Tystysgrif Proffesiynol (ProfCE) mewn Addysg a Hyfforddiant Ôl-orfodol (PcET)

Mae’r cwrs hwn yn paratoi ymgeiswyr ar gyfer dysgu o fewn y sector Ôl-orfodol ac astudio pellach. Mae’n cynnwys chwe modiwl 20 credyd sy’n cael eu darparu mewn amgylchedd cyfeillgar a chefnogol a’u hasesu drwy gyfrwng aseiniadau ysgrifenedig ac ymarferol. 

Blwyddyn 1 
Cynllunio ar gyfer Addysgu - Mae’r modiwl hwn yn cyflwyno theori addysgu a dysgu a chaiff ei asesu drwy sesiwn dysgu gan gymheiriad 30 munud. 
Asesu ar gyfer Dysgu - Mae’r modiwl hwn yn cefnogi ymgeiswyr i ddeall a bodloni anghenion dysgwyr a chaiff ei asesu ar ddefnydd creadigol ac adolygiad technoleg fel dull o asesu.  
Datblygu Ymarfer Proffesiynol - Mae’r modiwl hwn yn rhedeg drwy gydol y flwyddyn ac mae’n cynnwys:  
Cynllunio a rheoli 50 awr o sesiynau a ddysgir 
Arsylwi ar weithwyr proffesiynol eraill (20 awr) 
Adfyfyrio, gwerthuso ymarfer a chynllunio gweithredu ar gyfer datblygiad proffesiynol yn rheolaidd 
Tair sesiwn dysgu wedi’u hasesu 
Cyflwyno adfyfyriad ar ddigwyddiad critigol 

Blwyddyn 2 
Ymchwil yn Seiliedig ar Ymarfer - Mae’r modiwl hwn yn rhoi cyfle i ymgysylltu gyda gwaith ymchwil gweithredol gyda ffocws ar faes o fewn dysgu proffesiynol. Bydd y modiwl hwn yn cael ei asesu drwy gynnig ymchwil ysgrifenedig a chyflwyniad ac adroddiad am ganfyddiadau ymchwil.    
Llythrennedd ar gyfer Dysgu - Mae’r modiwl hwn yn archwilio syniadau am bob math o lythrennedd (digidol, gweledol, graffigol, ysgrifenedig ac ati) mewn bywyd bob dydd ac o fewn addysgu a dysgu. Bydd y modiwl yn cael ei asesu drwy arddangosfa hwyliog a rhyngweithiol. 
Ymestyn Ymarfer Proffesiynol -Mae’r modiwl hwn yn adeiladu ar y dysgu proffesiynol o fewn Datblygu Ymarfer Proffesiynol, gan edrych y tu hwnt i’r ystafell ddosbarth tuag at y dirwedd addysg ôl-orfodol. 

Mae’r modiwl hwn yn rhedeg drwy gydol y flwyddyn ac mae’n cynnwys:  
Cynllunio a rheoli 50 awr o sesiynau a ddysgir 
Arsylwi ar weithwyr proffesiynol eraill (20 awr) 
Adfyfyrio, gwerthuso ymarfer a chynllunio gweithredu ar gyfer datblygiad proffesiynol yn rheolaidd 
Tair sesiwn dysgu wedi’u hasesu 
Vlog yn dadansoddi a gosod polisi 
Ymarfer Addysgu 

Mae ymarfer dysgu o fewn y rôl ddysgu llawn wrth galon y cymhwyster (50 awr y flwyddyn), gan ddarparu’r sylfaeni ar gyfer dysgu ym mhob modiwl drwy gydol y cwrs. Mae arsylwadau rheolaidd o ymarferwyr eraill yn datblygu dealltwriaeth o ddysgu effeithiol a strategaethau addysgu ac asesu, ac mae’n darparu cyfle i archwilio’r sefydliad sy’n cynnig lleoliad yn ehangach. 

Am wybodaeth ynghylch ffïoedd a chefnogaeth ariannol ar gyfer cyrsiau Addysg Uwch Rhan Amser cliciwch yma. 

Mae’r asesiad yn waith cwrs 100%, gan gynnwys gweithgareddau ymarferol a rhyngweithiol, yn ogystal â gwaith ysgrifenedig.

Caerdydd - Dydd Iau - 2.00pm - 7.30pm
Y Barri - Dydd Mawrth - 2.00pm - 7.30pm

Ffioedd Dysgu - Blwyddyn 1: £2,835.00

Ffioedd Dysgu - Blwyddyn 2: £2,835.00

Cymhwyster Lefel 3 yn y pwnc y byddwch yn ei addysgu. Ar gyfer pynciau galwedigaethol mae hefyd yn bwysig cael o leiaf 4 mlynedd o brofiad diwydiannol. Mae’n hanfodol bod myfyrwyr yn sicrhau lleoliad addysgu cyn iddynt ddechrau’r cwrs. Rhaid i hyn fod o leiaf 50 o oriau addysgu’r flwyddyn. Yn ogystal â hyn, mae angen 20 awr y flwyddyn o gyfnod arsylwi tiwtor profiadol ar ymgeiswyr. Os nad Saesneg yw’ch iaith gyntaf dylech allu arddangos o leiaf lefel IELTS 6.5 neu gyfwerth (sgôr isafswm o 5.5 ym mhob band). Bydd angen gwiriad Gwasanaeth Datgelu a Gwahardd Manwl (DBS) o’r Rhestr Gweithlu Plant a Gwahardd Plant arnoch hefyd ynghyd â thanysgrifiad i’r gwasanaeth Adnewyddu DBS.

• Mae'r Coleg yn croesawu cyswllt â rhieni / gwarcheidwaid myfyrwyr sy'n iau na 18 oed.

• Mae cefnogaeth ychwanegol ar gael i fyfyrwyr sydd ag anableddau ac anawsterau dysgu.

• Mae Coleg Caerdydd a'r Fro wedi ymrwymo i gynhwysiant ac mae'n gwerthfawrogi amrywiaeth. Rydym yn benderfynol o hybu cyfleoedd cyfartal a thrin pawb yn deg a gyda pharch.

• Mae Coleg Caerdydd a'r Fro yn cadw'r hawl i wneud newidiadau i'r cwrs hwn heb rybudd ymlaen llaw.

• Gall ffioedd cyrsiau newid. Cadarnheir eich ffi cyn ymrestru.

• Mae pob cwrs yn fanwl gywir adeg uwchlwytho neu argraffu'r deunydd hwn.

• Dim ond os oes niferoedd digonol y cynhelir y cyrsiau.

• Sylwer, os byddwch yn dewis tri chwrs neu fwy, efallai y cewch eich cyfeirio i gael apwyntiad gyrfaoedd i ddechrau. Nid yw hyn yn berthnasol i ddewisiadau Safon Uwch na TGAU.