Ail sefyll TGAU Cymraeg Iaith [ailsefyll cyntaf]

Uned 1 - Asesiad Di-arholiad Llafar 30%

Tasg 1 - Cyflwyniad Unigol Ar Sail Ymchwil

Un cyflwyniad unigol yn seiliedig ar ymchwil, a all gynnwys ymatebion i gwestiynau ac adborth, yn seiliedig ar themâu wedi’u gosod gan CBAC. Disgwylir i ymgeiswyr gymryd rhan mewn gweithgaredd llafar fel unigolion gan gyflwyno gwybodaeth ar unrhyw agwedd neu agweddau sy’n berthnasol i un o’r themâu canlynol: 1. Cymru 2. Hamdden 3. Y Byd Gwaith 4. Y Byd Gwyddoniaeth/Technoleg 5. Dinasyddiaeth

Tasg 2 - Ymateb a Rhyngweithio

Un drafodaeth grŵp ynghylch ysgogiad ysgrifenedig a/neu weledol a ddarperir gan CBAC i sbarduno trafodaeth. Disgwylir i ymgeiswyr ddangos eu bod yn gallu cymryd rhan mewn gweithgareddau llafar gydag eraill ar gyfer mynegi ac ategu barn. Mae’r gweithgaredd hwn yn rhoi’r cyfle i ymgeiswyr gyfleu eu profiadau personol a/neu berswadio eraill.

Uned 2 - Asesiad Allanol - Disgrifiad, Naratif ac Egluro 35%

Adran A Darllen

Yn yr adran hon, bydd yr ymgeiswyr yn cael eu hasesu ar eu dealltwriaeth am o leiaf un testun sy’n disgrifio, un testun naratif ac un testun egluro gyda chysylltiad thematig, a fydd yn cael eu hasesu yn ôl ystod o gwestiynau â strwythur. Bydd amrywiaeth o destunau di-dor a chryno, yn gofyn am ddulliau ac ymatebion darllen gwahanol. Gallai’r testunau a ddefnyddir ar gyfer asesiad yn yr adran hon gynnwys, ond nid yn gyfyngedig i hunangofiant, bywgraffiad, areithiau, adroddiadau newyddion, ysgrifennu wrth deithio, erthyglau newyddiadurol, adolygiadau, a detholiadau o nofelau a straeon byr, ynghyd â thestunau cryno â chysylltiad thematig fel hysbysebion, diagramau, rhestrau, graffiau, amserlenni a thablau, sy’n cynnwys iaith ysgrifenedig. Ychydig o ddarllen fydd ei angen ar rai testunau, ond bydd angen darllen mwy trylwyr ar gyfer eraill a byddant yn fwy heriol. Bydd ymatebion i’r cwestiynau yn amrywio o rai byr i rai estynedig. Bydd rhai cwestiynau’n fyr (e.e. cwestiynau aml ddewis, ymatebion byr, cloze, dilyniannau). Bydd eraill yn gofyn am atebion hirach (e.e. aralleirio, dangos dealltwriaeth o’r cyd-destun, dadansoddi/casglu gwybodaeth/dod i gasgliad). Bydd yr adran hon hefyd yn cynnwys tasg olygu sy’n canolbwyntio ar ddeall testunau byr ar lefel gair, brawddeg a thestun. (2.5% o’r cymhwyster).

Adran B Ysgrifennu

Yn yr adran hon, bydd ymgeiswyr yn cwblhau un dasg ysgrifennu allan o ddwy, a fydd naill ai’n ddisgrifiad, naratif neu’n eglurhad. Bydd gofyn i ymgeiswyr ysgrifennu un darn estynedig, gan ddefnyddio’r deunyddiau darllen yn adran A lle bo hynny’n briodol. Gallai hyn gynnwys, ond nid yw’n gyfyngedig i fywgraffiad, cofiant, ysgrifennu am deithio/bwyd, dyddiadur, stori a thraethodau personol. Bydd yr adran hon hefyd yn cynnwys un dasg brawf ddarllen yn canolbwyntio ar ysgrifennu’n gywir. Yn y dasg fer hon, bydd angen i ymgeiswyr brawf ddarllen a chywiro testun cryno (2.5% o’r cymhwyster).

Uned 3 Asesiad Allanol - Trafod, Perswâd a Chyfarwyddo

Adran A Darllen

Yn yr adran hon, caiff ymgeiswyr eu hasesu ar eu dealltwriaeth am o leiaf un testun drafodaeth, un darn perswâd ac un cyfarwyddol sydd â chysylltiad thematig, gan gynnwys testunau di-dor a chryno, a fydd yn cael eu hasesu drwy amrywiaeth o gwestiynau â strwythur. Bydd amrywiaeth o destunau di-dor a chryno, yn gofyn am ddulliau ac ymatebion darllen gwahanol. Bydd y testunau a ddefnyddir ar gyfer yr asesiad hwn yn cynnwys, ond nid yn gyfyngedig i lythyrau, e-byst, taflenni ffeithiau, pamffledi, erthyglau, adroddiadau, blogiau, hysbysiadau, canllawiau, testunau digidol ac aml-foddol, ynghyd â thestunau di-dor â chysylltiad thematig fel hysbysebion, diagramau, rhestrau, graffiau, amserlenni a thablau, sy’n cynnwys iaith ysgrifenedig. Ychydig o ddarllen fydd ei angen ar rai testunau, ond bydd angen darllen mwy trylwyr ar gyfer eraill a byddant yn fwy heriol. Bydd ymatebion i’r cwestiynau yn amrywio o rai byr i rai estynedig. Bydd rhai cwestiynau’n fyr (e.e. cwestiynau aml ddewis, ymatebion byr, cloze, dilyniannau). Bydd eraill yn gofyn am atebion hirach (e.e. aralleirio, dangos dealltwriaeth o’r cyd-destun, dadansoddi/casglu gwybodaeth/dod i gasgliad)

Adran B Ysgrifennu

Bydd yr adran hon yn asesu ysgrifennu’r ymgeisydd drwy un dasg ysgrifennu ddadleuol orfodol ac un dasg ysgrifennu dwyn perswâd orfodol. Bydd angen i ymgeiswyr ysgrifennu gan ddangos ymwybyddiaeth o’r gynulleidfa a phwrpas, gan ddefnyddio’r deunyddiau darllen yn adran A lle bo hynny’n briodol, ac addasu eu harddull i gyd-destunau bywyd go iawn, er enghraifft, llythyrau, erthyglau, adolygiadau, areithiau ac yn y blaen. Bydd hanner marciau’r adran hon yn cael eu dyfarnu am gyfathrebu a threfn (ystyr, pwrpas, darllenwyr a strwythur) a’r hanner arall am ysgrifennu’n fanwl gywir (iaith, gramadeg, atalnodi a sillafu).