Trin Gwallt a Harddwch
Ynglŷn â'r cwrs
Mae’r cwrs hwn ar gyfer pobl ifanc 16-19 mlwydd oed heb brofiad. Bydd yn eich darparu â’r sgiliau a’r wybodaeth sylfaenol wrth baratoi am yrfa yn y diwydiant trin gwallt neu harddwch.
Yn ystod y cymhwyster hwn, byddwch yn cymryd cyfrifoldeb i leihau risgiau i iechyd a diogelwch, yn paratoi a chynnal yr ardal waith ac yn cyfrannu at ddatblygu cysylltiadau gwaith effeithiol.
Cewch eich goruchwylio gan staff technegol a’ch cymhwysedd fydd yn cael ei asesu.
Beth fyddwch yn ei astudio?
Mae’n cynnwys: Tystysgrif Lefel 1 NVQ mewn cyflwyniad i’r sector Trin Gwallt a Harddwch. Bydd y cymhwyster hwn yn datblygu sgiliau’r dysgwr yn y pethau canlynol:
Siampwio a chyflyru- Chwythsychu
- Creu delwedd
- Plethu a throi
- Triniaeth Dwylo
- Gofal Croen
- Technegau coluro sylfaenol.
Yn ogystal â thystysgrif lefel 1 mewn gofal i gwsmeriaid. Byddwch hefyd yn astudio Sgiliau Hanfodol mewn cyfathrebu a chymhwyso rhif. Bydd unrhyw ddysgwr a enillodd TGAU gradd D yn cael y cyfle i ailsefyll
Gofynion mynediad
Byddai ymgeiswyr yn elwa o gyflawni 3 TGAU Gradd D-F. Fel arall, bydd ymgeiswyr yn cael eu hystyried yn seiliedig ar gyfweliad a sgan sgiliau boddhaol, a'u hawydd a'u hymrwymiad i gwblhau'r cwrs y maent yn dymuno ei astudio.
Addysgu ac Asesu
- Asesiad parhaus gan gynnwys asesiadau ymarferol ac arholiadau
Pwyntiau pwysig
Mae'r Coleg yn croesawu cyswllt â rhieni / gwarcheidwaid myfyrwyr sy'n iau na 18 oed.
Mae cefnogaeth ychwanegol ar gael i fyfyrwyr sydd ag anableddau ac anawsterau dysgu.
Mae Coleg Caerdydd a'r Fro wedi ymrwymo i gynhwysiant ac mae'n gwerthfawrogi amrywiaeth. Rydym yn benderfynol o hybu cyfleoedd cyfartal a thrin pawb yn deg a gyda pharch.
Mae Coleg Caerdydd a'r Fro yn cadw'r hawl i wneud newidiadau i'r cwrs hwn heb rybudd ymlaen llaw.
Gall ffioedd cyrsiau newid. Cadarnheir eich ffi cyn ymrestru.
Mae pob cwrs yn fanwl gywir adeg uwchlwytho neu argraffu'r deunydd hwn.
Dim ond os oes niferoedd digonol y cynhelir y cyrsiau.
Sylwer, os byddwch yn dewis tri chwrs neu fwy, efallai y cewch eich cyfeirio i gael apwyntiad gyrfaoedd i ddechrau. Nid yw hyn yn berthnasol i ddewisiadau Safon Uwch na TGAU.
Cyfleusterau
Mwy
Mi wnes i lwyr fwynhau fy nghyfnod yn astudio yng Ngholeg Caerdydd a’r Fro, mae’n sicr wedi bod o gymorth i mi gyrraedd lle roeddwn i eisiau bod. Fe ddechreuais ar y cwrs Harddwch a Gwallt Lefel 2, cyn mynd yn fy mlaen i’r cwrs Harddwch a Therapi Spa Lefel 3. Yna, fe ddychwelais i gwblhau cwrs Uwch Estheteg Lefel 4. Roedd hi’n wych cael dysgu a chael profiad gwaith gwerthfawr mewn salon go iawn. Un o fy uchafbwyntiau oedd cystadlu mewn Cystadleuaeth WorldSkills a chipio’r ail wobr. Ers gadael, rwyf wedi sefydlu salon fy hun, ble rwyf yn cynnig amrywiaeth o driniaethau. Y flwyddyn nesaf byddaf yn mynd ymlaen i gyflogi technegydd ewinedd a therapydd harddwch i’m helpu i dyfu’r busnes a chynnig hyd yn oed mwy o wasanaethau i’m cleientiaid.
Rhagolygon Gyrfa ac Astudiaeth Bellach
£7.7billion
Mae’r rhaglen hon wedi ei strwythuro i roi’r hyblygrwydd i ddysgwyr ddatblygu’r wybodaeth, y ddealltwriaeth a’r sgiliau sydd eu hangen i fynd ymlaen i astudio cymhwyster Lefel 2 mewn Gwallt a/neu Harddwch.