Diploma Proffesiynol AAT mewn Cyfrifeg (Dysgu Cyfunol)

Beth fyddaf yn ei ddysgu? Yn y cymhwyster hwn byddwch yn cwmpasu tasgau cyfrifo uwch gan gynnwys drafftio datganiadau ariannol, rheoli cyllidebau, cyfrifiadau treth bersonol a busnes, archwilio, a sgiliau busnes.  

Ar ôl cwblhau'r cwrs hwn yn llwyddiannus, gallwch symud ymlaen i’r Diploma AAT Lefel 4 ar gyfer Technegwyr Cyfrifyddu Proffesiynol. Mae'r cymhwyster AAT hwn, a gydnabyddir yn rhyngwladol, yn galluogi'r rhai sy'n gweithio ym maes cyfrifeg neu sy'n awyddus i ddilyn gyrfa yn y maes i ennill gwybodaeth, profiad ymarferol a'r ardystiad hollbwysig sydd yn aml yn ofynnol gan gyflogwyr. 

Unedau astudio Mae’r cwrs Lefel 4 yn cwmpasu ystod o feysydd allweddol, gan gynnwys:  

• Cyfrifeg ariannol 
• Rheoli cyfrifeg 
• Rheolau archwilio a rheolau mewnol
• Egwyddorion trethu
• Ymwybyddiaeth busnes uwch 

Dull astudio - Ar-lein ac Ar y Campws Rydym yn gweithio mewn partneriaeth â Mindful Education i gyflwyno'r cwrs hwn drwy gyfrwng ein model hyblyg Ar-lein ac Yn y dosbarth.  

Ar-lein, byddwch yn astudio gwersi fideo sydd wedi ennill gwobrau. Mae'r rhain ar gael ar alw, a gallwch eu gwylio ar eich ffôn, tabled neu gyfrifiadur - sy'n golygu y gallwch ddewis sut, pryd a ble rydych am astudio. Mae’r gwersi’n cynnwys animeiddiadau a graffeg symudol i ddod â chysyniadau yn fyw. Mae cwestiynau ymarfer, deunyddiau gwersi y gellir eu lawr lwytho ac astudiaethau achos rhyngweithiol yn helpu i gyfoethogi'r profiad dysgu ymhellach. 

Dylai dysgwyr ddisgwyl treulio tua 7-9 awr yr wythnos yn astudio'n annibynnol ar-lein.  

Yn y dosbarth, byddwch yn elwa o gael dosbarthiadau rheolaidd gyda thiwtor coleg - heb orfod ymrwymo i fynychu sawl noswaith bob wythnos. Bydd eich tiwtor yn adolygu’r hyn rydych wedi'i ddysgu yn ystod eich gwersi ar-lein a bydd ar gael i gynnig arweiniad ynghylch cynnydd ac asesu. Mae amser allan o'r gweithle wedi'i leihau diolch i'r deunyddiau dysgu ar-lein. 

Sut byddaf yn cael fy asesu? Mae’r cwrs hwn yn cael ei asesu drwy arholiadau ar gyfrifiadur ar gyfer pob uned.  

Ffi Arholiad : £373.00

Ffi Cofrestru: £45.00

Ffi Cwrs: £1,700.00

Ffi gyda gostyngiad (Bwrsari): £1,700.00

Cwblhau AAT Lefel 3 yn llwyddiannus. Mae ffi aelodaeth AAT o tua £258 sy'n cael ei gostwng i £115 ar gyfer aelodau cadw cyfrifon AAT. Mae angen talu’r ffi yn uniongyrchol i AAT.

• Mae'r Coleg yn croesawu cyswllt â rhieni / gwarcheidwaid myfyrwyr sy'n iau na 18 oed.

• Mae cefnogaeth ychwanegol ar gael i fyfyrwyr sydd ag anableddau ac anawsterau dysgu.

• Mae Coleg Caerdydd a'r Fro wedi ymrwymo i gynhwysiant ac mae'n gwerthfawrogi amrywiaeth. Rydym yn benderfynol o hybu cyfleoedd cyfartal a thrin pawb yn deg a gyda pharch.

• Mae Coleg Caerdydd a'r Fro yn cadw'r hawl i wneud newidiadau i'r cwrs hwn heb rybudd ymlaen llaw.

• Gall ffioedd cyrsiau newid. Cadarnheir eich ffi cyn ymrestru.

• Mae pob cwrs yn fanwl gywir adeg uwchlwytho neu argraffu'r deunydd hwn.

• Dim ond os oes niferoedd digonol y cynhelir y cyrsiau.

• Sylwer, os byddwch yn dewis tri chwrs neu fwy, efallai y cewch eich cyfeirio i gael apwyntiad gyrfaoedd i ddechrau. Nid yw hyn yn berthnasol i ddewisiadau Safon Uwch na TGAU.