Lletygarwch
Ynghylch y cwrs hwn
Mae ein cwrs Gwasanaethau Lletygarwch lefel 2 yn berffaith ar gyfer y rhai sy’n gadael yr ysgol ac yn ystyried gyrfa mewn lletygarwch neu arlwyo, neu unigolion sy’n ailhyfforddi neu'n uwchsgilio.
Enillwch gymhwyster NVQ Lefel 2 City & Guilds wrth i chi ddatblygu sgiliau mewn Celfyddydau Coginio a Gwasanaethau Bwyty. Hyfforddwch ym Mwyty Y Dosbarth sydd wedi derbyn canmoliaeth fawr gan yr AA, ochr yn ochr â gweithwyr proffesiynol y diwydiant a thiwtoriaid arbenigol, gan gyfuno technegau clasurol gyda dulliau modern i feithrin hyder ac arbenigedd. Gall myfyrwyr fynd yn eu blaenau i gymwysterau Lefel 3 neu ddechrau eu gyrfaoedd gyda phrofiad o’r byd go iawn a sylfaen gadarn mewn lletygarwch, yn barod i ffynnu mewn diwydiant deinamig.
Beth fyddwch chi’n ei astudio
Mae’r cwrs yn cynnwys cyfres o unedau craidd sy’n canolbwyntio ar feysydd allweddol megis diogelwch bwyd yn y gweithle, gwaith tîm effeithiol, a chreu argraff gadarnhaol o'ch hun a’ch sefydliad. Yn ychwanegol, mae unedau dewisol yn cael eu dewis yn ofalus gan ein tîm academaidd profiadol i sicrhau eich bod yn ennill dealltwriaeth gynhwysfawr o’r sgiliau a’r wybodaeth sydd eu hangen i ragori mewn amgylchedd bwyty a chegin proffesiynol. Mae dulliau asesu yn cynnwys papurau gwybodaeth aml-ddewis ac arsylwadau ymarferol a gynhelir gan eich darlithydd, a fydd yn darparu adborth adeiladol i gefnogi eich datblygiad parhaus a gwella eich arbenigedd yn y maes.
Gofynion mynediad
Ar gyfer y rhai sy'n astudio mewn AB ar hyn o bryd, byddai angen cwblhau cymhwyster gwasanaethau lletygarwch lefel 1 neu debyg yn llwyddiannus gyda phresenoldeb o 90%, a hefyd geirda gan diwtor y cwrs. I'r rhai sy'n symud ymlaen o'r ysgol neu eisiau ailhyfforddi ar gyfer y diwydiant, gofyniad o 4 TGAU gradd A i D gan gynnwys mathemateg, Cymraeg neu Saesneg neu gyfwerth. Bydd gofyn i fyfyrwyr brynu gwisg Bwyty, dillad gwyn Cogydd a set o Gyllyll fel rhan o'u pecyn PPE gorfodol. Bydd rhestr o’r cit gan Russums yn cael ei darparu ar ddyddiau blasu a sesiynau cadw mewn cysylltiad.
Pwyntiau pwysig
Mae'r Coleg yn croesawu cyswllt â rhieni / gwarcheidwaid myfyrwyr sy'n iau na 18 oed.
Mae cefnogaeth ychwanegol ar gael i fyfyrwyr sydd ag anableddau ac anawsterau dysgu.
Mae Coleg Caerdydd a'r Fro wedi ymrwymo i gynhwysiant ac mae'n gwerthfawrogi amrywiaeth. Rydym yn benderfynol o hybu cyfleoedd cyfartal a thrin pawb yn deg a gyda pharch.
Mae Coleg Caerdydd a'r Fro yn cadw'r hawl i wneud newidiadau i'r cwrs hwn heb rybudd ymlaen llaw.
Gall ffioedd cyrsiau newid. Cadarnheir eich ffi cyn ymrestru.
Mae pob cwrs yn fanwl gywir adeg uwchlwytho neu argraffu'r deunydd hwn.
Dim ond os oes niferoedd digonol y cynhelir y cyrsiau.
Sylwer, os byddwch yn dewis tri chwrs neu fwy, efallai y cewch eich cyfeirio i gael apwyntiad gyrfaoedd i ddechrau. Nid yw hyn yn berthnasol i ddewisiadau Safon Uwch na TGAU.
Dyddiad dechrau
Dyddiad gorffen
Amser o'r dydd
Llawn Amser
Cod y cwrs
Cymhwyster
Cyfleusterau
Mwy...
Dewisais astudio yng Ngholeg Caerdydd a’r Fro gan nad oedd yr ysgol yn addas i mi ac nid oedd gennyf ddiddordeb yn unrhyw un o’r pynciau.
Mae’r cwrs Lletygarwch wedi agor cymaint o ddrysau i mi – yn cynnwys cyrraedd rowndiau cyn-derfynol Nestle Torgue d’Or, gan ennill yng Nghystadleuaeth Sgiliau Cymru ac ennill y ‘Gorau yn y Genedl’ yn WorldSkills yn Lyon yn 2024. Mae’r Coleg wedi rhoi i mi’r sgiliau i gyflawni fy nodau ac wedi fy helpu i gael swydd yn Lucknam Park fel ‘chef de rang’ yn Restaurant Hywel Jones. Yn ddiweddar, bu i mi gwblhau fy HND mewn Rheoli Lletygarwch yn y coleg cyn symud ymlaen i ddechrau cwrs gradd ym Mhrifysgol Metropolitan Caerdydd.
Rhagolygon gyrfa ac astudio pellach
78,000
Ar ôl cwblhau’r cymhwyster lefel 2 gwasanaethau lletygarwch yn llwyddiannus, gall myfyrwyr symud ymlaen i naill ai cymhwyster lefel 3 coginio proffesiynol neu gymhwyster lefel 3 mewn goruchwyliaeth ac arweinyddiaeth lletygarwch. Pe hoffech chwilio am gyflogaeth, mae gennym dîm gyrfaoedd pwrpasol a all eich helpu i ddod o hyd i'r lle delfrydol i ddechrau eich gyrfa, gyda chymorth ychwanegol ar gyfer ysgrifennu CV a pharatoi at gyfweliad.