CIM - Tystysgrif mewn Marchnata Proffesiynol a Digidol (CDP)

Cyfrifwyd bod y Dystysgrif Lefel 4 CIM mewn Marchnata Proffesiynol a Digidol yn cario 50 credyd, sy’n gyfystyr â thua 500 awr fel Cyfanswm Oriau Cymhwyso (TQT) a 400 o Oriau Dysgu dan Arweiniad (GLH).

I ennill y Dystysgrif, bydd angen ichi gwblhau pedwar modiwl:    

Modiwl Allweddol: Effaith Marchnata

Mae’r modiwl hwn yn manylu ar rôl hollbwysig marchnata mewn sefydliad. Mae’n cynnwys cysyniadau fel yr amgylchedd marchnata, ymddygiad defnyddwyr yn yr oes ddigidol, ymchwil i’r farchnad a phrosesau cynllunio. 

Cynllunio Ymgyrchoedd Integredig

Mae’r modiwl yn cynnwys sut mae sefydliad yn datblygu ymgyrchoedd integredig o safbwynt elfennau cynnwys ac ymddygiad i sicrhau datblygiad cyfathrebu sy’n canolbwyntio ar y cwsmer, a sut y gellir eu mesur. 

Marchnata Cyfrifol

Mae pwysigrwydd marchnata cyfrifol yn tyfu wrth i’r her i gydbwyso’r amgylchedd â chymdeithas ddatblygu. Mae craffu cynyddol ar ymddygiad brandiau yng nghyd-destun amrywiaeth, cynhwysiant a chynaliadwyedd, sy’n arwain at ddewisiadau mwy detholgar o ddefnyddwyr. 

MarTech

Mae Technoleg Farchnata, neu ‘MarTech’, bellach yn hanfodol i hwyluso a chyflawni gweithgareddau marchnata. Mae’r modiwl hwn yn datblygu gwybodaeth am bwysigrwydd a chymhwysiad MarTech gan gynnwys Deallusrwydd Artiffisial (AI) o fewn sefydliadau.

Tystysgrif Gyflwyniadol Lefel 3 CIM mewn Marchnata. Unrhyw gymhwyster Lefel 3 perthnasol. Unrhyw radd yn y DU neu gymhwyster rhyngwladol cyfatebol. Bagloriaeth Ryngwladol (cyfateb i NQF Lefel 3 ac uwch). Ymarfer proffesiynol (awgrymir blwyddyn yn y farchnad).

Mae'r Sefydliad Marchnata Siartredig (CIM) yn sefyll fel y sefydliad marchnata proffesiynol mwyaf yn y byd, a’r uchaf ei fri. Yn cael ei gydnabod a’i barchu yn rhyngwladol, mae CIM yn cynnig cymwysterau marchnata a marchnata digidol sydd wedi’u dylunio i arfogi marchnatwyr â’r wybodaeth a’r sgiliau hanfodol sydd eu hangen arnynt i ragori yn eu gyrfaoedd.

• Mae'r Coleg yn croesawu cyswllt â rhieni / gwarcheidwaid myfyrwyr sy'n iau na 18 oed.

• Mae cefnogaeth ychwanegol ar gael i fyfyrwyr sydd ag anableddau ac anawsterau dysgu.

• Mae Coleg Caerdydd a'r Fro wedi ymrwymo i gynhwysiant ac mae'n gwerthfawrogi amrywiaeth. Rydym yn benderfynol o hybu cyfleoedd cyfartal a thrin pawb yn deg a gyda pharch.

• Mae Coleg Caerdydd a'r Fro yn cadw'r hawl i wneud newidiadau i'r cwrs hwn heb rybudd ymlaen llaw.

• Gall ffioedd cyrsiau newid. Cadarnheir eich ffi cyn ymrestru.

• Mae pob cwrs yn fanwl gywir adeg uwchlwytho neu argraffu'r deunydd hwn.

• Dim ond os oes niferoedd digonol y cynhelir y cyrsiau.

• Sylwer, os byddwch yn dewis tri chwrs neu fwy, efallai y cewch eich cyfeirio i gael apwyntiad gyrfaoedd i ddechrau. Nid yw hyn yn berthnasol i ddewisiadau Safon Uwch na TGAU.