Mathemateg Bellach - UG
Ynglŷn â'r cwrs
Mae’r rhaglen Mathemateg Bellach Safon UG yn gwrs astudio am un flwyddyn a dylid ei dilyn ar y cyd â dau neu dri phwnc arall a Bagloriaeth Cymru. Wedi ei leoli yn ein campws Canol y Ddinas yng Nghaerdydd, efallai y bydd dysgwyr yn gallu cymryd y cymhwyster hwn fel myfyriwr rhan-amser.
Mae Mathemateg Bellach Safon UG (manyleb newydd) yn ddewis da i ddisgyblion oherwydd yr hyblygrwydd mae’n gynnig:
- Mae’n cefnogi pynciau eraill megis y tri phwnc gwyddoniaeth, Seicoleg, Technoleg Gwybodaeth a sawl un arall.
- Argymhellir y dylai unrhyw fyfyriwr sydd eisiau mynd ymlaen i’r Brifysgol i astudio pwnc STEM (yn arbennig mathemateg neu beirianneg) astudio mathemateg bellach.
- Mae’n datblygu eich gallu i feddwl yn rhesymegol a chyflwyno dadleuon ffurfiol, sy'n allweddol mewn unrhyw yrfa.
- Mae’n gymhwyster heriol, a groesawir gan bob prifysgol, waeth pa gwrs gradd fyddwch chi'n ymgeisio i’w astudio.
Bydd pob coleg/chweched dosbarth yng Nghymru yn cyflawni’r un fanyleb o fis Medi 2017.
Beth fyddwch yn ei astudio?
Bydd tair uned, pob un yn atebol am 1/3 o'r cymhwyster UG, a fydd ynddo’i hun yn atebol am 40% o’r cymhwyster Safon Uwch.
Mae pob uned yn ofynnol
Nid yw’r un o’r papurau yn gofyn am wybodaeth o Fathemateg A2, fodd bynnag, bydd yr asesiad terfynol yn tybio dealltwriaeth o Fathemateg UG.
Bydd pob papur yn cynnwys nifer o gwestiynau byr a hirach, yn strwythuredig a distrwythur, a allai fod yn seiliedig ar unrhyw ddarn o’r cynnwys pwnc yn yr uned. Bydd nifer o gwestiynau yn asesu dealltwriaeth dysgwyr o fwy nag un pwnc o gynnwys y pwnc. Bydd arholiad ar gyfer pob uned gyda chymorth cyfrifiannell.
UG Uned 1: Mathemateg Bur Bellach A
Arholiad ysgrifenedig: 1 awr 30 munud (70 marc) - 13.3% o gymhwyster Safon Uwch
Bydd y modiwl hwn yn dwysau ac ehangu eich dealltwriaeth o fathemateg bur. Bydd yn ymestyn eich gwybodaeth o algebra, swyddogaethau a fectorau, tra hefyd yn eich cyflwyno i bynciau newydd, pwysig iawn megis rhifau cymhlyg, matricsau a dulliau prawf.
UG Uned 2: Ystadegau Pellach A
Arholiad ysgrifenedig: 1 awr 30 munud (70 marc) - 13.3% o gymhwyster Safon Uwch
Bydd y modiwl hwn yn ehangu eich dealltwriaeth o ddosbarthiadau ystadegol a chasgliadau ystadegol. Yn benodol, byddwch yn cael eich cyflwyno i fodelau ystadegol pwysig megis y broses Poisson a’r dosbarthiad esbonyddol. Byddwch hefyd yn edrych ar fodelau ar gyfer “llwyddiant y ffit” megis cyfernod Spearman a Chi sgwâr.
UG Uned 3: Mecaneg Bellach A
Arholiad ysgrifenedig: 1 awr 30 munud (70 marc) - 13.3% o’r cymhwyster Safon Uwch
Bydd yr uned hon yn ymestyn eich gwybodaeth o fodelau mecanyddol i drafod momentwm a symbyliad - Cyfraith Hooke, Gwaith, Egni, Pŵer a mudiant mewn cylch. Yn ogystal, byddwch yn cael eich cyflwyno i gymhwysiad calcwlws i fectorau sy'n modelu mudiant.
SYLWER: Nid oes modylau dewisol mewn mathemateg bellach mwyach. O fis Medi 2017, bydd pob myfyriwr yn astudio’r un modylau ym mhob canolfan. Yn ogystal â hyn, bydd y cymhwyster UG newydd nawr yn atebol am 40% o’r cymhwyster Safon Uwch cyffredinol.
I gael manylion llawn y manylebau newydd (mathemateg a mathemateg bellach) defnyddiwch y ddolen ganlynol:
http://www.cbac.co.uk/qualifications/mathematics/r-mathematics-gce-2017/?language_id=2
Sylwer: Oherwydd newidiadau i fanylebau a chyfyngiadau amserlenni, nid yw'n bosibl astudio Mathemateg Bellach UG ac A2 ar y cyd ar gyfer blwyddyn academaidd 2017 – 2018.
Gofynion mynediad
Gofyniad Mynediad Pwnc Unigol: A/A* neu TGAU Mathemateg
Addysgu ac Asesu
- Tri arholiad ysgrifenedig
Pwyntiau pwysig
Mae'r Coleg yn croesawu cyswllt â rhieni / gwarcheidwaid myfyrwyr sy'n iau na 18 oed.
Mae cefnogaeth ychwanegol ar gael i fyfyrwyr sydd ag anableddau ac anawsterau dysgu.
Mae Coleg Caerdydd a'r Fro wedi ymrwymo i gynhwysiant ac mae'n gwerthfawrogi amrywiaeth. Rydym yn benderfynol o hybu cyfleoedd cyfartal a thrin pawb yn deg a gyda pharch.
Mae Coleg Caerdydd a'r Fro yn cadw'r hawl i wneud newidiadau i'r cwrs hwn heb rybudd ymlaen llaw.
Gall ffioedd cyrsiau newid. Cadarnheir eich ffi cyn ymrestru.
Mae pob cwrs yn fanwl gywir adeg uwchlwytho neu argraffu'r deunydd hwn.
Dim ond os oes niferoedd digonol y cynhelir y cyrsiau.
Sylwer, os byddwch yn dewis tri chwrs neu fwy, efallai y cewch eich cyfeirio i gael apwyntiad gyrfaoedd i ddechrau. Nid yw hyn yn berthnasol i ddewisiadau Safon Uwch na TGAU.
Dyddiad dechrau
Dyddiad gorffen
Amser o'r dydd
Llawn Amser
Cod y cwrs
Cymhwyster
Cyfleusterau
Mwy
Penderfynais astudio yn y Coleg gan fy mod eisiau teithio a bod yn fwy annibynnol - mae’r campws mor fodern ac yn edrych yn wych. Ar ôl gweld y llyfrgell roedd y penderfyniad wedi’i wneud. Heb air o gelwydd, y llyfrgell oedd y prif atyniad i mi, roedd yna cymaint o lyfrau yna, roeddwn wrth fy modd.
Daeth rhywun i siarad â ni am Ymddiriedolaeth Sutton, sy’n rhoi blas i fyfyrwyr o fywyd mewn prifysgolion Americanaidd. Gwnes gais i fod yn rhan o’r rhaglen - roedd yn gystadleuol iawn ond cefais fy newis i gymryd rhan. Roeddem yn ymweld â thalaith wahanol bob dydd, a
buom i lawer o wahanol golegau gan gynnwys Princeton a Harvard. Treuliais wythnos hefyd ym Mhrifysgol Warwick ac wythnos ym Mhrifysgol Nottingham. Roedd yn brofiad mor dda - roeddwn wrth fy modd. Rydych yn cael llawer o gefnogaeth yn y Coleg, yn enwedig gan y tîm Gyrfaoedd a Syniadau.
Rwy’n meddwl bod yna lawer mwy o gyfleoedd yma gan ei fod yn goleg mor fawr gyda chymaint o adnoddau.
Rhagolygon Gyrfa ac Astudiaeth Bellach
500
Ar ôl cwblhau’r rhaglen Lefel A, mae mwyafrif ein myfyrwyr yn symud ymlaen i brifysgolion ledled y wlad a thu hwnt. Yn seiliedig ar y cwrs hwn, mae llawer o opsiynau ond isod mae rhai enghreifftiau o raglenni gradd y gallech fynd ymlaen i’w hastudio yn y brifysgol:
- Gwyddoniaeth Actiwaraidd
- Peirianneg Awyrennol
- Peirianneg Gemegol
- Peirianneg Sifil
- Economeg
- Peirianneg Drydanol/Electronig
- Peirianneg (Cyffredinol)
- Mathemateg
- Peirianneg Fecanyddol
- Ffiseg
- Ystadegau