Mae’r rhaglen HND Artistwaith Gwallt a Cholur yn gymhwyster dilynol arbenigol a ddyluniwyd i ddysgwyr sydd wedi cwblhau’r HNC yn llwyddiannus ac sy’n barod i ddatblygu eu harferion creadigol, technegol a phroffesiynol. 

Mae’r cwrs hwn yn paratoi myfyrwyr ar gyfer realiti gweithio yn y diwydiant gwallt a cholur, gan ddatblygu hyder, amlbwrpasedd ac ymwybyddiaeth o’r diwydiant. Gan ychwanegu at y sgiliau craidd a ddatblygwyd yn ystod lefel HNC, bydd dysgwyr yn mireinio uwch dechnegau colur a gwallt ar gyfer cyd-destunau golygu ffasiwn, theatr, teledu a ffilm. Bydd myfyrwyr yn edrych ar arferion uwch gwallt a cholur, gan gynnwys steilio cyfoes ac ar gyfer cyfnodau, gwallt â gwead, gwaith postiche a wigiau, edrychiadau ffasiwn a golygu, trawsnewid cymeriad, effeithiau arbennig (SFX) a chreu cymeriadau ffantasi. Trwy arbrofi, profi a mireinio, bydd myfyrwyr yn ennill y cywirdeb a’r hyblygrwydd sydd eu hangen mewn sefyllfaoedd proffesiynol. Ynghyd â meistroli technegol, mae’r cwrs yn datblygu dealltwriaeth ehangach o’r diwydiant, gan gynnwys cydweithio, ymddygiad proffesiynol a rheoli gyrfa lawrydd. 

Bydd myfyrwyr yn gweithio ar brosiectau sy’n berthnasol i’r diwydiant, yn cynhyrchu portffolios proffesiynol ac yn ennill dealltwriaeth o’r llwybrau gyrfaoedd yn y sector amrywiol a chystadleuol hwn. Mae arbenigedd o’r diwydiant yn cefnogi addysgu ar y cwrs, gan gynnwys Kirstie Stanway, cyd-sylfaenydd The South West Make-Up Academy, Dylunydd Colur i Casualty ar BBC a beirniad ar Gyfres 6 Glow Up. Bydd Kirstie yn addysgu a chefnogi dysgwyr drwy gydol y rhaglen, gan gynnig hyfforddiant o safon diwydiant, cipolygon proffesiynol ac arweiniad ar fentro i’r diwydiant colur a gwallt, a chynnal gyrfa yn y diwydiant. 

Ar ôl cwblhau’r HND, bydd myfyrwyr wedi datblygu uwch sgiliau creadigol, technegol a phroffesiynol, ac yn barod i symud ymlaen at gyflogaeth neu astudiaeth bellach ym myd prysur artistwaith gwallt a cholur.