Ymrestru yn CAVC

Rydym wedi anfon e-bost cofrestru atoch.

Nawr, gallwch gofrestru ar-lein (trwy ddefnyddio’r ddolen yn yr e-bost) neu trwy fynd i Gampws Canol y Ddinas ddydd Llun i ddydd Iau, 10.00am – 4.00pm.

Rhaid ichi wneud hyn cyn gynted â phosibl er mwyn sicrhau eich lle yn y coleg, ac erbyn hanner dydd, dydd Mawrth 26 Awst, pan fydd eich cynnig yn dod i ben a phan fydd modd ei gynnig i rywun arall. Wrth gofrestru, neilltuir y lleoedd ar sail ‘y cyntaf i’r felin’.

Methu dod o hyd i’r e-bost? Gwiriwch y cyfeiriad e-bost y gwnaethoch ei roi inni wrth ymgeisio. A chofiwch edrych yn eich ffolder sothach. Ydych chi’n dal i fethu dod o hyd iddo? Cysylltwch â ni ar studentservices@cavc.ac.uk
i roi gwybod.

Awgrymiadau ar gyfer cofrestru

Edrychwch ar yr e-bost a gawsoch gennym a chliciwch ar y ddolen i gofrestru. Bydd angen ichi fewngofnodi trwy ddefnyddio’r un manylion ag y gwnaethoch eu defnyddio i ymgeisio / cofrestru o’r blaen. Ar ôl mewngofnodi, cliciwch trwy’r sgriniau i gadarnhau eich manylion ac i lenwi unrhyw fylchau. Gofynnir ichi adolygu eich manylion ar y diwedd cyn clicio ar “cyflwyno”. Yna, byddwn yn cysylltu â chi yn fuan trwy e-bost i gadarnhau eich bod wedi cofrestru.

Wedi anghofio eich cyfrinair? Gallwch ei ailosod trwy ddewis “wedi anghofio cyfrinair”. Yna, byddwch yn cael e-bost ar gyfer ailosod eich cyfrinair.

Byddwn yn anfon e-bost atoch erbyn canol mis Awst

Bydd yr e-bost hwn yn cynnwys apwyntiad i ddod i’r coleg i ymrestru. Bydd eich apwyntiad naill ai ddydd Iau 20fed neu ddydd Gwener 21ain Awst 2026, naill ai yng Nghampws y Barri neu yng Nghampws Canol y Ddinas.

Mae’n bwysig ichi ddod i’r coleg ar gyfer yr apwyntiad hwn, ar y dyddiad a’r amser a nodir yn yr e-bost.

Heb ddod o hyd i’ch e-bost erbyn dydd Gwener 14eg Awst? Sicrhewch eich bod wedi gwirio’r cyfeiriad e-bost a roesoch i ni wrth wneud eich cais. A chofiwch edrych yn eich ffolder sothach. Dal heb ddod o hyd iddo? Cysylltwch â ni drwy ffonio: 02920 250 250 i roi gwybod i ni.

Methu dod i’ch apwyntiad? Os na allwch ddod i’ch apwyntiad, cysylltwch â ni cyn gynted â phosibl, ac erbyn 12 hanner dydd ar ddydd Llun 24ain Awst 2026, pan fydd eich cynnig yn dod i ben a gellir cynnig y lle i rywun arall. Cysylltwch â ni ar 02920 250 250. Cysylltwch cyn gynted â phosibl, gan y bydd lleoedd yn cael eu dyrannu yn ystod ymrestru ar sail y cyntaf i’r felin. Nodwch hefyd bod y llinellau ffôn a’r system e-bost yn brysur iawn ar yr adeg hon o’r flwyddyn.

Ar y diwrnod cofrestru

Cofiwch ddod â’r canlynol gyda chi:

• Canlyniadau eich arholiadau

Peidiwch â phoeni os na chawsoch y graddau disgwyliedig – dewch i’ch apwyntiad. Gallwn wirio eich canlyniadau, helpu i ddod o hyd i le ichi a’ch cofrestru ar y cwrs sy’n gweddu i chi.

• Dull adnabod os nad ydych wedi astudio gyda CCAF o’r blaen (er enghraifft Cerdyn Yswiriant Gwladol / Pasbort / dogfen adnabod o fath arall sy’n cynnwys eich llun).
• Dim dogfen adnabod? Dewch i’ch apwyntiad yr un fath a gallwn weld eich dogfen adnabod pan fyddwch yn dechrau eich cwrs.

Wrth ymrestru:

• Mae’n bwysig ichi ddod i’r coleg ar gyfer eich apwyntiad, ar y dyddiad a’r amser a nodir yn yr e-bost. Ni fydd modd inni eich cofrestru’n gynharach na’r amser a neilltuwyd ar eich cyfer ar y diwrnod.
• Yn yr apwyntiad, byddwch yn cael sgwrs gyda’ch athrawon, byddwch yn dangos canlyniadau eich arholiadau a byddwch yn cofrestru ar y cwrs sy’n gweddu i chi. Os na fyddwch wedi cael y graddau disgwyliedig, bydd ein hathrawon a’n cynghorwyr wrth law i’ch helpu i chwilio am yr opsiwn gorau i chi.
• O’r amser a neilltuwyd ar gyfer eich apwyntiad, bydd myfyrwyr cymwys yn cael eu cofrestru ar sail ‘y cyntaf i’r felin’. Mae gan y Coleg ddyletswydd statudol i roi blaenoriaeth i addysg amser llawn i bobl ifanc 16-18 oed. Mae cyrsiau amser llawn ar gael i bobl 19+ oed; ond pan fo’r cwrs wedi’i gynllunio ar gyfer pobl ifanc 16-18 oed, byddwn yn rhoi blaenoriaeth i ddysgwyr cymwys yn y grŵp oedran hwn, yn unol â pholisi cenedlaethol.
• Ar ôl cael lle, byddwch yn mynd i’n canolfan ymrestru i ymrestru ac yna byddwch yn cael eich bathodyn adnabod coleg. Bydd gofyn i chi gael tynnu eich llun ar gyfer hwn.
• Mae’n ddiwrnod prysur yn y coleg a gall y broses gyfan gymryd tua 2 awr fel arfer.

Os ydych wedi gwneud cais rhwng dydd Sadwrn 1af Awst a dydd Llun 17eg Awst

Cewch eich gwahodd i sesiwn ymrestru hwyr â blaenoriaeth ddydd Llun 24ain Awst rhwng 1pm a 4pm yng Nghampws Canol y Ddinas.

Bydd y sesiwn hon yn cynnig cyfle cyntaf i bawb sydd wedi ymgeisio yn ystod y cyfnod hwn i gofrestru ar unrhyw leoedd sydd ar gael ar gyrsiau, cyn i drefniant ‘cofrestru hwyr’ y coleg ddechrau i bawb.

Os ydych wedi gwneud cais ar ôl dydd Llun 18 Awst

Gofynnir i chi ddod i’r sesiwn ymrestru agored gynharaf bosib.

Cynhelir y sesiynau ymrestru agored fel a ganlyn:
Dydd Mercher 26ain Awst – 9am – 6pm yng Nghampws y Barri a Champws Canol y Ddinas
Dydd Iau 27ain Awst – 3pm – 6pm yng Nghampws y Barri a Champws Canol y Ddinas
Dydd Mawrth 1af Medi – 3pm – 6pm yng Nghampws y Barri a Champws Canol y Ddinas
Dydd Mercher 2il Medi – 3pm – 6pm yng Nghampws Canol y Ddinas
Dydd Iau 3ydd Medi – 3pm – 6pm yng Nghampws y Barri a Champws Canol y Ddinas

Dydd Mercher 9fed Medi – 3pm – 6pm yng Nghampws Canol y Ddinas
Dydd Iau 10fed Medi – 3pm – 6pm yng Nghampws y Barri
Dydd Mercher 23ain Medi – 3pm – 6pm yng Nghampws Canol y Ddinas
Dydd Iau 24ain Medi – 3pm – 6pm yng Nghampws y Barri

Dod i sesiwn ymrestru agored

Yn ystod y sesiwn ‘cofrestru hwyr’, byddwch yn cyfarfod â’n hathrawon neu ein cynghorwyr, a byddwn yn eich helpu i ystyried y cyrsiau sydd ar gael a chwilio am y cwrs gorau i chi.

Cofiwch ddod â’r canlynol gyda chi:

• copi o ganlyniadau eich arholiadau
• dull adnabod os nad ydych wedi astudio gyda CCAF o’r blaen (er enghraifft Cerdyn Yswiriant Gwladol / Pasbort / dogfen adnabod o fath arall sy’n cynnwys eich llun).

A pheidiwch â phoeni os na chawsoch y graddau disgwyliedig. Gallwn wirio eich canlyniadau ac ystyried y cyrsiau a’r cyfleoedd sydd ar gael.

Rydym wedi anfon e-bost cofrestru atoch.

Nawr, gallwch gofrestru ar-lein (drwy ddefnyddio’r ddolen yn yr e-bost) neu drwy fynd i Gampws Canol y Ddinas neu Gampws y Barri ddydd Llun i ddydd Iau, 10.00am – 4.00pm.

Rhaid ichi wneud hyn cyn gynted â phosibl er mwyn sicrhau eich lle yn y coleg, ac erbyn 12 hanner dydd, ddydd Mawrth 25ain Awst, pan fydd eich cynnig yn dod i ben ac y gellir cynnig y lle  i rywun arall. Wrth ymrestru, neilltuir y lleoedd ar sail y cyntaf i’r felin.

Methu dod o hyd i’r e-bost? Gwiriwch y cyfeiriad e-bost y gwnaethoch ei roi inni wrth ymgeisio. A chofiwch edrych yn eich ffolder sothach. Ydych chi’n dal i fethu dod o hyd iddo? Cysylltwch â ni ar studentservices@cavc.ac.uk i roi gwybod.

Byddwn yn anfon e-bost atoch gydag apwyntiad i ddod i’r coleg i ymrestru erbyn canol mis Awst. Bydd eich apwyntiad brynhawn Mawrth  25ain Awst, naill ai yng Nghampws y Barri neu yng Nghampws Canol y Ddinas, gyda’ch cynnig yn dod i ben ar ddiwedd y diwrnod hwnnw.

Methu dod o hyd i’r e-bost? Gwiriwch y cyfeiriad e-bost y gwnaethoch ei roi inni wrth ymgeisio. A chofiwch edrych yn eich ffolder sothach. Ydych chi’n dal i fethu dod o hyd iddo? Cysylltwch â ni ar 

studentservices@cavc.ac.uki roi gwybod.

Methu dod i’ch apwyntiad? Os na allwch ddod i’ch apwyntiad, bydd eich cynnig yn dod i ben ar ddiwedd y diwrnod hwnnw. Yna, bydd angen i chi ddod i’r sesiwn ymrestru agored gynharaf bosib i weld a oes lle ar ôl y gallwch ei gymryd.

Cynhelir sesiynau ymrestru agored fel a ganlyn:
Dydd Mercher 26ain Awst – 9am – 6pm yng Nghampws Canol y Ddinas
Dydd Iau 27ain Awst – 3pm – 6pm yng Nghampws y Barri a Champws Canol y Ddinas
Dydd Mawrth 1af Medi – 3pm – 6pm yng Nghampws y Barri a Champws Canol y Ddinas
Dydd Mercher 2il Medi – 3pm – 6pm yng Nghampws Canol y Ddinas
Dydd Iau 3ydd Medi – 3pm – 6pm yng Nghampws y Barri a Champws Canol y Ddinas

Dydd Mercher 9fed Medi – 3pm – 6pm yng Nghampws Canol y Ddinas
Dydd Iau 10fed Medi – 3pm – 6pm yng Nghampws y Barri
Dydd Mercher 23ain Medi – 3pm – 6pm yng Nghampws Canol y Ddinas
Dydd Iau 24ain Medi – 3pm – 6pm yng Nghampws y Barri

Byddwch yn cael gwahoddiad i’r sesiwn ‘cofrestru hwyr’ nesaf a fydd ar gael.

Yn y sesiwn hon, byddwch yn cyfarfod â’n hathrawon. Bydd modd i ymgeiswyr cymwys gofrestru ar y lleoedd sydd ar ôl ar sail ‘y cyntaf i’r felin’.

Cofiwch ddod â’r canlynol gyda chi:

• tystiolaeth o unrhyw gymwysterau y gallai fod angen i chi ei dangos (dim ond os bydd gan y cwrs ofynion mynediad penodol)
• dull adnabod os nad ydych wedi astudio gyda CCAF o’r blaen (er enghraifft Cerdyn Yswiriant Gwladol / Pasbort / dogfen adnabod o fath arall sy’n cynnwys eich llun).