Byddwch yn astudio Diploma Lefel 3 ochr yn ochr â chymhwyster mewn Perfformio Gweithrediadau Peirianneg (PEO) a dau ESW, gan roi sylfaen dechnegol gadarn ichi ar gyfer gyrfa ym maes cynnal a chadw awyrennau. Trwy gydol y rhaglen, byddwch yn ymdrin ag ystod eang o bynciau peirianneg awyrennau, gan gynnwys:

• Systemau awyrennau
• Peiriannau tyrbin nwy
• Arferion cynnal a chadw awyrennau
• Systemau radio a radar

Mae'r cwrs hwn wedi’i leoli yn y Ganolfan Ryngwladol Hyfforddiant Awyrofod.  Mae’r cyfleuster yn cynnwys ystafelloedd dosbarth arbenigol, labordai a sied awyrennau go iawn lle byddwch yn datblygu eich sgiliau ymarferol.  Cynhelir y lleoliad profiad gwaith wythnosol hwn yng nghyfleuster cynnal a chadw Caerdav, sy’n flaenllaw yn y diwydiant.

5 TGAU Gradd A* - C gan gynnwys Mathemateg A* - B (neu gyfwerth) a Saesneg A* - B NEU gymhwyster Peirianneg lefel 2 addas ar radd Anrhydedd neu uwch gyda naill ai uned Mathemateg briodol gyda gradd Anrhydedd neu uwch, neu Radd A* - B mewn TGAU Mathemateg.  Bydd angen i ymgeiswyr llwyddiannus gael CDP ar gyfer y cwrs hwn, gan gynnwys esgidiau blaen caled ac oferôls ar gyfer dysgu ymarferol a throwsus gwaith du ar gyfer lleoliad gwaith.

• Mae'r Coleg yn croesawu cyswllt â rhieni / gwarcheidwaid myfyrwyr sy'n iau na 18 oed.

• Mae cefnogaeth ychwanegol ar gael i fyfyrwyr sydd ag anableddau ac anawsterau dysgu.

• Mae Coleg Caerdydd a'r Fro wedi ymrwymo i gynhwysiant ac mae'n gwerthfawrogi amrywiaeth. Rydym yn benderfynol o hybu cyfleoedd cyfartal a thrin pawb yn deg a gyda pharch.

• Mae Coleg Caerdydd a'r Fro yn cadw'r hawl i wneud newidiadau i'r cwrs hwn heb rybudd ymlaen llaw.

• Gall ffioedd cyrsiau newid. Cadarnheir eich ffi cyn ymrestru.

• Mae pob cwrs yn fanwl gywir adeg uwchlwytho neu argraffu'r deunydd hwn.

• Dim ond os oes niferoedd digonol y cynhelir y cyrsiau.

• Sylwer, os byddwch yn dewis tri chwrs neu fwy, efallai y cewch eich cyfeirio i gael apwyntiad gyrfaoedd i ddechrau. Nid yw hyn yn berthnasol i ddewisiadau Safon Uwch na TGAU.