Gwasanaethau Trin Gwallt
Ynglŷn â'r cwrs
Mae’r cwrs Lefel 2 mewn Trin Gwallt wedi ei ddylunio i ddysgwyr sy’n awyddus i fentro i’r diwydiant gwallt a harddwch ac sy’n dymuno datblygu’r sgiliau proffesiynol a thechnegol allweddol sydd eu hangen ar gyfer y byd cyflogaeth neu astudiaethau pellach.
Mae’r cwrs hwn yn cynnig dau lwybr cymwysterau, gan roi’r cyfle i ddysgwyr arbenigo a symud ymlaen at amrywiaeth o lwybrau Lefel 3 yn cynnwys Trin Gwallt, Colur a Gwallt y byd Theatr a Chyfryngau, neu i ddilyn llwybrau prentisiaethau, barbro, neu ewinedd a cholur. Tri diwrnod yr wythnos yw’r cwrs, gyda phresenoldeb ychwanegol ar ddydd Sadwrn yn ôl rota.
Mae’r amserlen hon yn galluogi dysgwyr i ennill profiad salon ymarferol a hynny wrth gydbwyso theori, datblygu sgiliau, a gofynion asesiadau.
Bydd dysgwyr hefyd yn astudio Sgiliau Hanfodol Cymru neu’n ailsefyll TGAU Saesneg os ydynt wedi ennill gradd D yn flaenorol, gan sicrhau eu bod yn datblygu’r cymwysterau a’r sgiliau cyfathrebu sydd eu hangen arnynt i wneud cynnydd ac i fentro i gyflogaeth.
Beth fyddwch yn ei astudio?
Bydd dysgwyr yn datblygu’r wybodaeth a’r sgiliau ymarferol craidd sy’n ofynnol yn y maes trin gwallt proffesiynol, gan gynnwys:
- Siampwio, cyflyru, a thriniaethau croen y pen
- Technegau torri a steilio
- Gwasanaethau lliwio a goleuo
- Cyfathrebu ac ymgynghori â chleientiaid
- Iechyd, diogelwch, a hylendid yn y salon
- Ymddygiad proffesiynol a gwasanaeth cwsmeriaid
Ffïoedd cwrs
Ffi Salon: £30.00
Gofynion mynediad
3 TGAU Gradd A* - D yn cynnwys Saesneg Iaith (neu gyfwerth). Geirda boddhaol gan Diwtor y Cwrs. Fel arall, cwblhau Lefel 1 yn llwyddiannus a geirda boddhaol. Geirda boddhaol gan Ysgol neu Goleg i ddangos ymddygiad da, presenoldeb da a chynnydd da NEU brofiad gwaith a phrofiad dysgu blaenorol.
Cyfleusterau
Bydd myfyrwyr yn gweithio mewn amgylchedd salon fasnachol, gan ddarparu gwasanaethau i gleientiaid sy’n talu a modelau er mwyn magu hyder a chymhwysedd. Mae hefyd yn ofynnol i fyfyrwyr drefnu eu modelau eu hunain ar gyfer asesiadau penodol er mwyn sicrhau bod ganddynt gyfleoedd addas i ddangos eu sgiliau.
Pwyntiau pwysig
Mae'r Coleg yn croesawu cyswllt â rhieni / gwarcheidwaid myfyrwyr sy'n iau na 18 oed.
Mae cefnogaeth ychwanegol ar gael i fyfyrwyr sydd ag anableddau ac anawsterau dysgu.
Mae Coleg Caerdydd a'r Fro wedi ymrwymo i gynhwysiant ac mae'n gwerthfawrogi amrywiaeth. Rydym yn benderfynol o hybu cyfleoedd cyfartal a thrin pawb yn deg a gyda pharch.
Mae Coleg Caerdydd a'r Fro yn cadw'r hawl i wneud newidiadau i'r cwrs hwn heb rybudd ymlaen llaw.
Gall ffioedd cyrsiau newid. Cadarnheir eich ffi cyn ymrestru.
Mae pob cwrs yn fanwl gywir adeg uwchlwytho neu argraffu'r deunydd hwn.
Dim ond os oes niferoedd digonol y cynhelir y cyrsiau.
Sylwer, os byddwch yn dewis tri chwrs neu fwy, efallai y cewch eich cyfeirio i gael apwyntiad gyrfaoedd i ddechrau. Nid yw hyn yn berthnasol i ddewisiadau Safon Uwch na TGAU.
Dyddiad dechrau
Dyddiad gorffen
Amser o'r dydd
Llawn Amser
Cod y cwrs
Cymhwyster
Gwasanaethau Trin Gwallt
Cyfleusterau
Mwy
Mi wnes i lwyr fwynhau fy nghyfnod yn astudio yng Ngholeg Caerdydd a’r Fro, mae’n sicr wedi bod o gymorth i mi gyrraedd lle roeddwn i eisiau bod. Fe ddechreuais ar y cwrs Harddwch a Gwallt Lefel 2, cyn mynd yn fy mlaen i’r cwrs Harddwch a Therapi Spa Lefel 3. Yna, fe ddychwelais i gwblhau cwrs Uwch Estheteg Lefel 4. Roedd hi’n wych cael dysgu a chael profiad gwaith gwerthfawr mewn salon go iawn. Un o fy uchafbwyntiau oedd cystadlu mewn Cystadleuaeth WorldSkills a chipio’r ail wobr. Ers gadael, rwyf wedi sefydlu salon fy hun, ble rwyf yn cynnig amrywiaeth o driniaethau. Y flwyddyn nesaf byddaf yn mynd ymlaen i gyflogi technegydd ewinedd a therapydd harddwch i’m helpu i dyfu’r busnes a chynnig hyd yn oed mwy o wasanaethau i’m cleientiaid.
Rhagolygon Gyrfa ac Astudiaeth Bellach
£7.7billion
Ar ôl cwblhau’r cwrs Trin Gwallt Lefel 2 yn llwyddiannus, gall ddysgwyr symud ymlaen i wneud un o’r canlynol:
- Lefel 3 Trin Gwallt
- Lefel 3 Colur a Gwallt y byd Cyfryngau, Effeithiau Arbennig, a’r byd Theatr
- Cymwysterau barbro
- Rhaglenni ewinedd a cholur
- Prentisiaethau yn y maes trin gwallt neu farbro
- Cyflogaeth mewn salonau neu waith llawrydd