Goruchwyliaeth Lletygarwch
Ynghylch y cwrs hwn
Mae’r cwrs hwn ar gyfer y rhai sy’n dymuno datblygu sgiliau pellach yn y maes coginio proffesiynol. Bydd y cwrs hwn yn rhoi profiad go iawn ichi o weithio mewn bwyty gan ddatblygu sgiliau ymarferol uwch wrth baratoi a choginio bwyd ar gyfer y bwyty hyfforddi.
Trwy gydol y flwyddyn byddwch yn datblygu sgiliau coginio lefel Tri a hynny wrth ennill profiad mewn gweithleoedd byw sy’n cynnwys bwytai, digwyddiadau, derbyniadau, bwffes, gwasanaeth brecwast hwyr a gweithio’n allanol â busnesau partner lleol i ddatblygu profiad gwaith.
Byddwch hefyd yn datblygu’ch sgiliau hanfodol mewn cymhwyso rhifau a chyfathrebu fel rhan o’r cwrs llawn amser hwn. Mae gwisg yn hanfodol ac mae’n costio tua £150.
Beth fyddwch chi’n ei astudio
Byddwch yn astudio pob elfen o waith cegin.
Yn datblygu sgiliau mewn
- Cig a Dofednod
- Pysgod
- Llysiau
- Pasta
- Reis
- Sawsiau
- Cawliau
- Gwlych
- Rheoli ceginau
- Sgiliau goruchwylio
- Gwasanaeth derbyniad a rhagor.
Mae’r cwrs angen i ddysgwyr gymryd rhan mewn gwersi theori yn ogystal â gwersi ymarferol lle mae asesiadau’n cael eu cynnal mewn gweithle byw heb arholiadau ffurfiol.
Cyfleusterau
Bydd hyfforddiant ac asesiadau yn digwydd yn bennaf yn ein cyfleuster yn y Barri, Ystafell Morgannwg, lle mae ein bwyty prysur yn croesawu cwsmeriaid am ginio a swper a digwyddiadau a derbyniadau drwy gydol y flwyddyn. Byddwch hefyd yn cymryd rhan mewn digwyddiadau a derbyniadau allanol drwy gydol y flwyddyn ac efallai y bydd angen teithio rhywfaint i gampysau eraill.
Pwyntiau pwysig
Mae'r Coleg yn croesawu cyswllt â rhieni / gwarcheidwaid myfyrwyr sy'n iau na 18 oed.
Mae cefnogaeth ychwanegol ar gael i fyfyrwyr sydd ag anableddau ac anawsterau dysgu.
Mae Coleg Caerdydd a'r Fro wedi ymrwymo i gynhwysiant ac mae'n gwerthfawrogi amrywiaeth. Rydym yn benderfynol o hybu cyfleoedd cyfartal a thrin pawb yn deg a gyda pharch.
Mae Coleg Caerdydd a'r Fro yn cadw'r hawl i wneud newidiadau i'r cwrs hwn heb rybudd ymlaen llaw.
Gall ffioedd cyrsiau newid. Cadarnheir eich ffi cyn ymrestru.
Mae pob cwrs yn fanwl gywir adeg uwchlwytho neu argraffu'r deunydd hwn.
Dim ond os oes niferoedd digonol y cynhelir y cyrsiau.
Sylwer, os byddwch yn dewis tri chwrs neu fwy, efallai y cewch eich cyfeirio i gael apwyntiad gyrfaoedd i ddechrau. Nid yw hyn yn berthnasol i ddewisiadau Safon Uwch na TGAU.
Mwy...
Dewisais astudio yng Ngholeg Caerdydd a’r Fro gan nad oedd yr ysgol yn addas i mi ac nid oedd gennyf ddiddordeb yn unrhyw un o’r pynciau.
Mae’r cwrs Lletygarwch wedi agor cymaint o ddrysau i mi – yn cynnwys cyrraedd rowndiau cyn-derfynol Nestle Torgue d’Or, gan ennill yng Nghystadleuaeth Sgiliau Cymru ac ennill y ‘Gorau yn y Genedl’ yn WorldSkills yn Lyon yn 2024. Mae’r Coleg wedi rhoi i mi’r sgiliau i gyflawni fy nodau ac wedi fy helpu i gael swydd yn Lucknam Park fel ‘chef de rang’ yn Restaurant Hywel Jones. Yn ddiweddar, bu i mi gwblhau fy HND mewn Rheoli Lletygarwch yn y coleg cyn symud ymlaen i ddechrau cwrs gradd ym Mhrifysgol Metropolitan Caerdydd.
Rhagolygon gyrfa ac astudio pellach
78,000
Ar ôl cwblhau’r cwrs hwn yn llwyddiannus, byddwch yn gallu ymgeisio am gyrsiau lefel uwch yn naill ai CCAF neu mewn sefydliadau partner eraill. Fel arall, mae’r diwydiant lletygarwch yn enfawr a bydd cymhwyster Lefel Tri yn eich galluogi chi i chwilio am gyfleoedd swyddi ym mhob cwr o’r wlad.