Atgyweirio Cyrff Cerbyd (Canolradd)
Ynghylch y cwrs hwn
Mae ein cwrs Atgyweirio Corff Lefel 2 llawn amser yn mynd i'r afael â phrif agweddau Atgyweirio Corff Cerbyd ar lefel ganolradd. Gan astudio yn ein Canolfan Fodurol a gweithdai newydd yng Nghaerdydd, bydd dysgwyr yn gweithio gyda cherbydau a phanelau gwir, ac yn defnyddio offer sy'n debyg i'r rheiny a ddefnyddir mewn siopau corff cerbyd. Bydd gan ymgeiswyr hawl i ddefnyddio ein bwth chwistrellu o'r radd flaenaf hefyd, a gafodd ei osod yn ddiweddar. Trwy gydol y rhaglen, bydd dysgwyr yn datblygu eu sgiliau a'u gwybodaeth ochr yn ochr â staff cymwys y maes, wrth gymryd rhan mewn profiadau gwaith amrywiol.
Cynhelir y cwrs dros ddau ddiwrnod a hanner, gan ganiatáu amser i fyfyrwyr am gyflogaeth yng ngweddill yr wythnos. Mae'r prif gymhwyster yr un fath â hwnnw a ddefnyddir yn y Brentisiaeth Ail-orffennu Cerbyd, a gellir ei ddefnyddio i gyflawni rhan o Fframwaith y Brentisiaeth. Mae'r cwrs wedi'i rannu'n ddau hanner ar sail gwaith yn y gweithdy ac yn yr ystafell ddosbarth ac mae'n paratoi myfyrwyr at gyflogaeth drwy roi sylfaen dda iddynt yng ngweithrediad siop corff cerbyd.
Beth fyddwch chi’n ei astudio
Bydd y cwrs yn datblygu sgiliau / gwybodaeth yn y meysydd canlynol:
- Iechyd, diogelwch a chynnal a chadw da yn yr amgylchedd modurol
- Cefnogi swyddi yn yr amgylchedd gwaith modurol
- Deunyddiau, ffabrigiadau, offer a dyfeisiau mesur a ddefnyddir yn yr Amgylchedd Modurol
- Tynnu a gosod paneli corff cerbydau modur sydd heb eu gosod yn barhaol
- Tynnu ac ailosod paneli corff allanol cerbyd modur gan gynnwys cydrannau sydd wedi'u gosod yn barhaol
- Gwneud mân atgyweiriadau i baneli corff allanol cerbydau modur
- Technegau weldio nwy gweithredol
- Gweithrediadau sbotweldio gwrthiant
- Adeiladu a deunyddiau cerbydau modur
- Tynnu a gosod cydrannau mecanyddol, trydanol a thrim (MET) i gerbydau
Mae'r cwrs yn dilyn y Rhaglen Maes Dysgu Modurol (LAP) ac fel y cyfryw yn cynnwys Unedau Sgiliau Hanfodol a'r posibilrwydd o wythnos o brofiad gwaith mewn gweithdy lleol.
Gofynion mynediad
Cyflawni Diploma Lefel 1 mewn Modurol, neu 3 TGAU Gradd A* - D i gynnwys Mathemateg (neu gyfatebol). Bydd angen PPE ar yr ymgeiswyr llwyddiannus ar gyfer y cwrs hwn, gan gynnwys esgidiau blaen dur ac oferôls.
Pwyntiau pwysig
Mae'r Coleg yn croesawu cyswllt â rhieni / gwarcheidwaid myfyrwyr sy'n iau na 18 oed.
Mae cefnogaeth ychwanegol ar gael i fyfyrwyr sydd ag anableddau ac anawsterau dysgu.
Mae Coleg Caerdydd a'r Fro wedi ymrwymo i gynhwysiant ac mae'n gwerthfawrogi amrywiaeth. Rydym yn benderfynol o hybu cyfleoedd cyfartal a thrin pawb yn deg a gyda pharch.
Mae Coleg Caerdydd a'r Fro yn cadw'r hawl i wneud newidiadau i'r cwrs hwn heb rybudd ymlaen llaw.
Gall ffioedd cyrsiau newid. Cadarnheir eich ffi cyn ymrestru.
Mae pob cwrs yn fanwl gywir adeg uwchlwytho neu argraffu'r deunydd hwn.
Dim ond os oes niferoedd digonol y cynhelir y cyrsiau.
Sylwer, os byddwch yn dewis tri chwrs neu fwy, efallai y cewch eich cyfeirio i gael apwyntiad gyrfaoedd i ddechrau. Nid yw hyn yn berthnasol i ddewisiadau Safon Uwch na TGAU.
Dyddiad dechrau
Dyddiad gorffen
Amser o'r dydd
Llawn Amser
Cod y cwrs
Cymhwyster
Cyfleusterau
Mwy...
“Bu astudio yn CAVC yn brofiad pleserus iawn. Mae gan y Coleg y cyfleusterau gorau yng Nghaerdydd a bu’n gymorth i mi wrth gyflawni fy nodau.”
Rhagolygon gyrfa ac astudio pellach
18,000
Ar ôl cwblhau'r cwrs hwn, mae'n bosib y bydd cyfle i ymgeiswyr llwyddiannus symud ymlaen i'r rhaglen amser llawn Lefel 3 Ailorffen Cerbydau, neu Brentisiaeth Sylfaen mewn Ailorffen Cerbydau.