Cyrsiau Lled-ddargludydd Cyfansawdd Ar-lein a Chyfunol

Wedi'i darparu gan Brifysgol Caerdydd, mae'r gyfres hon o gyrsiau ar-lein, cyfunol, rhad ac am ddim sy'n cynnig hyfforddiant yn y sector lled-ddargludydd cyfansawdd sy'n prysur dyfu. Byddant yn eich helpu i uwchsgilio neu ailsgilio er mwyn eich darparu gyda'r ddealltwriaeth a'r wybodaeth y mae cyflogwyr yn y maes yn chwilio amdano. 

Wedi'i ariannu ar y cyd gan Brifddinas-Ranbarth Caerdydd a Chronfa Ffyniant Economaidd Llywodraeth y DU, mae'r cyrsiau hyn yn rhai cyfunol ac ar-lein ac yn gweithio o gwmpas eich ymrwymiadau yn eich bywyd. Mae'n bosib eich bod eisoes yn gweithio yn y sector lled-ddargludydd ac yn awyddus i ehangu eich gwybodaeth, neu eich bod am ailsgilio ar gyfer y sector hwn sy'n tyfu. Mae'r cyrsiau hefyd yn berthnasol i rai sy'n cefnogi'r sector (megis athrawon a darlithwyr) yn ogystal â graddedigion diweddar sydd â'r nod o fynd mewn i'r farchnad swyddi.

Mae'r twf yn y maes cyffrous hwn yn hanfodol er mwyn galluogi technolegau newydd ac arloesol megis 5G, ceir heb yrwyr, Y Rhyngrwyd Pethau (IoT), a Deallusrwydd Artiffisial (AI) a chefnogi cynaliadwyedd a'r agenda sero net.