Mae’r cwrs Cerddoriaeth lefel 4 newydd yng Ngholeg Caerdydd a’r Fro wedi ei ddylunio ar gyfer cerddorion uchelgeisiol o bob oed sydd awydd datblygu sgiliau’r diwydiant cerddoriaeth proffesiynol. Bydd dysgwyr yn astudio perfformio, cyfansoddi a chynhyrchu cerddoriaeth ar draws cyd-destunau cerddorol amrywiol, gan gyfuno perfformiadau byw, recordio mewn stiwdio a chreadigrwydd digidol.

Yn ogystal â gwaith ymarferol, bydd myfyrwyr yn gwneud ymchwil yn seiliedig ar brosiect, gan feithrin sgiliau myfyriol a beirniadol i gefnogi arferion artistig annibynnol. Mae aseiniadau yn seiliedig ar y diwydiant yn datblygu arbenigedd technegol a dulliau gweithio proffesiynol, gan ddefnyddio meddalwedd o safon y diwydiant fel Logic Pro, Ableton Live a Pro Tools. Gall dysgwyr llwyddiannus fynd ymlaen i addysg uwch, hyfforddiant arbenigol, neu yrfaoeddar draws y diwydiannau creadigol.

Uned 1 – Ymarfer Proffesiynol Cymhwysol 
Mae’r uned hon yn eich cyflwyno i wirioneddau’r diwydiant cerddoriaeth proffesiynol. Byddwch yn dysgu am y disgwyliadau a’r safonau proffesiynol sydd angen i gerddor portffolio eu cael mewn diwydiant cerddoriaeth byd-eang sy’n newid yn gyflym. Byddwch yn datblygu dealltwriaeth o’r gofynion sy’n cael eu hysgwyddo ar gerddor sy’n gweithio ar draws ystod o gyd-destunau ac yn dechrau cymryd cyfrifoldeb am eich datblygiad proffesiynol personol. Mae hyn yn cynnwys sgiliau craidd mewn perfformiad technegol, cyfansoddi ac ysgrifennu caneuon, cynhyrchu cerddoriaeth, technoleg cerddoriaeth, technegau recordio, sain byw, perfformio ac arferion entrepreneuraidd. 

Uned 2 – Ymarfer Cerddoriaeth Arbenigol  
Mae’r uned hon yn eich caniatáu chi i arbenigo yn eich llwybr cerddorol dewisol, gan ddatblygu a mireinio sgiliau technegol mewn perfformio, cynhyrchu cerddoriaeth a thechnoleg cerddoriaeth mewn lleoliad gwaith proffesiynol. Cewch ennill disgyblaeth y diwydiant drwy waith ymarferol helaeth, a all gynnwys cynhyrchu mewn stiwdio, gweithfannau sain ddigidol, dylunio sain, sain fyw a rolau cynhyrchu ar y cyd. Cewch weithio ar draws ystod o arddulliau a genres cerddorol, perfformio i gynulleidfaoedd gwahanol, ac ystyried cyd-destunau cerddorol hanesyddol a chyfoes. 

Uned 3 – Prosiect Cerddoriaeth Arbenigol 
Mae’r uned hon yn canolbwyntio ar brosiect arbenigol dan eich arweiniad chi, gyda’ch darlithwyr wedi cytuno arno wrth drafod. Byddwch yn ymwneud â myfyrio beirniadol parhaus wrth gynllunio, ymchwilio, cynhyrchu a chyflwyno eich gwaith. Gall gweithgareddau gynnwys gweithdai, ymchwil a datblygu, cyfarfodydd cynhyrchu, sesiynau recordio, perfformiadau byw a chyflwyniadau terfynol. Mae’r prosiect yn dwyn ynghyd sgiliau perfformio, cynhyrchu cerddoriaeth a thechnoleg cerddoriaeth, gan eich galluogi chi i greu a chyflwyno corff cynaliadwy o waith sy’n addas i’w ddefnyddio ar gyfer portffolio proffesiynol a rhyddhau masnachol. 

Cymhwyster Celfyddydau Perfformio Safon Uwch Gyfrannol / Safon Uwch / L3 neu brofiad cyfatebol. Bydd disgwyl i fyfyrwyr Celfyddydau Perfformio gymryd rhan mewn clyweliad. Argymhellir hefyd fod gan y myfyrwyr radd 4 o leiaf neu radd C TGAU (neu gymhwyster Lefel 2 cyfatebol) mewn Saesneg a Mathemateg. Bydd disgwyl i fyfyrwyr rhyngwladol ddangos bod ganddynt lefel dda o Saesneg ysgrifenedig a llafar gyda sgôr IELTS (neu gyfatebol) o 5.0 o leiaf yn cael ei hargymell. Bydd angen cyfweliad / clyweliad i asesu addasrwydd ymgeiswyr. Rhaid i chi fod yn 18+ oed.

• Mae'r Coleg yn croesawu cyswllt â rhieni / gwarcheidwaid myfyrwyr sy'n iau na 18 oed.

• Mae cefnogaeth ychwanegol ar gael i fyfyrwyr sydd ag anableddau ac anawsterau dysgu.

• Mae Coleg Caerdydd a'r Fro wedi ymrwymo i gynhwysiant ac mae'n gwerthfawrogi amrywiaeth. Rydym yn benderfynol o hybu cyfleoedd cyfartal a thrin pawb yn deg a gyda pharch.

• Mae Coleg Caerdydd a'r Fro yn cadw'r hawl i wneud newidiadau i'r cwrs hwn heb rybudd ymlaen llaw.

• Gall ffioedd cyrsiau newid. Cadarnheir eich ffi cyn ymrestru.

• Mae pob cwrs yn fanwl gywir adeg uwchlwytho neu argraffu'r deunydd hwn.

• Dim ond os oes niferoedd digonol y cynhelir y cyrsiau.

• Sylwer, os byddwch yn dewis tri chwrs neu fwy, efallai y cewch eich cyfeirio i gael apwyntiad gyrfaoedd i ddechrau. Nid yw hyn yn berthnasol i ddewisiadau Safon Uwch na TGAU.