Therapi Harddwch a Sba
Ynglŷn â'r cwrs
Mae ein cymhwyster Harddwch Lefel 1 a 2 VTCT wedi’i ddylunio ar gyfer dysgwyr sydd eisiau datblygu sgiliau a dechrau gweithio mewn amgylchedd proffesiynol, masnachol. Dim ond colegau gyda mynediad i salon gweithredol llawn, go iawn sydd â’r hawl i gyflwyno’r rhaglen hon - nid dim ond man hyfforddi wedi’i efelychu - ac mae’n cynnwys yr holl elfennau hanfodol sydd eu hangen i weithio’n effeithiol o fewn diwydiant harddwch. Mae’n ofynnol cwblhau’r rhan lefel 1 o’r cwrs cyn dechrau cymhwyster lefel 2 addas.
Beth fyddwch yn ei astudio?
Mae’r cymhwyster hwn yn cynnwys yr holl elfennau sydd eu hangen i weithio’n effeithiol fel Therapydd Harddwch; Iechyd a Diogelwch Salon, Ymgynghori â Chleientiaid, Presgripsiwn triniaethau’r wyneb, Gosod a thynnu amrannau ffug, Rhoi colur dydd/nod/digwyddiad arbennig, Triniaethau Dwylo a Thraed, Dechrau a chynorthwyo mewn amgylchedd Spa. Unedau dewisol pellach yw cwyro a chodi amrannau. Fel rhan o’r cwrs llawn amser, mae’n ofynnol i fyfyrwyr gael lleoliad gwaith mewn salon neu sba weithredol, brysur i wella eu sgiliau. Bydd dysgwyr hefyd yn astudio Sgiliau Hanfodol Cymru, yn cynnwys Cymhwyso Rhif a Chyfathrebu, gyda rhai sesiynau cyfoethogi ar ddydd Sadwrn a gyda’r nos i gynorthwyo eu cynnydd. Gall dysgwyr sy’n ennill gradd D mewn Saesneg neu Fathemateg gael y cyfle i ailsefyll y TGAU hyn yn ystod y cwrs.
Fel rhan o’ch hyfforddiant cewch gymryd rhan yng nghystadlaethau WorldSkills i wella eich profiad dysgu. Mae gennym nifer o fyfyrwyr sydd wedi bod yn llwyddiannus yn y maes gwaith hwn ac eleni mae myfyriwr wedi cyrraedd Rownd Derfynol Worldskills Cenedlaethol mewn Therapi Harddwch.
Ffïoedd cwrs
Ffi Salon: £30.00
Gofynion mynediad
3 TGAU Gradd A*-D yn cynnwys Saesneg Iaith (neu gyfwerth). Geirda boddhaol gan Diwtor Cwrs. Fel arall, wedi cyflawni Lefel 1 yn llwyddiannus a geirda boddhaol. Geirda boddhaol gan Ysgol neu Goleg yn dangos ymddygiad, presenoldeb a chynnydd da.
Cyfleusterau
Bydd dysgwyr yn astudio mewn salon Harddwch masnachol weithredol realistig. Mae Urbasba yn Salon Trin Gwallt a Sba Harddwch â’r holl gyfarpar sy’n darparu lefelau uchel o hyfforddiant a gwasanaethau. Mae nifer o’n dysgwyr yn mynd yn eu blaen i gwblhau cystadlaethau Sgiliau, gan arddangos eu talent ar lwyfan cenedlaethol.
Addysgu ac Asesu
- Asesiad parhaus ac asesiad ymarferol gan gynnwys arholiadau
Pwyntiau pwysig
Mae'r Coleg yn croesawu cyswllt â rhieni / gwarcheidwaid myfyrwyr sy'n iau na 18 oed.
Mae cefnogaeth ychwanegol ar gael i fyfyrwyr sydd ag anableddau ac anawsterau dysgu.
Mae Coleg Caerdydd a'r Fro wedi ymrwymo i gynhwysiant ac mae'n gwerthfawrogi amrywiaeth. Rydym yn benderfynol o hybu cyfleoedd cyfartal a thrin pawb yn deg a gyda pharch.
Mae Coleg Caerdydd a'r Fro yn cadw'r hawl i wneud newidiadau i'r cwrs hwn heb rybudd ymlaen llaw.
Gall ffioedd cyrsiau newid. Cadarnheir eich ffi cyn ymrestru.
Mae pob cwrs yn fanwl gywir adeg uwchlwytho neu argraffu'r deunydd hwn.
Dim ond os oes niferoedd digonol y cynhelir y cyrsiau.
Sylwer, os byddwch yn dewis tri chwrs neu fwy, efallai y cewch eich cyfeirio i gael apwyntiad gyrfaoedd i ddechrau. Nid yw hyn yn berthnasol i ddewisiadau Safon Uwch na TGAU.
Dyddiad dechrau
Dyddiad gorffen
Amser o'r dydd
Llawn Amser
Cod y cwrs
Cymhwyster
Cyfleusterau
Mwy
Mi wnes i lwyr fwynhau fy nghyfnod yn astudio yng Ngholeg Caerdydd a’r Fro, mae’n sicr wedi bod o gymorth i mi gyrraedd lle roeddwn i eisiau bod. Fe ddechreuais ar y cwrs Harddwch a Gwallt Lefel 2, cyn mynd yn fy mlaen i’r cwrs Harddwch a Therapi Spa Lefel 3. Yna, fe ddychwelais i gwblhau cwrs Uwch Estheteg Lefel 4. Roedd hi’n wych cael dysgu a chael profiad gwaith gwerthfawr mewn salon go iawn. Un o fy uchafbwyntiau oedd cystadlu mewn Cystadleuaeth WorldSkills a chipio’r ail wobr. Ers gadael, rwyf wedi sefydlu salon fy hun, ble rwyf yn cynnig amrywiaeth o driniaethau. Y flwyddyn nesaf byddaf yn mynd ymlaen i gyflogi technegydd ewinedd a therapydd harddwch i’m helpu i dyfu’r busnes a chynnig hyd yn oed mwy o wasanaethau i’m cleientiaid.
Rhagolygon Gyrfa ac Astudiaeth Bellach
£7.7billion
Mae Therapi Harddwch Lefel 2 NVQ yn eich darparu â’r sgiliau a hyder i fynd yn eich blaen i’r lefel nesaf o astudio ar Therapi Harddwch Lefel 3. Mae hyn yn ddibynnol ar lwyddo ar Therapi Harddwch Lefel 2 a geirda addas gan y tiwtor. Gall dysgwyr hefyd fynd yn eu blaen i Golur Theatrig Lefel 3 neu Drin Gwallt Lefel 2.