs gynnwys 12 awr o astudio yr wythnos

Os nad ydych yn siŵr ynglŷn â’ch cymhwystra ar gyfer cynghorau eraill, cysylltwch â swyddfa eich cyngor lleol yma.

I wneud cais am Dystysgrif Eithrio Myfyrwyr, cliciwch ar y ddolen isod a llenwch y ffurflen.
Cliciwch yma i wneud cais am dystysgrif.
Bydd eich Tystysgrif Eithrio Myfyrwyr yn cael ei hanfon atoch trwy e-bost o fewn pythefnos i ddyddiad eich cais.