Harddwch
Ynglŷn â'r cwrs
Mae ein cymhwyster Harddwch NVQ Lefel 2 VTCT wedi’i ddylunio ar gyfer dysgwyr sydd eisiau datblygu eu sgiliau a dechrau gweithio mewn amgylchedd proffesiynol, masnachol. Dim ond colegau gyda mynediad i salon gweithredol llawn, go iawn sydd â’r hawl i gyflwyno’r rhaglen hon - nid dim ond man hyfforddi wedi’i efelychu, ac mae’n cynnwys yr holl elfennau hanfodol sydd eu hangen i weithio’n effeithiol o fewn diwydiant harddwch.
Beth fyddwch yn ei astudio?
Mae’r cymhwyster hwn yn darparu’r holl sgiliau a gwybodaeth allweddol sydd eu hangen i ffynnu fel Therapydd Harddwch.
Bydd dysgwyr yn mwynhau datblygu ystod eang o dechnegau proffesiynol, yn cynnwys iechyd a diogelwch salon, ymgynghori â chleientiaid, presgripsiwn triniaethau’r wyneb, lliwio aeliau a blew'r amrannau, gosod a thynnu amrannau ffug, colur dydd/nod/digwyddiad arbennig, triniaeth dwylo a thraed, yn ogystal â phrofiad gwerthfawr mewn dechrau a chynorthwyo mewn amgylchedd sba.* Unedau dewisol pellach yw; Cwyro a chodi amrannau.
Fel rhan o’r cwrs llawn amser, bydd myfyrwyr yn elwa o leoliad gwaith cyffrous mewn salon neu spa broffesiynol - cyfle gwych i fagu hyder, ennill profiad diwydiannol go iawn, a gwella sgiliau ymarferol. Bydd asesiad ar gyfer y cymhwyster hwn yn cael ei gwblhau drwy brofion dosbarth ar-lein ac asesiadau ymarferol.
Bydd dysgwyr hefyd yn astudio Sgiliau Hanfodol Cymru, yn cynnwys Cymhwyso Rhif a Chyfathrebu, gyda rhai sesiynau cyfoethogi ar ddydd Sadwrn a gyda’r nos i gynorthwyo eu cynnydd.
Gall dysgwyr sy’n ennill gradd D mewn Saesneg neu Fathemateg gael y cyfle i ailsefyll y TGAU hyn yn ystod y cwrs, gan eu helpu i gryfhau eu cymhwysterau a chyfleoedd yn y dyfodol.
Ffïoedd cwrs
Ffi Salon: £30.00
Gofynion mynediad
3 TGAU Graddau A * - D gan gynnwys Iaith Saesneg (neu gyfwerth). Adroddiad ysgol diweddar. NEU Cyfeirnod cymeriad boddhaol neu gyfeirnod gan gyflogwr diweddar. NEU Cyfeirnod boddhaol gan y coleg i nodi ymddygiad da, presenoldeb a chynnydd NEU ddysgu blaenorol a phrofiad gwaith.
Pwyntiau pwysig
Mae'r Coleg yn croesawu cyswllt â rhieni / gwarcheidwaid myfyrwyr sy'n iau na 18 oed.
Mae cefnogaeth ychwanegol ar gael i fyfyrwyr sydd ag anableddau ac anawsterau dysgu.
Mae Coleg Caerdydd a'r Fro wedi ymrwymo i gynhwysiant ac mae'n gwerthfawrogi amrywiaeth. Rydym yn benderfynol o hybu cyfleoedd cyfartal a thrin pawb yn deg a gyda pharch.
Mae Coleg Caerdydd a'r Fro yn cadw'r hawl i wneud newidiadau i'r cwrs hwn heb rybudd ymlaen llaw.
Gall ffioedd cyrsiau newid. Cadarnheir eich ffi cyn ymrestru.
Mae pob cwrs yn fanwl gywir adeg uwchlwytho neu argraffu'r deunydd hwn.
Dim ond os oes niferoedd digonol y cynhelir y cyrsiau.
Sylwer, os byddwch yn dewis tri chwrs neu fwy, efallai y cewch eich cyfeirio i gael apwyntiad gyrfaoedd i ddechrau. Nid yw hyn yn berthnasol i ddewisiadau Safon Uwch na TGAU.
Dyddiad dechrau
Dyddiad gorffen
Amser o'r dydd
Llawn Amser
Cod y cwrs
Cymhwyster
Cyfleusterau
Mwy
Mi wnes i lwyr fwynhau fy nghyfnod yn astudio yng Ngholeg Caerdydd a’r Fro, mae’n sicr wedi bod o gymorth i mi gyrraedd lle roeddwn i eisiau bod. Fe ddechreuais ar y cwrs Harddwch a Gwallt Lefel 2, cyn mynd yn fy mlaen i’r cwrs Harddwch a Therapi Spa Lefel 3. Yna, fe ddychwelais i gwblhau cwrs Uwch Estheteg Lefel 4. Roedd hi’n wych cael dysgu a chael profiad gwaith gwerthfawr mewn salon go iawn. Un o fy uchafbwyntiau oedd cystadlu mewn Cystadleuaeth WorldSkills a chipio’r ail wobr. Ers gadael, rwyf wedi sefydlu salon fy hun, ble rwyf yn cynnig amrywiaeth o driniaethau. Y flwyddyn nesaf byddaf yn mynd ymlaen i gyflogi technegydd ewinedd a therapydd harddwch i’m helpu i dyfu’r busnes a chynnig hyd yn oed mwy o wasanaethau i’m cleientiaid.
Rhagolygon Gyrfa ac Astudiaeth Bellach
£7.7billion
Mae’r cwrs hwn yn cynnig cyfleoedd rhagorol ar gyfer dilyniant. Mae nifer o’n myfyrwyr yn mynd ymlaen i gystadlu yn y cystadlaethau WorldSkills mawreddog, gan arddangos eu talent ar lwyfan cenedlaethol.
Gall dysgwyr fynd yn eu blaen hefyd i Therapi Harddwch, Colur Theatrig Lefel 3, neu drin Gwallt Lefel 2, gan agor y drws i lwybrau gyrfa cyffrous o fewn y diwydiant. Gall myfyrwyr hefyd wneud cais i gyrsiau Lefel 2/3 eraill.