Mae’r cwrs hwn yn canolbwyntio ar ddatblygu sgiliau archwilio effeithiol er mwyn adnabod y gwelliannau system ‘ychwanegu gwerth’ sydd yn rhan allweddol o weithredu System Rheoli Amgylchedd yn llwyddiannus. I ddechrau, bydd y cwrs yn datblygu dealltwriaeth o bwrpas a strwythur ISO 14001, cyn magu sgiliau angenrheidiol er mwyn bod yn archwiliwr mewnol System Rheoli Amgylchedd llwyddiannus.
Caiff y cwrs 3 diwrnod hwn ei arwain gan diwtor mewn dosbarth ar-lein, a chaiff ei gynnal rhwng 9.00am – 4.30pm pob dydd.
Mae’r cwrs 3 diwrnod hwn yn cynnwys:
· Cyflwyniad i Systemau Rheoli Amgylchedd
· Pwrpas, strwythur ac elfennau ISO 14001
· Gweithredu ISO 14001 a defnyddio ISO 14004
· Cyflwyniad i safon archwilio 19011
· Sefydlu a rheoli rhaglen archwilio
· Gweithgareddau i’w cwblhau cyn archwilio : Amcanion, cwmpas, cynllunio a pharatoi dogfennau gwaith
· Cwblhau archwiliadau – cyfathrebu, rheoli timau archwilio, adolygu dogfennau, arsylwad ffisegol, sgiliau cwestiynu a thechneg cyfweld da
· Dadansoddi tystiolaeth, canfyddiadau, casgliadau a pharatoi adroddiad archwilio
· Cwblhau archwiliadau a chamau dilynol
· Cymhwysedd, cyfrifoldebau a datblygiad proffesiynol parhaus archwilwyr
· Pethau allweddol i’w gwneud ac i beidio â'u gwneud
Cynhelir y cwrs drwy ddosbarth rhithiol ar-lein. Bydd y cwrs yn cynnwys astudiaethau achos, trafodaethau ac ymarferion datrys problemau rhyngweithiol ar gyfer yr unigolyn a grwpiau. Defnyddir y rhain drwy gydol y cwrs i atgyfnerthu dysg y dysgwyr. Caiff ei asesu drwy arholiad amlddewis 20 cwestiwn, a gwblheir ar Ddiwrnod 3.
Byddai gwybodaeth o systemau rheoli neu amgylcheddol yn fanteisiol, ond nid yw'n hanfodol. Bydd angen cyfrifiadur/gliniadur gyda microffon a chamera arnoch.
Mae'r Coleg yn croesawu cyswllt â rhieni / gwarcheidwaid myfyrwyr sy'n iau na 18 oed.
Mae cefnogaeth ychwanegol ar gael i fyfyrwyr sydd ag anableddau ac anawsterau dysgu.
Mae Coleg Caerdydd a'r Fro wedi ymrwymo i gynhwysiant ac mae'n gwerthfawrogi amrywiaeth. Rydym yn benderfynol o hybu cyfleoedd cyfartal a thrin pawb yn deg a gyda pharch.
Mae Coleg Caerdydd a'r Fro yn cadw'r hawl i wneud newidiadau i'r cwrs hwn heb rybudd ymlaen llaw.
Gall ffioedd cyrsiau newid. Cadarnheir eich ffi cyn ymrestru.
Mae pob cwrs yn fanwl gywir adeg uwchlwytho neu argraffu'r deunydd hwn.
Dim ond os oes niferoedd digonol y cynhelir y cyrsiau.
Sylwer, os byddwch yn dewis tri chwrs neu fwy, efallai y cewch eich cyfeirio i gael apwyntiad gyrfaoedd i ddechrau. Nid yw hyn yn berthnasol i ddewisiadau Safon Uwch na TGAU.