Mynediad at Therapïau Estheteg
Ynghylch y cwrs hwn
Mae’r cwrs newydd sbon hwn wedi’i ddylunio ar gyfer pawb sy’n frwd dros ofal croen. Cynhelir y cwrs am 1 diwrnod yr wythnos am 10 wythnos. Mae'n gymhwyster therapi harddwch sy’n targedu dysgwyr heb unrhyw gefndir ffurfiol mewn hyfforddiant therapi harddwch, sydd eisiau cael mynediad at astudiaeth ychwanegol o driniaethau therapi uwch ar Lefelau 4 ac uwch.
Beth fyddwch chi’n ei astudio
Mae’r cymhwyster hwn yn cynnwys unedau ar lefelau 2 a 3 wedi’u cyfuno i ddarparu’r wybodaeth sylfaenol i ganiatáu dilyniant uniongyrchol i hyfforddiant moddolrwydd penodol ar lefel 4+.
Rhaid i ddysgwyr gyflawni’r unedau gorfodol:
- Cynnal iechyd a diogelwch yn y salon
- Dadansoddiad croen a gofal croen wyneb
- Ymgynghoriad a gofal cleient
- Anatomeg, ffisioleg a phatholeg
- Gwyddoniaeth drydanol
Trwy gydol y cymhwyster hwn, bydd dysgwyr yn datblygu eu gwybodaeth a'u dealltwriaeth o ofynion iechyd a diogelwch perthnasol, anatomeg, ffisioleg a phatholeg a gwyddoniaeth drydanol, ochr yn ochr â dadansoddiad croen a phrotocolau ymarferion triniaethau diogel ar gyfer gofal croen wyneb. Bydd dysgwyr hefyd yn datblygu’r wybodaeth, y ddealltwriaeth a’r sgiliau i gynghori a thrafod gyda chleientiaid, a darparu cyngor penodol ar gyfer gofal ôl-driniaeth yn y cartref.
Dulliau addysgu ac asesu
Bydd dulliau addysgu yn cynnwys astudio annibynnol, arddangosiadau ymarferol a darpariaeth ffurfiol.
Bydd dulliau asesu yn cynnwys arholiadau theori, aseiniadau ac asesiadau arsylwi ymarferol.
Ffïoedd cwrs
Ffi Arholiad : £108.00
Ffi Cofrestru rhan amser: £45.00
Ffi Cwrs: £212.00
Gofynion mynediad
TGAU graddau C neu uwch, neu gymhwyster cyfwerth.
Oedran gofynnol: 18+
Pwyntiau pwysig
Mae'r Coleg yn croesawu cyswllt â rhieni / gwarcheidwaid myfyrwyr sy'n iau na 18 oed.
Mae cefnogaeth ychwanegol ar gael i fyfyrwyr sydd ag anableddau ac anawsterau dysgu.
Mae Coleg Caerdydd a'r Fro wedi ymrwymo i gynhwysiant ac mae'n gwerthfawrogi amrywiaeth. Rydym yn benderfynol o hybu cyfleoedd cyfartal a thrin pawb yn deg a gyda pharch.
Mae Coleg Caerdydd a'r Fro yn cadw'r hawl i wneud newidiadau i'r cwrs hwn heb rybudd ymlaen llaw.
Gall ffioedd cyrsiau newid. Cadarnheir eich ffi cyn ymrestru.
Mae pob cwrs yn fanwl gywir adeg uwchlwytho neu argraffu'r deunydd hwn.
Dim ond os oes niferoedd digonol y cynhelir y cyrsiau.
Sylwer, os byddwch yn dewis tri chwrs neu fwy, efallai y cewch eich cyfeirio i gael apwyntiad gyrfaoedd i ddechrau. Nid yw hyn yn berthnasol i ddewisiadau Safon Uwch na TGAU.
Dyddiad dechrau
Dyddiad gorffen
Amser o'r dydd
Rhan Amser
Cod y cwrs
Cymhwyster
Cyfleusterau
Mwy...
Mi wnes i lwyr fwynhau fy nghyfnod yn astudio yng Ngholeg Caerdydd a’r Fro, mae’n sicr wedi bod o gymorth i mi gyrraedd lle roeddwn i eisiau bod. Fe ddechreuais ar y cwrs Harddwch a Gwallt Lefel 2, cyn mynd yn fy mlaen i’r cwrs Harddwch a Therapi Spa Lefel 3. Yna, fe ddychwelais i gwblhau cwrs Uwch Estheteg Lefel 4. Roedd hi’n wych cael dysgu a chael profiad gwaith gwerthfawr mewn salon go iawn. Un o fy uchafbwyntiau oedd cystadlu mewn Cystadleuaeth WorldSkills a chipio’r ail wobr. Ers gadael, rwyf wedi sefydlu salon fy hun, ble rwyf yn cynnig amrywiaeth o driniaethau. Y flwyddyn nesaf byddaf yn mynd ymlaen i gyflogi technegydd ewinedd a therapydd harddwch i’m helpu i dyfu’r busnes a chynnig hyd yn oed mwy o wasanaethau i’m cleientiaid.
Rhagolygon gyrfa ac astudio pellach
£7.7billion
Prif bwrpas y cymhwyster hwn yw paratoi dysgwyr ar gyfer astudiaeth ychwanegol ar lefel 4+ yn y diwydiant estheteg harddwch. Bydd cyflawni'r cymhwyster hwn yn galluogi dysgwyr i ddatblygu eu gwybodaeth a’u sgiliau ymhellach drwy gwblhau cymwysterau arbenigol ar Lefel 4 a 5, er enghraifft:
- Tystysgrif Lefel 4 VTCT (ITEC) mewn Pilio Croen
- Tystysgrif Lefel 4 VTCT (ITEC) mewn Nodwyddo Croen
- Tystysgrif Lefel 4 VTCT (ITEC) mewn Uwchsain
- Tystysgrif Lefel 4 VTCT (ITEC) mewn Dermablaenio
- Tystysgrif Lefel 4 VTCT (ITEC) mewn Uwchsain Ffocws Dwysedd Uchel (HIFU)
- Tystysgrif Lefel 4 VTCT (ITEC) mewn Microbigmentiad Croen Pen
- Tystysgrif Lefel 5 VTCT (ITEC) mewn Microbigmentiad ar gyfer Cuddliwio ac Adnewyddu