Gwasanaethau Cyhoeddus
Ynghylch y cwrs hwn
Mae’r cymwysterau hyn wedi’u cynllunio i roi dealltwriaeth fanwl i ddysgwyr o egwyddorion y sector gwasanaethau mewn lifrai ac i’w galluogi i archwilio’r gwahanol lwybrau gwaith yn y maes. Byddant hefyd yn galluogi dysgwyr i ennill sgiliau trosglwyddadwy y gellir eu defnyddio yn y gweithle neu mewn astudiaeth bellach.
Bydd y cymwysterau hyn yn:
- canolbwyntio ar astudio’r gwasanaethau mewn lifrai o fewn y sector gwasanaethau cyhoeddus
- cynnig astudiaeth eang a thrylwyr, gan ymgorffori craidd allweddol o wybodaeth
- rhoi cyfleoedd i ennill nifer o sgiliau ymarferol a thechnegol cysylltiedig â gwaith.
Beth fyddwch chi’n ei astudio
Nod y cymwysterau hyn yw rhoi’r canlynol i ddysgwyr:
- dealltwriaeth o’r sector gwasanaethau cyhoeddus mewn lifrai
- y cyfle i ymchwilio i gyfleoedd gyrfa yn y gwasanaethau mewn lifrai
- y gallu i baratoi ar gyfer cyfweliad recriwtio
- dealltwriaeth o’r ymrwymiad personol a’r gofynion ffitrwydd sydd eu hangen i gael eich cyflogi mewn swydd gwasanaeth mewn lifrai
- dealltwriaeth o’r sefydliadau allanol sy’n effeithio ar waith y gwasanaethau mewn lifrai ac yn dylanwadu arno
- dealltwriaeth o sut mae sefydliadau gwasanaethau mewn lifrai yn ymateb i sefyllfaoedd argyfwng
- y cyfle i ddeall a datblygu’r sgiliau a’r rhinweddau sydd eu hangen i weithio mewn ystod o wasanaethau mewn lifrai e.e sgiliau arweinyddiaeth, sgiliau hyfforddi, rheoli gwrthdaro, amddiffyn eich hun, gwaith tîm, cyfathrebu, llywio ac ymarfer.
Gall y modiwlau a astudir gynnwys:
- Gyrfaoedd yn y gwasanaethau cyhoeddus
- Arweinyddiaeth a gwaith tîm
- Ffitrwydd corfforol
- Llywio tir
- Cynllunio ar gyfer argyfwng
Cyfleusterau
Defnyddio’r gampfa, cyfleusterau chwaraeon, MoD ac awyr agored.
Gofynion mynediad
5 TGAU Graddau A* i C gan gynnwys Saesneg Iaith a Mathemateg (neu gyfatebol) neu gymhwyster Lefel 2 perthnasol - Gwasanaethau Cyhoeddus
Pwyntiau pwysig
Mae'r Coleg yn croesawu cyswllt â rhieni / gwarcheidwaid myfyrwyr sy'n iau na 18 oed.
Mae cefnogaeth ychwanegol ar gael i fyfyrwyr sydd ag anableddau ac anawsterau dysgu.
Mae Coleg Caerdydd a'r Fro wedi ymrwymo i gynhwysiant ac mae'n gwerthfawrogi amrywiaeth. Rydym yn benderfynol o hybu cyfleoedd cyfartal a thrin pawb yn deg a gyda pharch.
Mae Coleg Caerdydd a'r Fro yn cadw'r hawl i wneud newidiadau i'r cwrs hwn heb rybudd ymlaen llaw.
Gall ffioedd cyrsiau newid. Cadarnheir eich ffi cyn ymrestru.
Mae pob cwrs yn fanwl gywir adeg uwchlwytho neu argraffu'r deunydd hwn.
Dim ond os oes niferoedd digonol y cynhelir y cyrsiau.
Sylwer, os byddwch yn dewis tri chwrs neu fwy, efallai y cewch eich cyfeirio i gael apwyntiad gyrfaoedd i ddechrau. Nid yw hyn yn berthnasol i ddewisiadau Safon Uwch na TGAU.
Dyddiad dechrau
Dyddiad gorffen
Amser o'r dydd
Llawn Amser
Cod y cwrs
Cymhwyster
Mwy...
Rwy’n teimlo fy mod wedi ennill hyder, gwybodaeth a llwyth o sgiliau newydd yn ystod fy nghyfnod yn astudio’r cwrs Gwasanaethau Cyhoeddus yma yng Ngholeg Caerdydd a’r Fro. Rwy’n meddwl bod y cwrs wedi fy natblygu fel person ac mae wedi rhoi cryn dipyn o eglurder ynghylch beth hoffwn i ei wneud nesaf. Rwyf wir wedi mwynhau fy amser yma, ond rwy’n edrych ymlaen at gwblhau fy nghwrs a chymryd y cam nesaf; swydd amser llawn gyda’r Heddlu.
Rhagolygon gyrfa ac astudio pellach
£32,500
Symud ymlaen i HND mewn Gwasanaethau Cyhoeddus ac Argyfwng, cyrsiau Addysg Uwch eraill neu gyflogaeth.