Electrodechnegol a Phlymio - Cyn-sylfaen mewn Adeiladu a'r Amgylchedd Adeiledig
Ynghylch y cwrs hwn
Mae’r cwrs adeiladu cyn-sylfaen hwn wedi’i ddylunio i roi dull sylfaenol gweithrediadau adeiladu i fyfyrwyr. Mae’n paratoi dysgwyr i symud ymlaen i’r cymhwyster Sylfaen, ac wedi’i anelu at y myfyrwyr hynny nad oes ganddynt unrhyw brofiad ymarferol yn y meysydd Plymio a Thrydanol.
Beth fyddwch chi’n ei astudio
Bydd y cwrs yn datblygu eich gwybodaeth a’ch sgiliau ymarferol yn ymwneud â gweithgareddau adeiladau a byddwch yn ymdrin ag ystod o weithgareddau ac yn ennill profiad o’r offer a’r adnoddau gan gynnwys:
- Systemau ac Offer Electrodechnegol
- Plymio a Gwresogi Domestig
Byddwch yn astudio yn ein canolfannau a chyfleusterau adeiladu pwrpasol. Mae’r rhain yn cynnwys dosbarthiadau ar gyfer theori a gweithdai enfawr sy’n benodol i fasnach lle byddwch yn datblygu eich sgiliau ymarferol bob wythnos gan ddefnyddio offer ac adnoddau safon diwydiant.
Mae eich cwrs yn cynnwys aseiniadau penodol a ddefnyddir i fesur eich datblygiad sgiliau a’ch asesiad diwedd blwyddyn, gan gynnwys profion sgiliau ymarferol ac arholiadau ar-lein.
Gofynion mynediad
3 TGAU Gradd A*-D. Fel arall, bydd ymgeiswyr yn cael eu hystyried ar sail cyfweliad ac archwiliad sgiliau boddhaol, gydag awydd ac ymrwymiad i gwblhau'r cwrs y maen nhw am ei astudio.
Pwyntiau pwysig
Mae'r Coleg yn croesawu cyswllt â rhieni / gwarcheidwaid myfyrwyr sy'n iau na 18 oed.
Mae cefnogaeth ychwanegol ar gael i fyfyrwyr sydd ag anableddau ac anawsterau dysgu.
Mae Coleg Caerdydd a'r Fro wedi ymrwymo i gynhwysiant ac mae'n gwerthfawrogi amrywiaeth. Rydym yn benderfynol o hybu cyfleoedd cyfartal a thrin pawb yn deg a gyda pharch.
Mae Coleg Caerdydd a'r Fro yn cadw'r hawl i wneud newidiadau i'r cwrs hwn heb rybudd ymlaen llaw.
Gall ffioedd cyrsiau newid. Cadarnheir eich ffi cyn ymrestru.
Mae pob cwrs yn fanwl gywir adeg uwchlwytho neu argraffu'r deunydd hwn.
Dim ond os oes niferoedd digonol y cynhelir y cyrsiau.
Sylwer, os byddwch yn dewis tri chwrs neu fwy, efallai y cewch eich cyfeirio i gael apwyntiad gyrfaoedd i ddechrau. Nid yw hyn yn berthnasol i ddewisiadau Safon Uwch na TGAU.
Mwy...
Fe ddewisais astudio yn y Coleg oherwydd y cyfleusterau sydd yno ac oherwydd i mi glywed cymaint o bethau da am y Coleg yn lleol. Rwyf wedi mwynhau datblygu fy sgiliau yn y gweithdai, gwneud ffrindiau a dysgu gan y staff a’r darlithoedd – maent yn wybodus dros ben. Rhoddodd y coleg y cyfle i mi gystadlu yng nghystadleuaeth Sgiliau’r Byd y flwyddyn ddiwethaf, ac fe wnes i fwynhau’n arw. Roeddwn hefyd yn lwcus iawn o ennill Dysgwr y Flwyddyn ar gyfer y Gwasanaethau Adeiladu, ac roedd hynny’n uchafbwynt arall i mi. Bellach, rwyf wedi cael fy nerbyn i astudio cwrs gradd ym Mhrifysgol Caerfaddon. Unwaith y byddaf yn cwblhau fy ngradd, byddaf yn edrych i gael ychwaneg o brofiad gwaith cyn mynd ymlaen i sefydlu fy musnes fy hun.
Rhagolygon gyrfa ac astudio pellach
9.1%
Ar ôl cwblhau’r cwrs hwn yn llwyddiannus, gall myfyriwr symud ymlaen i’r cwrs Sylfaen mewn Adeiladu a Pheirianneg Gwasanaethau Adeiladu, lle bydd dysgwyr yn cael dewis crefftau deuol, cyn symud ymlaen i’r cymhwyster Dilyniant mewn Peirianneg Gwasanaethau Adeiladu. O ganlyniad, hon yw’r flwyddyn gyntaf o gwrs tair blynedd llawn amser.
Mwy...
Rwy’n mwynhau dysgu fy nghrefft yma yng Ngholeg Caerdydd a’r Fro. Mae’r athrawon yn hynod wybodus a chefnogol. Rwy’n edrych ymlaen at gymhwyso a dechrau fy musnes fy hun.