MAC ar Drac - Ffilm a'r Cyfryngau

Ar y cwrs rhagarweiniol hwn byddwch yn dysgu hanfodion creu ffilm a'i amrywiaeth o gyfryngau:

• Sgriptio

• Creu Ffilmiau Ffuglen Byr; Animeiddio a Rhaglenni Dogfen

• Hysbysebu

• Golygu ar gyfer Ffilm a Theledu

• Dylunio Sain ar gyfer Ffilm a Theledu

Bydd pob modiwl yn canolbwyntio ar ddatblygu sgiliau ymarferol myfyrwyr i greu cynnyrch cyfryngau unigryw megis cerddoriaeth fideo, ffilmiau byr, podlediadau, ffilmiau wedi'u hanimeiddio, arddangosfeydd lluniau a hysbysebion.

Bydd y gwaith a gynhyrchir ar gyfer pob modiwl yn sail ar gyfer asesiad. Drwy gydol y flwyddyn byddwch yn datblygu portffolio cynhwysfawr a fydd yn allweddol ar gyfer eich dilyniant i mewn i addysg neu gyflogaeth yn y dyfodol.

Mae MAC yn ymfalchïo mewn darparu dosbarthiadau mewn amgylchedd hamddenol a chynhwysfawr, a chanolbwyntio ar eich cryfderau a'ch helpu chi i fagu eich hyder. Byddwch yn dysgu mewn grŵp bach sy'n cynnwys rhwng 12 a 16 o fyfyrwyr. Mae presenoldeb o 90% ac uwch yn allweddol wrth i chi gwblhau'r cwrs yn llwyddiannus.

Mae'r cwrs yn cynnwys 10 modiwl gwaith cwrs.

Bydd yr holl offer yn cael ei ddarparu gan MAC.

Bydd gan fyfyrwyr fynediad at stiwdio sain ac ystafell werdd.

Ni fydd angen profiad blaenorol ac ni cheir unrhyw ofynion mynediad ffurfiol. Byddwch yn cael eich gwahodd i gyfarfod â’ch tiwtoriaid; felly, gyda’ch gilydd, bydd modd ichi asesu pa mor addas ydych ar gyfer y cwrs. Ar ôl ichi gael eich derbyn ar y cwrs, byddwch yn cael eich gwahodd i sesiwn ragflas ac i lenwi proffil myfyriwr.

Bydd yr holl gyrsiau MAC yn cael eu cyflwyno mewn atmosffer hamddenol, cynhwysol a llawn anogaeth. Ni fydd y dosbarthiadau’n cynnwys mwy nag 16 o fyfyrwyr. Yn arbennig, byddem yn croesawu ceisiadau gan fyfyrwyr na fu modd iddynt gael gafael ar gyfleoedd tebyg mewn mannau eraill, myfyrwyr sydd mewn perygl o ddioddef allgáu cymdeithasol, a myfyrwyr nad ydynt mewn addysg, hyfforddiant neu gyflogaeth. Mae’r cwrs hwn ar gael i bawb rhwng 16-25 oed.

• Mae'r Coleg yn croesawu cyswllt â rhieni / gwarcheidwaid myfyrwyr sy'n iau na 18 oed.

• Mae cefnogaeth ychwanegol ar gael i fyfyrwyr sydd ag anableddau ac anawsterau dysgu.

• Mae Coleg Caerdydd a'r Fro wedi ymrwymo i gynhwysiant ac mae'n gwerthfawrogi amrywiaeth. Rydym yn benderfynol o hybu cyfleoedd cyfartal a thrin pawb yn deg a gyda pharch.

• Mae Coleg Caerdydd a'r Fro yn cadw'r hawl i wneud newidiadau i'r cwrs hwn heb rybudd ymlaen llaw.

• Gall ffioedd cyrsiau newid. Cadarnheir eich ffi cyn ymrestru.

• Mae pob cwrs yn fanwl gywir adeg uwchlwytho neu argraffu'r deunydd hwn.

• Dim ond os oes niferoedd digonol y cynhelir y cyrsiau.

• Sylwer, os byddwch yn dewis tri chwrs neu fwy, efallai y cewch eich cyfeirio i gael apwyntiad gyrfaoedd i ddechrau. Nid yw hyn yn berthnasol i ddewisiadau Safon Uwch na TGAU.