Mae’r cwrs hwn yn annog myfyrwyr i astudio ystod lawn o bynciau Dylunio Graffeg, gan ymgorffori ffurfiau traddodiadol a newydd o gyfathrebu. Mae wedi ei seilio ar greadigrwydd ac yn cynnwys ystod eang o sgiliau datrys problemau sy’n berthnasol i’r maes addas: argraffu (digidol a thraddodiadol), ffotograffiaeth, gwybodaeth, golygu a dylunio cyhoeddusrwydd, dylunio a chynllunio gwefan rhyngweithiol. Mae’r cwrs hefyd yn canolbwyntio’n gryf ar ddiwydiant ac mae ganddynt gysylltiadau â chwmnïau dylunio lleol. Mae’r cwricwlwm yn cynnwys amrywiaeth o friffiau masnachol ac arbrofol.

Mae Cyfathrebu Graffig yn ddisgyblaeth gyffrous sy'n uno sgiliau syniadau creadigol gydag ystod eang iawn o gyfryngau ymarferol, o wneud marciau gyda phensil a phapur i raglenni meddalwedd cyfredol. Bydd unigolion yn astudio ystod eang o dechnegau cyfryngau creadigol, yn cynnwys llunio delweddau naratif, dylunio cynllun a delwedd symudol.

Beth yw Gradd Sylfaen?

Mae Graddau Sylfaen yn integreiddio dysgu academaidd a seiliedig ar waith trwy gydweithredu rhwng cyflogwyr a darparwyr rhaglenni. Eu bwriad yw i ddarparu dysgwyr â sgiliau a gwybodaeth sy'n berthnasol i'r diwydiant ac i annog cyfranogiad gan ddysgwyr nad ydynt o reidrwydd wedi ystyried astudio am gymhwyster lefel uwch yn flaenorol. Mae Graddau Sylfaen yn darparu cymhwyster unigol, ond hefyd yn cynnwys cyfleoedd cynnydd ar gyfer astudio pellach. Am ragor o wybodaeth ynghylch nodweddion diffiniol Graddau Sylfaen, gallwch gyfeirio at Ddatganiad Meincnodi Graddau Sylfaen yr Asiantaeth Sicrwydd Ansawdd (QAA).

Ffioedd Dysgu: £7,500.00

Ystyrir ceisiadau i'r cwrs ar sail unigol. Mae manylion y gofynion mynediad nodweddiadol isod ond os nad ydych yn bodloni'r meini prawf hyn, yna bydd eich portffolio o brofiad gwaith a bywyd yn cael ei ystyried mewn cyfweliad. Rydym yn derbyn cyfuniadau o'r cymwysterau isod ac mae'n bosib y derbynnir cymwysterau eraill nad ydynt wedi eu nodi. Mae'n rhaid i ymgeiswyr fod yn 18 oed neu hŷn, ac o ran mynediad sylfaenol mae angen lleiafswm o 48 pwynt tariff UCAS, sy'n cael eu hadlewyrchu yn y cynigion isod: Cynnig Safon Uwch Nodweddiadol - DD Cynnig BTEC Nodweddiadol - proffil Llwyddo/Llwyddo/Llwyddo mewn BTEC lefel 3 perthnasol Caiff Tystysgrif Her Sgiliau Uwch Bagloriaeth Cymru ei hystyried yn lle un cymhwyster Safon Uwch ar y graddau a nodwyd, ac eithrio unrhyw ofynion sy'n benodol i bwnc Cynnig Mynediad i AU Nodweddiadol - Llwyddo mewn Diploma gyda 45 credyd ar lefel 3 mewn pwnc perthnasol Yn ogystal â Llwyddo ar lefel TGAU mewn tri phwnc gyda gradd C neu uwch, gan gynnwys Mathemateg a Saesneg Iaith (neu gyfwerth). Gall cyfweliad llwyddiannus gydag Arweinydd y Cwrs, neu aelod arall o'r tîm, hefyd fod yn ofynnol er mwyn cael mynediad ar y cwrs.

• Mae'r Coleg yn croesawu cyswllt â rhieni / gwarcheidwaid myfyrwyr sy'n iau na 18 oed

• Mae cefnogaeth ychwanegol ar gael i fyfyrwyr sydd ag anableddau ac anawsterau dysgu

• Mae Coleg Caerdydd a'r Fro wedi ymrwymo i gynhwysiant ac mae'n gwerthfawrogi amrywiaeth. Rydym yn benderfynol o hybu cyfleoedd cyfartal a thrin pawb yn deg a gyda pharch

• Mae Coleg Caerdydd a'r Fro yn cadw'r hawl i wneud newidiadau i'r cwrs hwn heb rybudd ymlaen llaw

• Mae pob cwrs yn fanwl gywir adeg uwchlwytho neu argraffu'r deunydd hwn

• Dim ond os oes niferoedd digonol y cynhelir y cyrsiau

• Sylwer, os byddwch yn dewis tri chwrs neu fwy, efallai y cewch eich cyfeirio i gael apwyntiad gyrfaoedd i ddechrau. Nid yw hyn yn berthnasol i ddewisiadau Safon Uwch na TGAU