Mae'r cwrs TGAU Almaeneg hwn yn gwrs dwys, blwyddyn o hyd.Bydd myfyrwyr yn ymarfer y pedwar sgil iaith sef darllen, siarad, gwrando ac ysgrifennu ac fe’u hanogir i ddefnyddio’r iaith darged pryd bynnag y mae hynny’n bosibl.
Er bod y cwrs yn addas i ddechreuwyr, argymhellir bod wedi astudio Almaeneg neu iaith dramor arall yn flaenorol. Byddai profiad blaenorol o astudio iaith dramor fodern arall yn fantais.
Nod y cwrs yw paratoi myfyrwyr i sefyll arholiad TGAU Almaeneg CBAC; i ddatblygu sgiliau iaith y dysgwr, meithrin meddwl critigol, cydweithrediad ac ymwybyddiaeth ddiwylliannol; gan alluogi ymgeiswyr i gyfathrebu a rhyngweithio’n hyderus.
Arweinyddiaeth a diwylliant
Chi eich hun a pherthnasau, Technoleg a'r Cyfryngau Cymdeithasol
Iechyd a Ffitrwydd, Adloniant a Hamdden
Bwyd a Diod, Gwyliau a Dathliadau
Cymru a'r byd
Cartref a bro - meysydd lleol o ddiddordeb, teithio a thrafnidiaeth
Y byd ehangach - gwyliau a thwristiaeth, nodweddion lleol a rhanbarthol yr Almaen a gwledydd sy’n siarad Almaeneg
Cynaliadwyedd byd-eang - yr amgylchedd, materion cymdeithasol
Astudiaethau a Chyflogaeth Gyfredol ac yn y Dyfodol
Astudiaeth gyfredol - bywyd ysgol/coleg, astudiaethau ysgol/coleg
Menter, cyflogadwyedd a chynlluniau ar gyfer y dyfodol - sgiliau a rhinweddau personol, astudiaeth ôl-16, cynlluniau gyrfa, cyflogaeth
Rhoddir gwerth 25% ar bob un o’r sgiliau.
Asesir y gydran Siarad ym mis Ebrill/Mai.
Mae 3 tasg ar gyfer yr arholiad Llafar - chwarae rôl, trafodaeth am gerdyn llun a sgwrs dwy ran am ddau bwnc ar wahân. Mae’r arholiad hwn yn para 10 munud i ymgeiswyr Haen Sylfaenol a 12 munud i ymgeiswyr Haen Uwch
Darllen ac Ymateb: 1 awr ar gyfer Haen Sylfaenol ac 1 awr 15 munud ar gyfer Haen Uwch
Ysgrifennu: 1 awr ar gyfer Haen Sylfaenol ac 1 awr 15 munud ar gyfer Haen Uwch. Tasgau ysgrifenedig yn cynnwys 1 dasg cyfieithu o Gymraeg/Saesneg i Almaeneg
Ffi Arholiad : £35.00
Ffi Cofrestru rhan amser: £35.00
Ffi Cwrs: £380.00
Ni cheir unrhyw ofynion mynediad ffurfiol i oedolion sy’n ddysgwyr, ond rhaid iddynt fod wedi astudio Almaeneg neu iaith dramor arall yn y gorffennol. Gall hyn gynnwys astudio iaith dramor ar lefel CA3, astudiaeth breifat gartref neu gyda thiwtor, neu ddefnydd cyson o offeryn ar-lein neu ddigidol, fel ap iaith. Bydd holl gyfathrebu’r dosbarth oddi allan i’r wers yn cael ei wneud trwy gyfrwng Microsoft TEAMS. Hefyd, bydd angen ichi ddefnyddio cyfrifiadur i gwblhau gwaith cwrs. O’r herwydd, byddai peth gwybodaeth a/neu brofiad o Microsoft Office o fantais. Dylai myfyrwyr amser llawn feddu ar 4 cymhwyster TGAU Gradd D, fan leiaf.
Dydd Mercher (17:45 - 20:45)
Mae'r Coleg yn croesawu cyswllt â rhieni / gwarcheidwaid myfyrwyr sy'n iau na 18 oed.
Mae cefnogaeth ychwanegol ar gael i fyfyrwyr sydd ag anableddau ac anawsterau dysgu.
Mae Coleg Caerdydd a'r Fro wedi ymrwymo i gynhwysiant ac mae'n gwerthfawrogi amrywiaeth. Rydym yn benderfynol o hybu cyfleoedd cyfartal a thrin pawb yn deg a gyda pharch.
Mae Coleg Caerdydd a'r Fro yn cadw'r hawl i wneud newidiadau i'r cwrs hwn heb rybudd ymlaen llaw.
Gall ffioedd cyrsiau newid. Cadarnheir eich ffi cyn ymrestru.
Mae pob cwrs yn fanwl gywir adeg uwchlwytho neu argraffu'r deunydd hwn.
Dim ond os oes niferoedd digonol y cynhelir y cyrsiau.
Sylwer, os byddwch yn dewis tri chwrs neu fwy, efallai y cewch eich cyfeirio i gael apwyntiad gyrfaoedd i ddechrau. Nid yw hyn yn berthnasol i ddewisiadau Safon Uwch na TGAU.