Diploma Addysg Uwch mewn Perfformio a Recordio
Ynghylch y cwrs hwn
A hoffech gynyddu eich gallu fel artist perfformio a recordio? A ydych chi’n artist perfformio neu’n gyfansoddwr a chanwr sydd awydd dod yn gerddor proffesiynol?
Mae’r cwrs hwn wedi’i ddatblygu mewn ymateb i ofynion presennol gan y diwydiant cerddoriaeth. Mae wedi’i fwriadu ar gyfer datblygu eich sgiliau fel perfformiwr a chyfansoddwr, yn ogystal â’ch gwybodaeth dechnolegol a rhoi ichi ddealltwriaeth allweddol am y diwydiant a all eich helpu i ddatblygu eich gyrfa gerddorol.
Beth fyddwch chi’n ei astudio
Bydd hanner y cwrs hwn yn canolbwyntio ar berfformio a chrefft llwyfan, wrth i’r hanner arall ymdrin â:
- chyfansoddi a threfnu caneuon
- chynhyrchu, cymysgu a recordio mewn stiwdio
- rheoli, cysylltiadau cyhoeddus a hyrwyddo
Ein nod yw eich helpu i ddatblygu fel cerddor, perfformiwr ac arweinydd band, a hynny wrth roi dealltwriaeth gadarn ichi am farchnata, cysylltiadau cyhoeddus a hyrwyddo.
Nid yn unig rydym yn un o’r unig ysgolion sy’n cynnig hyfforddiant personol ar eich offeryn dewisol drwy gydol y cwrs, ond byddwch hefyd yn elwa ar weithdai a sesiynau ymarferol sy’n benodol ar gyfer crefft llwyfan, recordio, cymysgu, cynhyrchu a thrywydd cerddorol.
Byddwch yn astudio'r modiwlau canlynol dan arweiniad tiwtoriaid sy’n ymarfer yn weithredol mewn busnes cerddoriaeth:
Blwyddyn 1 (Lefel 4):
- Recordio a Chynhyrchu DAW
- Arferion y Diwydiannau Creadigol
- Ymarfer Recordio ar gyfer Perfformwyr
- Perfformio mewn sefyllfa benodol
- Golygfeydd Cerddoriaeth Poblogaidd
- Y Cerddor Cydweithredol
Blwyddyn 2 (Lefel 5)
- Hunaniaethau Artistiaid
- Recordio Cerddoriaeth
- Arweinyddiaeth mewn Perfformiad
- Ymchwilio Perfformiad
- Ysgrifennu a Threfnu Caneuon
- Datblygu Artist a Brand
Amodau a Thelerau
Cliciwch yma am fwy
Ffïoedd cwrs
Ffioedd Dysgu - Blwyddyn 1: £7,703.00
Ffioedd Dysgu - Blwyddyn 2: £7,703.00
Gofynion mynediad
- 72 pwynt tariff UCAS o un ai:
Cyrsiau Safon Uwch a Bagloriaeth Cymru: DDD;Diploma Estynedig BTEC Lefel 3: Teilyngdod, Teilyngdod, Llwyddo;
Diploma BTEC Lefel 3: Rhagoriaeth
- Yn ogystal â pherfformiad Gradd 6 ar eich offeryn cyntaf, neu lais, ynghyd â gradd 5 mewn theori cerddoriaeth neu lwyddo yn Uned 27 BTEC (theori cerdd a harmoni)
Os nad ydych yn meddu ar y graddau hyn, ond rydych yn teimlo eich bod wedi cyrraedd y safon ofynnol, gallwch wneud cais ar gyfer y cwrs hwn. Penderfynir ar eich addasrwydd drwy glyweliad y bydd angen i chi ei fynychu. Bydd y clyweliad yn anffurfiol ac yn cynnwys cyfweliad cyfeillgar.
- Yn ogystal â thri TGAU, gan gynnwys Mathemateg a Saesneg (neu gyfwerth)
Bydd gofyn i ymgeiswyr nad oes ganddynt gymhwyster cerdd lefel 3 gyflwyno portffolio.
Ymgeiswyr hŷn (21+ oed):
Os nad ydych yn meddu ar y cymwysterau a restrir, ond mae gennych brofiad gwaith perthnasol, mae croeso i chi ymgeisio. Ystyrir eich cais ar sail unigol.
Mynediad Lefel 5 (blwyddyn 2):
Er mwyn cofrestru ar ail flwyddyn y cwrs yn uniongyrchol, bydd angen ichi ddangos gwybodaeth a phrofiad priodol. Er enghraifft, rydych yn ymgeisydd delfrydol os oes gennych 120 o gredydau israddedig ar Lefel 4 neu CertHE mewn pwnc perthnasol.
Pwyntiau pwysig
Mae'r Coleg yn croesawu cyswllt â rhieni / gwarcheidwaid myfyrwyr sy'n iau na 18 oed.
Mae cefnogaeth ychwanegol ar gael i fyfyrwyr sydd ag anableddau ac anawsterau dysgu.
Mae Coleg Caerdydd a'r Fro wedi ymrwymo i gynhwysiant ac mae'n gwerthfawrogi amrywiaeth. Rydym yn benderfynol o hybu cyfleoedd cyfartal a thrin pawb yn deg a gyda pharch.
Mae Coleg Caerdydd a'r Fro yn cadw'r hawl i wneud newidiadau i'r cwrs hwn heb rybudd ymlaen llaw.
Gall ffioedd cyrsiau newid. Cadarnheir eich ffi cyn ymrestru.
Mae pob cwrs yn fanwl gywir adeg uwchlwytho neu argraffu'r deunydd hwn.
Dim ond os oes niferoedd digonol y cynhelir y cyrsiau.
Sylwer, os byddwch yn dewis tri chwrs neu fwy, efallai y cewch eich cyfeirio i gael apwyntiad gyrfaoedd i ddechrau. Nid yw hyn yn berthnasol i ddewisiadau Safon Uwch na TGAU.
Dyddiad dechrau
Dyddiad gorffen
Amser o'r dydd
Llawn Amser
Cod y cwrs
Cymhwyster
Cyfleusterau
Rhagolygon gyrfa ac astudio pellach
£5.2 billion
Bydd cwblhau’r rhaglen Diploma Addysg Uwch yn llwyddiannus yn gwahodd mynediad at y Rhaglen Perfformio Cerddoriaeth a Recordio ‘Ychwanegol’ Lefel 6 BMus (Anrh) a ddarperir yn CCAF.