Asesu Cyflawniad Galwedigaethol (CAVA)

Caiff y cwrs hwn ei gyflwyno a’i asesu drwy gyfuniad o ddysgu mewn dosbarthiadau, ar-lein ac o bell.

Pam Dewis y Cwrs Hwn?

• Cwricwlwm Arloesol: Gyda’r anghenion diwydiant a’r arferion asesu diweddaraf yn sail i’r cwrs hwn, mae’n eich paratoi at lwyddiant o’r diwrnod cyntaf
• Hyfforddwyr Arbenigol: Byddwch yn hyfforddi gyda thiwtoriaid arbenigol sydd â phrofiad go iawn a brwdfrydedd dros helpu eraill i lwyddo
• Dysgu Hyblyg: Amserlen dysgu cyfunol i gyd-fynd â’ch bywyd prysur
• Profiad Ymarferol: Enillwch sgiliau ymarferol drwy weithdai rhyngweithiol, adnoddau ar-lein difyr a chyfleoedd i ddangos eich sgiliau asesu mewn amser go iawn
• Cymuned Gefnogol: Ymunwch â rhwydwaith o aseswyr o’r un anian i fagu hyder a datblygu eich gyrfa

Modiwlau

Trwy gydol eich cwrs, byddwch yn ennill y sgiliau a’r wybodaeth i asesu medrusrwydd galwedigaethol a dealltwriaeth, gwybodaeth a sgiliau galwedigaethol. Ymhlith y modiwlau mae:

• Deall Egwyddorion ac Arferion asesiad.
• Asesu Medrusrwydd Galwedigaethol yn yr Amgylchedd Gwaith.
• Asesu Dealltwriaeth, Gwybodaeth a Sgiliau Galwedigaethol.

Asesu

I ennill y cymhwyster hwn, bydd angen ichi gyflwyno portffolio o dystiolaeth ar ddiwedd y cwrs, arddangos gwybodaeth o asesiadau ac ymgymryd ag o leiaf pedwar asesiad gydag o leiaf dau ddysgwr arall wrth gael eich arsylwi.  

Bydd yr asesiad yn ymgymryd â dull cyfannol a bydd yn cynnwys adnabod dysgu blaenorol, tystiolaeth o’ch gwaith, tystiolaeth llygad-dystion, trafodaethau proffesiynol, astudiaethau achos, datganiadau dysgwyr/myfyriol ac arsylwadau o’ch ymarfer.

Byddwch yn derbyn arweiniad a chymorth parhaus gan eich tiwtor drwy gydol eich cwrs, gan gynnwys yn ystod eich sesiwn diwtorial a hefyd dros e-bost, Microsoft Teams a ffôn. Mae amser i hunan-astudio yn allweddol i’ch helpu i gwblhau eich aseiniad, portffolio o dystiolaeth a pharatoi at eich asesiad - felly sicrhewch eich bod yn trefnu eich amserlen yn unol â hynny.  

Bydd disgwyl ichi ymrwymo i gyflawni’r cymhwyster dros gyfnod o 6-12 mis a bydd angen ichi gael mynediad at y rhyngrwyd ac at liniadur. 

• Mae'r Coleg yn croesawu cyswllt â rhieni / gwarcheidwaid myfyrwyr sy'n iau na 18 oed.

• Mae cefnogaeth ychwanegol ar gael i fyfyrwyr sydd ag anableddau ac anawsterau dysgu.

• Mae Coleg Caerdydd a'r Fro wedi ymrwymo i gynhwysiant ac mae'n gwerthfawrogi amrywiaeth. Rydym yn benderfynol o hybu cyfleoedd cyfartal a thrin pawb yn deg a gyda pharch.

• Mae Coleg Caerdydd a'r Fro yn cadw'r hawl i wneud newidiadau i'r cwrs hwn heb rybudd ymlaen llaw.

• Gall ffioedd cyrsiau newid. Cadarnheir eich ffi cyn ymrestru.

• Mae pob cwrs yn fanwl gywir adeg uwchlwytho neu argraffu'r deunydd hwn.

• Dim ond os oes niferoedd digonol y cynhelir y cyrsiau.

• Sylwer, os byddwch yn dewis tri chwrs neu fwy, efallai y cewch eich cyfeirio i gael apwyntiad gyrfaoedd i ddechrau. Nid yw hyn yn berthnasol i ddewisiadau Safon Uwch na TGAU.