Effeithiau Arbennig Theatrig. Gwallt a Cholur y Cyfryngau
Ynglŷn â'r cwrs
Mae'r Diploma Lefel 3 VTCT mewn Gwallt a Cholur y Cyfryngau (QCF) yn gymhwyster galwedigaethol sylweddol i ddysgwyr sy'n awyddus am yrfa fel artist gwallt a cholur cyflogedig a/neu hunangyflogedig.
Bydd myfyrwyr yn gweithio gydag ymarferwyr i lefel uchel o allu galwedigaethol, gan ddarparu gwasanaethau gwallt a cholur ym myd cyfryngau, theatr, y celfyddydau perfformio, ffasiwn a'r diwydiannau ffotograffig. Mae'r cymhwyster hwn wedi'i seilio ar y Safonau Galwedigaethol Cenedlaethol (NOS) mewn gwasanaeth ewinedd fel y cydnabyddir gan gyrff proffesiynol blaenllaw'r DU (Cymdeithas Therapi Harddwch a Chosmetoleg Prydain (BABTAC) a'r Ffederasiwn Therapyddion Holistig (FHT)) fel y safonau addas i baratoi dysgwyr am yrfa fel artist gwallt a cholur iau. Mae'n ofynnol i ddysgwyr brynu cit a gwisg proffesiynol er mwyn cyflawni'r cwrs (tua £650). Byddwch hefyd yn mynd i'r afael ag oriau profiad gwaith ychwanegol, tu hwnt i'ch amserlen yn y coleg.
Bydd gofyn i'r holl ddysgwyr wisgo Cyfarpar Diogelu Personol (PPE) bob amser yn y salonau a'r clinig. Mae'n rhaid i'r dysgwr brynu'r wisg lawn. Mae hyn yn cynnwys tiwnig, trywsus ac esgidiau caeedig fflat.
Bydd y canlynol yn cael eu darparu gan y coleg:
- Gorchudd Wyneb
- Fisor
- Ffedogau Plastig
- Menig Llawfeddygol
Beth fyddwch yn ei astudio?
Mae'r cwrs yn mynd i'r afael ag ystod o agweddau gan gynnwys:
- Rhoi colur chwistrell baent ar yr wyneb
- Colur cuddliw
- Colur i'r cyfryngau
- Arddull a ffit postiche
- Colur ffasiwn a cholur ffotograffig
- Gofal a chyfathrebu gyda chleient mewn diwydiannau sydd yn berthnasol i harddwch
- Gwylio a chynnal ymarfer iechyd a diogelwch yn y salon
- Defnyddio darnau prosthetig a chapiau moel
- Steilio gwallt priodasol
- Dylunio gwallt ffantasi ar gyfer perfformwyr
Mae nifer o'n dysgwyr yn mynd i weithio mewn diwydiant neu'n mynd ymlaen i gwrs addysg uwch mewn prifysgol.
Ffi'r cwrs fesul blwyddyn
Ffi Salon: £30.00
Gofynion mynediad
Cyflawni Diploma Lefel 2 perthnasol (Gwallt / Harddwch) yn llwyddiannus a hefyd geirda boddhaol gan Diwtor y Cwrs yn nodi ymddygiad da, presenoldeb boddhaol a chynnydd. Fel arall, 4 TGAU graddau A i D (gan gynnwys Mathemateg a Saesneg) a chyfweliad sgiliau ymarferol llwyddiannus. Bydd Dysgu Blaenorol a phrofiad gwaith yn cael eu hystyried hefyd. Bydd gofyn i bob myfyriwr gyflwyno portffolio o dystiolaeth i diwtor y cwrs.
Addysgu ac Asesu
- Nid oes unrhyw fanylion asesu wedi'u gosod.
Pwyntiau pwysig
Mae'r Coleg yn croesawu cyswllt â rhieni / gwarcheidwaid myfyrwyr sy'n iau na 18 oed.
Mae cefnogaeth ychwanegol ar gael i fyfyrwyr sydd ag anableddau ac anawsterau dysgu.
Mae Coleg Caerdydd a'r Fro wedi ymrwymo i gynhwysiant ac mae'n gwerthfawrogi amrywiaeth. Rydym yn benderfynol o hybu cyfleoedd cyfartal a thrin pawb yn deg a gyda pharch.
Mae Coleg Caerdydd a'r Fro yn cadw'r hawl i wneud newidiadau i'r cwrs hwn heb rybudd ymlaen llaw.
Gall ffioedd cyrsiau newid. Cadarnheir eich ffi cyn ymrestru.
Mae pob cwrs yn fanwl gywir adeg uwchlwytho neu argraffu'r deunydd hwn.
Dim ond os oes niferoedd digonol y cynhelir y cyrsiau.
Sylwer, os byddwch yn dewis tri chwrs neu fwy, efallai y cewch eich cyfeirio i gael apwyntiad gyrfaoedd i ddechrau. Nid yw hyn yn berthnasol i ddewisiadau Safon Uwch na TGAU.
Dyddiad dechrau
Dyddiad gorffen
Amser o'r dydd
Llawn Amser
Cod y cwrs
Cymhwyster
Mwy
Mi wnes i lwyr fwynhau fy nghyfnod yn astudio yng Ngholeg Caerdydd a’r Fro, mae’n sicr wedi bod o gymorth i mi gyrraedd lle roeddwn i eisiau bod. Fe ddechreuais ar y cwrs Harddwch a Gwallt Lefel 2, cyn mynd yn fy mlaen i’r cwrs Harddwch a Therapi Spa Lefel 3. Yna, fe ddychwelais i gwblhau cwrs Uwch Estheteg Lefel 4. Roedd hi’n wych cael dysgu a chael profiad gwaith gwerthfawr mewn salon go iawn. Un o fy uchafbwyntiau oedd cystadlu mewn Cystadleuaeth WorldSkills a chipio’r ail wobr. Ers gadael, rwyf wedi sefydlu salon fy hun, ble rwyf yn cynnig amrywiaeth o driniaethau. Y flwyddyn nesaf byddaf yn mynd ymlaen i gyflogi technegydd ewinedd a therapydd harddwch i’m helpu i dyfu’r busnes a chynnig hyd yn oed mwy o wasanaethau i’m cleientiaid.
