Mae hwn yn gwrs rhagarweiniol sydd wedi’i fwriadu ar gyfer rhai sy’n gadael ysgol ac sy’n dymuno symud ymlaen i astudio ymhellach ar gyrsiau sy’n gysylltiedig gyda Busnes neu sy’n awyddus i ddatblygu sgiliau sy’n gysylltiedig gyda hunangyflogaeth. Mae’r cwrs hwn wedi’i gynllunio fel bod dysgwyr yn datblygu amrywiaeth o sgiliau a gwybodaeth sy’n berthnasol i’r diwydiant. Bydd y cwrs hwn hefyd yn helpu dysgwyr i ddatblygu’r sgiliau trefnu a hunanreolaeth sy’n hanfodol i weithio ym maes Busnes, Cyllid, Gweinyddu a Chyfrifo.
Bydd myfyrwyr yn cael eu cyflwyno i ystod o fodiwlau theori ac ymarferol fydd yn cynnig golwg graff ar sut brofiad yw astudio a gweithio yn y diwydiant busnes drwy aseiniadau a gweithgareddau menter.
Byddwch yn gweithio gyda thiwtoriaid pwnc arbenigol ac yn datblygu gwybodaeth ynghylch trefniadaeth busnesau, cyfathrebu gyda chwsmeriaid, a hanfodion sylfaenol cyllid busnes.
Bydd y cwrs hwn hefyd yn ymwneud â datblygu sgiliau sy’n gysylltiedig gyda Sgiliau Gweinyddu swyddfa, cynnal digwyddiadau a’r sgiliau TG sy’n hanfodol ar gyfer gweithio yn y sector hwn.
Mae’r cwricwlwm yn cydnabod bod dysgwyr ar y cwrs hwn yn dechrau eu haddysg coleg gyda gwahanol brofiadau o fyd addysg, ac mae’r cwrs wedi ei lunio i ddatblygu'r gallu i weithio ar y cyd ac yn annibynnol.
Rydych chi'n gweithio tuag at o leiaf E2. Gellid darparu'r dystiolaeth hon gan: 1 TGAU Graddau D–F Tystiolaeth o weithio ar Lefel Mynediad 2 trwy asesiad sgrinio
Mae'r Coleg yn croesawu cyswllt â rhieni / gwarcheidwaid myfyrwyr sy'n iau na 18 oed.
Mae cefnogaeth ychwanegol ar gael i fyfyrwyr sydd ag anableddau ac anawsterau dysgu.
Mae Coleg Caerdydd a'r Fro yn cadw'r hawl i wneud newidiadau i'r cwrs hwn heb rybudd ymlaen llaw.
Mae pob cwrs yn fanwl gywir adeg uwchlwytho neu argraffu'r deunydd hwn.
Dim ond os oes niferoedd digonol y cynhelir y cyrsiau.
Bydd dysgwyr sy’n llwyddo i gwblhau’r cwrs hwn gyda theilyngdod yn cael symud ymlaen i gyrsiau pellach o fewn y maes cwricwlwm hwn.