Llwybr Diploma Proffesiynol mewn Cynhyrchu Ffilm a Theledu
Ynghylch y cwrs hwn
Mae’r Diploma Technegol Proffesiynol Lefel 4 mewn Ffilm a Theledu yn gwrs cynhyrchu blwyddyn sy’n cael ei gynnal mewn partneriaeth â Screen Alliance Wales.
Bydd myfyrwyr yn cael profiadau mewn elfennau o gynhyrchu ffilmiau drwy gyfres o weithdai sgiliau, briffiau byw dan arweiniad cleientiaid, cysgodi swyddi a chyfleoedd lleoliadau profiad gwaith gyda phartneriaid yn y diwydiant.
Mae’n bosibl cyflwyno cais ar gyfer un o’r 6 llwybr cynhyrchu.
| Llwybr | Prif Sylw | Swyddi Tebygol |
| Technegol | camera, sain, goleuo a grip | Swyddog camera dan hyfforddiant; swyddog sain dan hyfforddiant; swyddog goleuo dan hyfforddiant; swyddog grip dan hyfforddiant |
| Cynhyrchu | cynhyrchu, rheoli cynyrchiadau, rheoli lleoliadau | Cynorthwyydd/cydlynydd cynhyrchu; rhedwr/Cynorthwyydd Cynhyrchu; |
| Ôl-gynhyrchu | golygu all-lein/ar-lein, SFX a sain ôl-gynhyrchu (Avid Media Composer, DaVinci Resolve ac Adobe Creative Suite) | Golygydd cynorthwyol; Technegydd Delweddu Digidol/ôl-redwr; cynorthwyydd sain/golygu iau |
| Dylunio Cynhyrchiad | Dylunio cynhyrchiad: dylunio set, propiau a gwisgoedd | Cynorthwyydd yr adran gelf; swyddog propiau dan hyfforddiant; cynorthwyydd gwisgoedd |
| Creadigol | ysgrifennu a chyfarwyddo, cyfarwyddo cynorthwyol, cynorthwyydd cynhyrchu (rhedwr/Cynorthwyydd Cynhyrchu) | llwybr cynorthwyydd cynhyrchu Cyfarwyddwr/awdur newydd; rhedwr/cynorthwyydd cynhyrchu;Cynorthwyydd datblygu, Cyfarwyddwr Cynorthwyol dan hyfforddiant |
| Ffilmiau dogfennol | Cynhyrchu ffilmiau dogfennol | Gwneuthurwr Ffilmiau Dogfennol Llawrydd |
Mae dau gam i’r broses ymgeisio
-
Cyflwynwch ddatganiad personol sy’n amlinellu eich addasrwydd ar gyfer llwybr penodol a phortffolio o waith sy’n ategu hynny.
-
Os ydych chi’n llwyddiannus yng ngham un, cewch eich gwahodd am gyfweliad gydag aelod o dîm y cwrs.
Os ydych chi’n llwyddiannus yn y cyfweliad, bydd ymgeiswyr yn cael cynnig lle ar y cwrs ar gyfer llwybr penodol. (Gall llwybraunewid yn y 6 wythnos gyntaf os yw tiwtoriaid y cwrs yn credu bod y myfyriwr yn fwy addas ar gyfer llwybr gwahanol)
Bydd angen i fyfyrwyr reoli eu prosiectau eu hunain, cydweithio ac ymgysylltu â chleientiaid allanol a chyda phobl yn y diwydiant.
Mae modd symud ymlaen i gyflogaeth yn y diwydiant, gweithio'n llawrydd neu wneud cwrs prifysgol.
Mae'r cwrs hwn cyfwerth â blwyddyn gyntaf o raglen BA yn y brifysgol ac mae'n werth 120 o gredydau Prifysgol. Er bod y cwrs yn gallu atgyfnerthu eich portffolio a chynnig profiad amhrisiadwy, nid yw'n darparu pwyntiau UCAS ac o ganlyniad ni ellir ei ddefnyddio i ategu gofynion UCAS ar gyfer ceisiadau prifysgol.
Nid oes unrhyw ffioedd cwrs, felly nid yw'n gymwys ar gyfer benthyciadau cynhaliaeth cyllid myfyrwyr. Mae'n ofynnol bod myfyrwyr yn gallu cynnal eu hunain yn ariannol drwy gydol y cwrs.
Beth fyddwch chi’n ei astudio
-
Uned 1: Sefydlu egwyddorion ymarfer technegol a chynhyrchu
-
Uned 2: Ymarfer proffesiynol cymhwysol
-
Uned 3: Prosiect datblygu proffesiynol. Y portffolio sy’n cael ei asesu.
Bydd dysgwyr yn dysgu drwy gyfres o weithdai ymarferol, darlithoedd gwadd gan weithwyr proffesiynol yn y diwydiant ac asesiadau yn seiliedig ar brosiectau.
Bydd Uned 1 a 2 yn cael eu hasesu drwy brosiectau byr dan arweiniad grŵp a lleoliadau profiad gwaith neu friffiau gan y diwydiant. Yn Uned 3 bydd myfyrwyr yn gweithio gyda’i gilydd i gynhyrchu ffilm fer 10-15 munud o hyd sy’n barod i gael ei dangos.
Cewch hyfforddiant i ddefnyddio’r canlynol:
- Adobe Creative Suite
- DaVinci Resolve
- Avid Media Composer
- Camerâu Blackmagic 4K URSA a 6K Pocket Cinema
- Goleuo stiwdio
- Recordio sain
- Ysgrifennu sgript a datblygu stori
- Technegau ffilmio dogfennol
- Cynllunio cyn y cynhyrchiad ar gyfer cynhyrchu cyfryngau
- Ymddygiad ar y set a rheoli cynyrchiadau
- Iechyd a Diogelwch ac Asesiad Risg
- Gweithio gyda’r diwydiant
- Cyfleoedd i gysgodi swyddi
Cyfleusterau
Caiff cyfarpar o safon y diwydiant ei ddarparu i’r myfyrwyr. Rydym yn darparu cyfleuster golygu pwrpasol gydag olwynion graddoli lliw Blackmagic.
Ffïoedd cwrs
Ffioedd Stiwdio: £165.00
Gofynion mynediad
Argymhellir bod gan ymgeiswyr 5 x TGAU gradd C neu uwch, gan gynnwys Saesneg ac 1 x Safon Uwch gradd neu gymhwyster Lefel 3 cyfatebol.
Ffurflen gais wedi'i chwblhau. Bydd angen i ymgeiswyr hefyd gyflwyno portffolio o waith mewn deunydd sy'n ymwneud â Ffilm/Teledu.
Er enghraifft, ond heb fod yn gyfyngedig i: Rîl arddangos o waith blaenorol, samplau o waith clywedol/gweledol. Wedi'i gynhyrchu naill ai yn y coleg neu'r ysgol. Samplau o waith a gynhyrchwyd yn annibynnol h.y. fideos YouTube, ffilmiau byr, darnau newyddiadurol, sgriptiau ysgrifenedig neu syniadau triniaeth ar gyfer gwaith sain/gweledol.
Bydd ymgeiswyr yn cael eu gwahodd i gyfweliad, rhaid i chi fod yn 18+ oed.
Pwyntiau pwysig
Mae'r Coleg yn croesawu cyswllt â rhieni / gwarcheidwaid myfyrwyr sy'n iau na 18 oed.
Mae cefnogaeth ychwanegol ar gael i fyfyrwyr sydd ag anableddau ac anawsterau dysgu.
Mae Coleg Caerdydd a'r Fro wedi ymrwymo i gynhwysiant ac mae'n gwerthfawrogi amrywiaeth. Rydym yn benderfynol o hybu cyfleoedd cyfartal a thrin pawb yn deg a gyda pharch.
Mae Coleg Caerdydd a'r Fro yn cadw'r hawl i wneud newidiadau i'r cwrs hwn heb rybudd ymlaen llaw.
Gall ffioedd cyrsiau newid. Cadarnheir eich ffi cyn ymrestru.
Mae pob cwrs yn fanwl gywir adeg uwchlwytho neu argraffu'r deunydd hwn.
Dim ond os oes niferoedd digonol y cynhelir y cyrsiau.
Sylwer, os byddwch yn dewis tri chwrs neu fwy, efallai y cewch eich cyfeirio i gael apwyntiad gyrfaoedd i ddechrau. Nid yw hyn yn berthnasol i ddewisiadau Safon Uwch na TGAU.
Dyddiad dechrau
Dyddiad gorffen
Amser o'r dydd
Llawn Amser
Cod y cwrs
Cymhwyster
Ffurflen Gais
Rhagolygon gyrfa ac astudio pellach
56,000
Drwy astudio’r cwrs bydd dysgwyr yn sicrhau portffolio o waith a fydd yn eu galluogi i ymgeisio am gwrs prifysgol sy’n dilyn ystod o lwybrau mewn cynhyrchu ffilmiau, y cyfryngau a marchnata. Fel arall, bydd gan fyfyrwyr y sgiliau i ddatblygu gyrfa lawrydd neu sicrhau cyflogaeth yn y diwydiant.
