Mae'r cwrs hwn yn mynd i'r afael â Rheoliadau Cyflenwad Dŵr (Gosodiadau Dŵr) 1999 (Cymru a Lloegr) ac Is-ddeddfau Dŵr 2014 (Yr Alban) ac yn cwrdd â gofynion y WRAS (Cynllun Ymgynghori Rheoliadau dŵr) y mae'r rhan fwyaf o gwmnïau dŵr y DU yn aelod ohono. Mae yna ddau lawlyfr gwahanol, un ar gyfer Cymru/Lloegr a'r llall ar gyfer yr Alban, gan fod rhai rheoliadau yn wahanol.
Mae'r Hyfforddiant a'r Asesiadau yn cael eu cynnal yn y ganolfan ac yn para un diwrnod. Fodd bynnag, bydd angen peth astudio annibynnol cyn mynychu.
Bydd ardystiad o'r cwrs yn cyfrannu at rai o ofynion mynediad bodloni'r meini prawf i ymuno â'r cynllun person cymwys e.e. (APHC) lle bydd gofyn am gymhwyster plymio cydnabyddedig.
Ffi Arholiad : £92.70
Ffi Cofrestru rhan amser: £10.00
Ffi Cwrs: £96.30
Anelir yr hyfforddiant at blymwyr ymarferol sy’n dymuno dod yn Gontractwyr Cydnabyddedig (Plymiwr) yn bennaf, drwy ddarparu tystiolaeth ar gyfer y cynlluniau Contractwr Cydnabyddedig i ddangos bod hyfforddiant addas wedi cael ei gwblhau.
Fodd bynnag, gall yr hyfforddiant hefyd fod yn berthnasol i bobl nad ydynt yn dymuno dod yn gydnabyddedig, ond bod eu rôl yn cynnwys cael gwybodaeth ynghylch cydymffurfiaeth â’r Rheoliadau a’r Is-ddeddfau yn cynnwys dylunwyr, pennwyr a rheolwyr safle.
Mae'r Coleg yn croesawu cyswllt â rhieni / gwarcheidwaid myfyrwyr sy'n iau na 18 oed.
Mae cefnogaeth ychwanegol ar gael i fyfyrwyr sydd ag anableddau ac anawsterau dysgu.
Mae Coleg Caerdydd a'r Fro wedi ymrwymo i gynhwysiant ac mae'n gwerthfawrogi amrywiaeth. Rydym yn benderfynol o hybu cyfleoedd cyfartal a thrin pawb yn deg a gyda pharch.
Mae Coleg Caerdydd a'r Fro yn cadw'r hawl i wneud newidiadau i'r cwrs hwn heb rybudd ymlaen llaw.
Gall ffioedd cyrsiau newid. Cadarnheir eich ffi cyn ymrestru.
Mae pob cwrs yn fanwl gywir adeg uwchlwytho neu argraffu'r deunydd hwn.
Dim ond os oes niferoedd digonol y cynhelir y cyrsiau.
Sylwer, os byddwch yn dewis tri chwrs neu fwy, efallai y cewch eich cyfeirio i gael apwyntiad gyrfaoedd i ddechrau. Nid yw hyn yn berthnasol i ddewisiadau Safon Uwch na TGAU.