ESOL+ Gweinyddiaeth Busnes / Iechyd a Gofal Cymdeithasol
Ynghylch y cwrs hwn
*Yn amodol ar ddilysiad
Mae’r elfen ESOL o’r cwrs hwn yn canolbwyntio ar y sgiliau iaith – darllen, ysgrifennu, gwrando a siarad. Bydd gramadeg a geirfa arbenigol mewn perthynas â gweinyddu busnes hefyd yn ffurfio rhan bwysig o’r cwrs hwn. Bydd myfyrwyr yn gallu datblygu’r meysydd hyn a fydd yn helpu i’w cefnogi gyda’r elfen Gweinyddu Busnes o’r cwrs.
Mae’r cwrs yma ar gael am:
- 16 awr yr wythnos
Beth fyddwch chi’n ei astudio
Mae’r elfen Gweinyddu Busnes o’r cwrs yn dilyn rhaglen hyfforddiant fodiwlaidd ac mae’n canolbwyntio ar feysydd megis mentergarwch, cyllid, brandio, gwerthiant ac yn y blaen. Mae hefyd yn rhoi trosolwg o arferion gweithio mewn swyddfa a bydd myfyrwyr yn cael y cyfle i weithio ac astudio yn Ystafell Hyfforddiant Gweithredol y Coleg fel rhan o’u cwrs. Mae’r cwrs hwn yn ffurfio sylfaen yr wybodaeth sy’n ofynnol i fynd ymlaen i gyrsiau lefel uwch ac mae hefyd yn helpu i ddatblygu’r sgiliau ymarferol sydd eu hangen ar gyfer gweithio mewn amgylchedd swyddfa. Bydd y cwrs yn paratoi dysgwyr ar gyfer cymwysterau a gydnabyddir yn genedlaethol mewn ESOL a Gweinyddu Busnes. Bydd myfyrwyr hefyd yn astudio Rhifedd fel rhan o’r rhaglen; bydd hyn hefyd yn arwain at gymhwyster cydnabyddedig.
Bydd myfyrwyr sy’n cofrestru ar y cyrsiau hyn angen ymrwymo’n llawn gan ein bod yn disgwyl cyfradd presenoldeb o 100%. Bydd myfyrwyr y mae eu presenoldeb yn disgyn o dan 90% yn wynebu’r risg o golli eu lle.
Mae 16 awr o addysgu bob wythnos:
- 3.5 awr o Weinyddu Busnes
- 9.5 awr o ESOL
- 3 awr o Rifedd
Ymhlith yr unedau mae:
- Ymddwyn mewn Modd Proffesiynol
- Gweithio mewn Tîm
- Meddalwedd Prosesu Geiriau
- Gweithio ym maes Gweinyddu Busnes
Gofynion mynediad
Asesiad ar Lefel 2. Fel dewis arall, cwblhau Lefel 1 yn llwyddiannus a geirda boddhaol gan diwtor i ddynodi ymddygiad, presenoldeb a chynnydd da.
Pwyntiau pwysig
Mae'r Coleg yn croesawu cyswllt â rhieni / gwarcheidwaid myfyrwyr sy'n iau na 18 oed.
Mae cefnogaeth ychwanegol ar gael i fyfyrwyr sydd ag anableddau ac anawsterau dysgu.
Mae Coleg Caerdydd a'r Fro wedi ymrwymo i gynhwysiant ac mae'n gwerthfawrogi amrywiaeth. Rydym yn benderfynol o hybu cyfleoedd cyfartal a thrin pawb yn deg a gyda pharch.
Mae Coleg Caerdydd a'r Fro yn cadw'r hawl i wneud newidiadau i'r cwrs hwn heb rybudd ymlaen llaw.
Gall ffioedd cyrsiau newid. Cadarnheir eich ffi cyn ymrestru.
Mae pob cwrs yn fanwl gywir adeg uwchlwytho neu argraffu'r deunydd hwn.
Dim ond os oes niferoedd digonol y cynhelir y cyrsiau.
Sylwer, os byddwch yn dewis tri chwrs neu fwy, efallai y cewch eich cyfeirio i gael apwyntiad gyrfaoedd i ddechrau. Nid yw hyn yn berthnasol i ddewisiadau Safon Uwch na TGAU.
Dyddiad dechrau
Dyddiad gorffen
Amser o'r dydd
Llawn Amser
Cod y cwrs
Cymhwyster
Mwy...
Cyrhaeddais yma o Eritrea cwpwl o flynyddoedd yn ôl gyda’r nod o wella fy Saesneg, ar lafar ac yn ysgrifenedig, ac ennill sgiliau newydd y gallaf eu defnyddio ar gyfer gwaith. Rwyf yn fy ail flwyddyn yn y Coleg ac ar hyn o bryd rwyf ar y rhaglen ESOL+, sydd hefyd yn fy ngalluogi i dreulio amser yn astudio Cyfrifeg.
Rwyf wirioneddol wedi mwynhau fy amser yma yng Ngholeg Caerdydd a’r Fro ac wedi gwneud llawer o ffrindiau o amrywiaeth o wahanol gefndiroedd. Mae’r athrawon wedi bod yn hynod gefnogol drwy gydol fy amser yma, ac mae’r Ganolfan Sgiliau yn arbennig wedi bod yn fuddiol iawn i mi. Mae fy Saesneg wedi gwella cymaint ac rwy’n falch iawn o’r cynnydd rwyf wedi’i wneud. Yn y dyfodol, rwy’n edrych ymlaen at orffen fy nghwrs yna dod o hyd i swydd yma yn y DU.