Celf, Crefft a Dylunio
Ynghylch y cwrs hwn
Nod y cwrs yw datblygu eich gwybodaeth, eich sgiliau a’ch dealltwriaeth o weithio’n ddiogel ac yn greadigol gydag amrywiaeth o ddeunyddiau, technegau a phrosesau. Bydd y cwrs yn galluogi dysgwyr i archwilio, arbrofi a deall sut i ddefnyddio ystod o ddeunyddiau, technegau a phrosesau o fewn Celf, Crefft a Dylunio.
Byddwch yn gallu archwilio a defnyddio deunyddiau a phrosesau mewn gwaith celf. Byddwch yn creu portffolio o waith celf arbrofol a chreadigol ac yn cynhyrchu gwaith terfynol 2D/3D o’ch dewis gan ddefnyddio’r cyfryngau a’r prosesau a archwiliwyd yn ystod y cwrs Celf.
Beth fyddwch chi’n ei astudio
Ar y cwrs, byddwn yn trafod y canlynol:
- Wythnos 1: Argraffu Cerfweddol
- Wythnos 2: Cerflunio gyda gwifrau
- Wythnos 3: Cerameg
- Wythnos 4: Gwydro Cerameg
- Wythnos 5: Torri laser gyda CAD/CAM
- Wythnos 6: Torri laser gyda CAD/CAM
- Wythnos 7: Argraffu trosluniau a gwnïo
- Wythnos 8 -10: Prosiect Unigol (gan ddefnyddio cyfryngau a phrosesau o ddewis yr unigolyn)
Cyfleusterau
Mae gan y coleg weithdai Celf a Dylunio a chyfleusterau cyfrifiadurol eang. Mae ardaloedd Celf arbenigol yn cynnwys Celfyddyd Gain, Cerameg, Printio a Ffasiwn a Thecstilau.
Hefyd, cynhyrchu CAD/CAM gan gynnwys argraffwyr 3D, torwyr laser, peiriannau CNC a thorwyr finyl.
Ffi'r cwrs fesul blwyddyn
Ffi Cwrs: £45.00
Ffi Cofrestru rhan amser: £10.00
Gofynion mynediad
Nid yw'n ofynnol i ymgeiswyr feddu ar unrhyw gymwysterau ffurfiol i gofrestru ar y cwrs hwn. Fodd bynnag, bydd disgwyl i fyfyrwyr ddangos sgiliau Saesneg/Cyfathrebu sy'n eu galluogi i ddysgu ar lefel 2 i gynhyrchu'r gwaith cwrs asesedig gofynnol.
Pwyntiau pwysig
Mae'r Coleg yn croesawu cyswllt â rhieni / gwarcheidwaid myfyrwyr sy'n iau na 18 oed.
Mae cefnogaeth ychwanegol ar gael i fyfyrwyr sydd ag anableddau ac anawsterau dysgu.
Mae Coleg Caerdydd a'r Fro wedi ymrwymo i gynhwysiant ac mae'n gwerthfawrogi amrywiaeth. Rydym yn benderfynol o hybu cyfleoedd cyfartal a thrin pawb yn deg a gyda pharch.
Mae Coleg Caerdydd a'r Fro yn cadw'r hawl i wneud newidiadau i'r cwrs hwn heb rybudd ymlaen llaw.
Gall ffioedd cyrsiau newid. Cadarnheir eich ffi cyn ymrestru.
Mae pob cwrs yn fanwl gywir adeg uwchlwytho neu argraffu'r deunydd hwn.
Dim ond os oes niferoedd digonol y cynhelir y cyrsiau.
Sylwer, os byddwch yn dewis tri chwrs neu fwy, efallai y cewch eich cyfeirio i gael apwyntiad gyrfaoedd i ddechrau. Nid yw hyn yn berthnasol i ddewisiadau Safon Uwch na TGAU.
Dyddiad dechrau
Dyddiad gorffen
Amser o'r dydd
Rhan Amser
Cod y cwrs
Cymhwyster
Cyfleusterau
Mwy...
“Fe wnes i fynychu pob dosbarth ac fe wnes i fwynhau pob proses. Roedd pob modiwl yn glir ac yn gryno, gan gefnogi cyflwyniad hawdd i bob gwahanol broses, gan fy ngalluogi i gael canlyniad llwyddiannus. Llwyddodd yr archwiliad hwn o brosesau a thechnegau dros gyfnod o 7 wythnos o wersi dan arweiniad i lenwi fy mhen gyda syniadau a rhoi’r hyder i mi greu amrywiaeth o ddarnau creadigol.
Roedd gen i diwtor gwych a oedd mor garedig ac amyneddgar wrth gyflwyno theori a sut i ddefnyddio’r gwahanol brosesau. Roedd hyn yn gwneud gwahaniaeth mawr i mi fel dysgwr hŷn, yn enwedig fel un sydd heb arfer â defnyddio cyfrifiadur, ac erbyn hyn, rydw i wrth fy modd ac wedi cofrestru ar gyfer cwrs Cyflwyniad i CAD/CAM Lefel 3.”
Rhagolygon gyrfa ac astudio pellach
56,000
Gall dysgwyr sy’n cwblhau’r cwrs hwn yn llwyddiannus symud ymlaen i astudio naill ai ein:
Cyrsiau Rhan Amser:
- Cyflwyniad i CAD/CAM Lefel 3
- Argraffu 3D ar gyfer Busnesau Bach Lefel 3
- Tynnu lluniau a Darlunio Lefel 3
Neu
Gyrsiau Llawn Amser:
- Celf a Dylunio Lefel 2
- Celf a Dylunio Lefel 4
- Cwrs Sylfaen Celf a Dylunio
- Dylunio Ffasiwn Lefel 3
- Dylunio Cynnyrch Lefel