Tecstilau
Ynghylch y cwrs hwn
Nod y cwrs yw datblygu eich gwybodaeth, eich sgiliau a’ch dealltwriaeth o dechnegau tecstilau creadigol y gallwch eu defnyddio yn eich Celf Tecstilau eich hun.
Ar y cwrs hwn byddwch yn dysgu i ddefnyddio detholiad o brosesau tecstilau, yn cael gwybodaeth a gallu technegol, ac yn magu hyder wrth ddefnyddio offer arbenigol. Byddwch yn cael y cyfle i gymhwyso eich sgiliau newydd i’ch archwiliad a’ch gwaith arbrofi eich hun gyda Chelf Tecstilau cyfryngau cymysg.
Fel rhan o’r cwrs hwn byddwch yn dysgu am hanes Celf Tecstilau ac Artistiaid Tecstilau sy’n gweithio heddiw, yn datblygu ymarfer llyfr braslunio sy’n cynnwys darlunio, yn creu portffolio o samplau tecstilau ac yn creu canlyniad Celf Tecstilau terfynol ar gyfer eich prosiect, sy’n ymgorffori un neu fwy o'r technegau yr ydych wedi eu dysgu.
Beth fyddwch chi’n ei astudio
Mae’r technegau tecstilau y byddwch yn eu dysgu ar y cwrs hwn yn cynnwys: brodwaith â llaw, gwehyddu a brodwaith peiriant llawrydd.
Yn ogystal, byddwch yn dysgu am hanes Celf Tecstilau, ac yn archwilio gwaith Artistiaid Tecstilau cyfoes.
Cyfleusterau
Mae gan Goleg Caerdydd a’r Fro weithdai Celf a Dylunio a chyfleusterau cyfrifiadur helaeth. Lleolir y cwrs yn yr ystafell Ffasiwn a Thecstilau sydd wedi’i chyfarparu’n llawn gyda'r offer tecstilau sydd eu hangen arnoch ar gyfer y cwrs hwn. Mae lleoedd arbenigol eraill yn cynnwys Celf Gain, Serameg a Gwneud Printiau.
Ffïoedd cwrs
Ffi Arholiad : £20.00
Ffi Cofrestru: £10.00
Ffi Cwrs: £65.00
Pwyntiau pwysig
Mae'r Coleg yn croesawu cyswllt â rhieni / gwarcheidwaid myfyrwyr sy'n iau na 18 oed.
Mae cefnogaeth ychwanegol ar gael i fyfyrwyr sydd ag anableddau ac anawsterau dysgu.
Mae Coleg Caerdydd a'r Fro wedi ymrwymo i gynhwysiant ac mae'n gwerthfawrogi amrywiaeth. Rydym yn benderfynol o hybu cyfleoedd cyfartal a thrin pawb yn deg a gyda pharch.
Mae Coleg Caerdydd a'r Fro yn cadw'r hawl i wneud newidiadau i'r cwrs hwn heb rybudd ymlaen llaw.
Gall ffioedd cyrsiau newid. Cadarnheir eich ffi cyn ymrestru.
Mae pob cwrs yn fanwl gywir adeg uwchlwytho neu argraffu'r deunydd hwn.
Dim ond os oes niferoedd digonol y cynhelir y cyrsiau.
Sylwer, os byddwch yn dewis tri chwrs neu fwy, efallai y cewch eich cyfeirio i gael apwyntiad gyrfaoedd i ddechrau. Nid yw hyn yn berthnasol i ddewisiadau Safon Uwch na TGAU.
Dyddiad dechrau
Dyddiad gorffen
Amser o'r dydd
Rhan Amser
Cod y cwrs
Cymhwyster
Mwy...
Dros fy nwy flynedd yn Coleg Caerdydd a’r Fro, mae fy nhiwtoriaid wedi rhoi adborth adeiladol i mi sydd wedi fy ngalluogi i dyfu yn fy siwrnai greadigol.
Rhagolygon gyrfa ac astudio pellach
56,000
Gallai dysgwyr sy'n cwblhau'r cwrs hwn yn llwyddiannus edrych ar archwilio ein cyrsiau llawn-amser a rhan-amser eraill mewn Celf a Dylunio, Dylunio Ffasiwn, Argraffu 3D, Modelu Digidol a Chynhyrchu a mwy...